طلق صناعي ولا فتح بطن

[ruby13]

السلام عليكم بنات

بدش بالموضوع على طول انا خلصت شهري ودشيت بالعاشر والبيبي ليلحين مرتفع وانا مسكره مو فاتحه ولا سانتي والدكتوره قالتلي موعدي الجاي راح اتحدد اذا طلق صناعي ولا فتح بطن وانا بصراحه خايفه اتقولي طلق صناعي واخذ العوار والبيبي ماينزل واخر شي فتح بطن منو مثل حالتي طمنوني بموت من المحاتااات

 

[MisS^MesSY]

اب اب

 

[AnA_NeYa]

انا دخلوني وماكان فيني ولاده وحطولي طلق صناعي وقعدت من الساعه 8 الليل ليه باجر الساعه 1 الظهر ولا انفتحت ولا سانتي واخرتها قيصريه

انتي نطري ليه الموعد وانشالله تييج ولاده

 

[ruby13]

الله يسمع منج يارب انا اللي امخوفني اني اخذ الم الطلق وعوار العمليه يارب سترك

 

[هذا مزاجي]

يارب تجيج الولاده قبل ياخذونج ويعزرون فيج

 

[AnA_NeYa]

حبيبتي اللي الله كاتبه بصير بس انتي لا تحاتين وايد مو يقولج الشي اللي تخاف منه اييك

توكلي على الله وانشالله ماكو الا الخير

وانا مابي اخرعج بس فعلا هذا اللي صار معاي عوار الطلق فوق ال12 ساعه واخرتها فتحوا بطني

بس كل شي ينسي والله

وانتي بعد شدي حيلج امشي وشربي السوالف اللي تفتح الرحم وتييب الولاده انا ماعرفها والله لاني كله قيصريه

 

[أغلى حبيبه]

انا بكل عيالي ما اولد الا بالعاشر ويالطلق الصناعي

اخر ولاده من ١٠ الصبح لي ١١ بالليل يالله ولدت والحمدالله طبيعي

ومع الكمام ماتحسين بالعوار

وعلى حسب الدكتوره اذا تنطر عليج ولا مستعيله

والله يقومج بالسلامه

 

[ام دندوونه]

تعوذي من ابليس ولاتحاتين..انا دخلت وما كان فينى ولادة..وكان فينى ضغط وخافوااا علي الجنين وعطوني طلق صناعي والحمد الله فتح الرحم وجبت ولدي طبيعي..وان شاء الله ما يفتحون بطنج..بس انتى كثري من المشي علي البحر حافية..
وكثري جماع لانه سبحان الله يفتح الرحم..والله يسر امورج يارب..وتولدين بالسلامة..

 

[ام الجدائل]

شربي دارسين و كثري رطب و مشي و جماع
اانا توني يايه من دكتورتي داشه شهري قالتلي اخذي هالسوالف
دكتورتي امل عبدالعزيز

 

[ruby13]

مشكورين بنات ماقصرتو والله كريم يارب الله يسهل علي وعليكم

 

[بسبوسه بلجبنه]

لا تروحين نطري حبيبتي وشربي شغلات تبطل الرحم صدقيني مافي شي اسمه عوشرتي ربج ماتدرين متى حطه ببطنج بس انتي شدي حيلج سوي تمرين القرفصاء وتحركي واايد لا تقعدين بس بسالج جم يوم طاف موعدج ؟؟؟

 

[حرم_طيار]

هلا حبوبه الطلق الصناعي زين وشين
زين لان يساعد على فتح الرحم
وشين لان مو كل ياهل يتحمله واوقات الطلق الزايد والياهل فوق يتعبه
انا بنتي اتعبت من الطلق الصناعي قلبها قام يقل على طول حولوني قيصري
والله يسهل عليج ان شالله

 

[العفاسيه]

لا تنطرين داشه العاشر وماولدتي مو زين عالبيبي
الطلق الصناعي مثل ألم الطبيعي لاحد يقولج غير
انا خذيت صناعي ومانفتح الرحم بس غفصوني وتعبت واخر شي عمليه
اخذي الطلق ومع الكمام بترتاحين

 

[@ام يوسف@]

الله يسهل عليج وتولدين بالسلامه

 

[عضـــــوه]

حبيبتي هذا اول بطن ؟؟؟

اذا اول بطن وبجر لا تاخذين طلق صناعي وعوشرتي ما له داعي هالسوالف

لازم تراجعين وتسوين سونار وتشةفين وضعج وتحسين بحركة البيبي

لانه الطلق الصناعي جربته يذبح وكلام حرم الطيار صار فيني

كان وضعي طبيعي وضحك علي الدكتور بسالة الطلق الصناعي

وجنى علي والحين كل ةلاداتي قيصري بسبته والحمدلله على كل حال

توها اليوم رفيجتي خلصت التاسع وخذست اسبوع فوقه وولدت بدار الشفا طبيعي

واهم شي تجيكين على البيبي

واذا الراس فوق كثري حبي والسجود وكثري استغفار وادعي ربج فان اراد شيء يقول له كن فيكووووووووووون

والله يسهلها عليج يارب


وتبشرينا بولادتج الطبيعيه حبيبتي

 

[أعشقه]

لاتخافين كثري شرب الدارسين انا والله امي تشرب
وحتى يوم حست بالم ولاده سويت لها وشربت وع طول راحت وماطولت ولله الحمد ولدت
يسهل ويفتح الرحم ..
انتي كثري الاستغفار واشربي دارسين وتمشي تحركي وان شاء الله ع الموعد يجي لك الطلق ويفتح الرحم وتولدين طبيعي
والله يسهل عليك وعلينا يارب

 

[ruby13]

انا اليوم اكمل 5 ايام من العاشر احس انه بطني نزل شوي وقمت احس ابثقل ابمنطقه فوق العانه ومن تحت عوار يدوب حيل خفيف الله يسهل يارب ومشكورين بنات على تجاوبكم والله صج خففتو عني عسى ربي يهون علينا جميعا
وانشاءالله اول ما اولد اعطيكم خبر ترقبوني

 

[حرم_طيار]

حبوبه كثري مراميه وبابونج والزعتر
عندج خلطه مسمار+ اعواد دارسين+ عسل حطيهم يغلون مع كوب حليب والله يسهل

 

[ruby13]

حبوبه كثري مراميه وبابونج والزعتر
عندج خلطه مسمار+ اعواد دارسين+ عسل حطيهم يغلون مع كوب حليب والله يسهل

حبيبتي شلون اسوي مراميه وبابونج وزعتر اخلطهم مع بعض ولا كل واحد بروحه
وانا نوعي مشكله كلشي اسببلي حساسيه المسمار والزنجبيل والحليب انا عسره والبيبي شكله طالع علي لووول :eh_s(10):

 

[حرم_طيار]

ههههههه لا ان شالله ما يطلع عسر
لا شربي كل واحد بروح
وكثري التمر