طليقة زوجي وحركاتها السخيفه.....

[موني^حبيبي]

رد : طليقة زوجي وحركاتها السخيفه.....

تتحرش بطريقه غير مباشره

اليوم لاتبرد البنت باجرلا تنسا اكلها اللي عقبه ............................

ديري بالج ولا تحسسينه انج مغفله

 

[زوجة عزيز]

وي الله يعينج انا بعد متزوجه مطلق وعنده اعيال وكله اخاف واحاتي مع ان طليقته اهي اللي خالعته بس ما اعرف ليش الخوف

 

[BiiShOoO]

الله يعينج و يصبر قبج عى الغيرة

بس اهوا ما قالج عشان المشاكل فطنشي و حطي ببالج لو اهو يبيها جان ما طلقها

 

[هنـــــد]

رد : طليقة زوجي وحركاتها السخيفه.....



طنشي يا غلا .. عادي طرشت مسج شنو صار يعني ؟
هذا يدلج انه مو معطيها وجه وتدري لو تدق ماراح يرد عليها
عشان جذي طرشت المسج ،

 

[منوة القلب]

انا اقول توقعي يصير بينهم حتى اتصالات مو بس مسجات لان بينهم بنت

بس انتي خليك ذكيه لاتكبرين الموضوع عند زوجك وخذيه بالسياسه وبينيله ان الامر هذا عادي عندك بشرط يقولك

قوليله عادي لودقت او ارسلتلك مسج ماعندي مشكله انتم بينكم بنت بس لاتخشخش عني كأنك مسوي شي غلط



والله يسخره لك

 

[عادت ذكرياتي]

هدي حبوبة

 

[كويتيه وافتخر]

رد : طليقة زوجي وحركاتها السخيفه.....

الله يعينج


اعرف وحده معلقه مومطلقه وزوجها ماتزوج بعد

وماتدز له ولا تتواصل معاه كلش مع انه بينهم طفل بس شاريه كرامتها

طليقه زوجج غلطانه لانه مايجوز تكلمه كلش بس شكلها حنت له ديري بالج واحتوي زوجج بالحب لاتخلينه يلتفت لها

 

[Miss McDonald]

رد : طليقة زوجي وحركاتها السخيفه.....

.



حبوبة دام انتي واثقه من ريلج طنشيهآ !
ولو صآرحتي ريلج بالـ " مسج " .. راح تصير على راسج لأنج فتشتي من ورآه !
لاتخلين هالأشياء البسيطة تدش بينكم وطليقته خليهآ على حآلها مردهآ بتركد وبتمل ,

 

[AmoOona_29]

رد : رد: طليقة زوجي وحركاتها السخيفه.....

حبيبتي انتي لازم تدرين انه بيصير بينهم اتصال ومسجات وماله داعي يقولج النه هالشي بديهي

البنت بنته وبنتها ولا تنسين انه بيوم من الايام كانت مرته مثل مانتي الحين مرته

لا تعورين قلبج وتتضايقين على هالشي ومو معقولة تقول لاخوها دق على ريلي عشان يدير باله على البنت

واذا انتي ام اعتقد بتحسين بخوف الام على عيالها

الله يهديج كبري راسج ولا تدورين المشاكل وتنكدين عليج وعليه دام انه مايبيها خلاص جابلي ريلج واحسني معاملة بنته ومالج شغل شيصير بينهم مسجات ولا اتصالات لانه امر عاديييييييييييييييييييييييييي

هالكلام مو فلسفة من واقع تجربة

معاهآآ 100% :rerrerek:

أنا أمي وأبوي مطلقين وللحين يكلمون بعض بخصوصنا طبعا وللعلم هو متزوج ، ولما كنا صغار ونطلع وياه كانت تدق عليه

توصيه علينا بس مو معناته تتحرش فيه، أصلا لايعه جبدها بس شتسوي ؟ أبو عيالهآ وانتي كبري عقلج وصفّي النيه يعني لما

كانت عنده عايفها ، الحين بيرجع يحبها مثلاً؟ وبعدين الطلاق كان منـّه

؛

 

[كويتيه79]

الله يهدينا للي فيه الخير ، طنشيها وانت اللي معاه الحيييييين طااااااااف

 

[عيون زوجي]

اختي حبيبتي انا نفس وظعج بس انا وزوجي من اول نفاهمنا على هذا الشي وزوجي غير رقمه احتراما لشعوري

وصارت اذا تبي شي ادق على خالتي(امه)

او على حماتي لانها بالبدايه سوت اكثر من اللي سوته طليقة زوجج بس احس الحين اقتنعت وفهمت
لازم زوجج يسوي شي يبين فيه لها انها انتهت من حياته وانه يغير التلفون ومثل ماخلا اخوانها طرف في اي موضوع يبي يوصله لبنته يخلي له طرف يوصله الامور الي تخص بنته مثل اخته او امه
راح ترتاح نفسيتج وتصير الامور وايد احسن

 

[عاشقة_الجمال]

لاا تكبررين السالفه يا قلبي

ترى السالفه ما فيها شي

 

[شالعه ضرس العقل]

الله يعييينج وصراحه ما الووومج .. بس تأكدي أنها بيوم من الاياام كاانت زوجته .. وترا انتى بنظرها اللي خذيتي زوجها وابعدتيه عنها وعن بنتهااا ... وابيج تكثرين هالدعااء ( اللهم لا تجعل له نصيبا مع النساءء سواي ) كثري منه .

حبيبتي مشكوره بس بوضح شغله زوجي بعد ماطلقها قعد مالايقل عن 4سنوات عزوبي قبل لايخطبني ويعرفني حتى

 

[استكانه1]

رد : طليقة زوجي وحركاتها السخيفه.....

يمه طاااااااااااااااااااااااااااااااااااااااااااااااااااف والسالفه عطيها طاف
ادرى ناااااااااااااااااااااااااار وحره بالقلب اتصير ؟ واقولج لاتشغلين بالج مسجها مافى شى اى بس حركات حرررريم ليش ؟ اهى تبيج تتضاجين وتنكدين ع عمرج وع ريلج واهو ريلج ماقالج مايبيج تتضاجين اويدرى فيج اتغارين او يخاف اتسوينها سالفه ؟ وبعد ماابيج اتطوفين السالفه ما ابيه يخش عنج شى ولا تتتهاوشين ولا شى ؟
الحين شاااااااااااااااااااااالحل؟؟؟؟؟؟
يبى طارى انج شفتى المسج وقوليله ترا موزين الريال ايخش شى عن مرته زين ؟؟ بس اتصررررررين بارده جداااامه ولاتهاووووشينه بس هالله هالله بالنظررررات الغامضه تذبحه ؟ ومايدرى شنو فيج وبشو تفكرررين ؟؟ وطوفى السالفه ؟

ونصيحتى لج ظرورى اتصرين واثقه بنفسج ووووووايد ؟
يعنى قولى حق نفسج انتى وين ووهذى ووووين ؟ ايييييييييييييييياج تهزين ثقه ريلج فيج يعنى انتى اتغارين منها ؟ الغيره شى وانج اتغارين من طلقته شى ثانى ؟؟؟؟
ولو يه يوم وقالج انتى اتغارين منها قوليله انا لو غرت من هالدنيا كلها هذى ماتحرك شعره من راسى ؟؟ يعنى تحقررررينها حتى لا ايفكر فيها كللللللش ؟ سمعينى زين والله ترا هاذى الاسلوب متعلمته من د/ناعمه الهاشمى والله يبرد على قلبج

 

[بسكوتة توتة]

رد: رد : طليقة زوجي وحركاتها السخيفه.....

ريلج شكله عارفج غيورة واختصر الكلام وخش المسج

خلج عادي ولاتينينله انه زعلانه لاتفتحي عيونه على طليقته بصدق نفسه ويصير يحرج فيها حتى لو مافي شي

ترى احنا احيانا نفتح رياييلنا على سوالف ونخليهم ينتبهون

معاها 100% صح كلامج ويعطيج العافية

 

[اشتياق]

عادي ماشوف فيها شي؟
لو قالت لاخوانها قولوا له يدفي البنت لا تبرد بيقولون سالفه سخيفه
عشان جذي وصته شخصيا مافيها شي

 

[*ريما*]

رد : طليقة زوجي وحركاتها السخيفه.....

مكبرة السالفة زيادة عن اللزوم
وخير ياطير طرشت مسج
ماشوف سوت شي غلط
المرة خايفة ع بنتها بس
وانتبهي ترى الشك الزايد يخرب بيوت

 

[ضايعة بدنيتي]

حبيبتي تعوذي من ابليس ولا تخلينه يلعب بعقلك

طنشي الموضوع لانه ما يستحق كل هذا. حتى لو فعلا كانت تقصد شي بهالحركات انتي لا تعطينها مجال . شلون ما تعطينها مجال ؟ لما تقومين بزوجك وتهتمين فيه وتدلعينه وما تخلين عليه قاصر هنا ولا راح يفكر حتى مجرد تفكير بزوجته الاولية مهما سوت ذيك من حركات .

انتي سوي الي عليك وخلي الباقي على رب العالمين . وهو وحدة اعلم بالنيات .

وفي النهاية ترى الموضوع عادي لا تكبرينه وتحملي تحسسين زوجك بشي لا ينقلب الموضوع عليك

الله يسخركم لبعض

 

[فوفو22]

رد : طليقة زوجي وحركاتها السخيفه.....

اخذي منها قاعده

المطلقة واللي عندها يهال

ما تنقطع علاقتها بزوجها مدى الحيااااة

سواء بالاتصال او المسجاااات

لانه بينهم لحم ودم وعيال

*********************

شعور الزوجه .....ان المطلقة تدور وتسوي افلام عشان زوجها يرجع لها

وافلامها تتمحور حول عيالها

هالاحاسيس باطله صدقيني

وسأليني ليش......؟؟؟؟


لانه تقدر اي مطلقة تتصل بطليقها وتقوله .....ممكن نرجع لبعض عشان اليهال ...بدون افلام ولا حركاااات

فوفو

 

[دمع الروح]

حبيبتي أرسليلها مسج من تلفونه وبعدين أمسحيه قوليلها إذا تبين شي كلمي أمي أو خواتي