طلقني

[((shoOoshoOo))]

الله يصلح اموورج

 

[عسل مرت قيمر]

ماعليه مهما يصير بينكم لازم الاحترام يكون موجود

حتى لو غلطو عليج قلبي

انتي لا تنزلين حق مستواهم


خلج اعلا منهم

فهميه انج ارقى من انج تسبين او تغلطين



راح تكبرين بعينه وراح يعرف منو الغلط اكيد

بس جذي طلعتي نفسج غلطانه وانتي مو غلطانه


ماعليه الحين حاولي تتفاهمين معاه بهدوء وتحلون مشاكلكم

 

[أروح فدوه لك]

حبوبة انتي مادخلتي بالتفاصيل كلها عن المشكلة والسبب بس اللي عرفته في مشاكل بسبب اهله ((التدخلات وغيره))

المهم شوفي بما ان اختي سبق لها الطلاق واهي كانت تقولي عن قبل شصار ماصار مثلج بالضضضبط ..

تدخلات اهله بكل صغيره وكبيره وتقول لازم لازم تصير مشاكل بس مايطلع الغلط منج لازم يطلع منهم وانتي لازم تتحملين

مو اقل قليل زعلتي وسبيتي او دعيتي اهم ينتظرون الزلة منج ياقلبي فلازم تحقرين والحقران اقطع المصرات
ومثل ماذكرتي انتي تحبين ريلج وماودج تخسرينه هم اهو بعد بس كل زوج مايرضى على اهله حتى لو اهم غلطانين..

لازم تكسبينهم ولو مجاملااااات مو حقيقة ومثل ماذكرت احد الاخوات خلج وياهم رسميه لازم تتغيرين وتروينه تغيرج المفاجأ والزواج فالبداية لازم لازم فيه مشاكل اول سنه وثاني سنه وثالث سنه لازم في اختلافات وتغيرت

خبرج انتي ماكنتي متعوده على جذي والحيا اللي ناطرتج غير وصعبه وسهله واهي عليج انتي تقدرين تتحكمين بعقلج ..
لاتخلين حد يتشمت عليج ومثل ماقلت لج ينتظرون منج الزله كوني احسن منهم وردي العلاقة لزوجج لو سامح لج طبعا

تكملون حياتكم واذا كلمتيه قوليله هلك على العين والراس بس اسمح لي ما أبي احد يتدخل بأمورنا وحياتنا احنا نحل مشاكلنا بروحنا ومالهم حق يمدون ايدهم عليييج عيب مهما يكون انتي بنت ناس وطالعه من بيت ومربيه

مب يايبينج من الشارع علشان يضربونج فكري زين وتغيري وحلي مشكلتج بعين العقل وكسبي الزوج واللي يفكر يكسب الزوج يكسبه برضى اهله ومثل ماقلت لج جامليهم ومدحيهم جدام ريلج شوفي شلون بيستانس ...


طولت عليج بس هاي مو كلامي كلام اختي اللي سبق لها الطلاق بسبب اهله ..

 

[Ranoon]

مثل شنو هم مادين ايدهم عليج ؟

وانتي غلطانه تسبين اهله سواء قدامه
او من وراه ..

مستحيل زواج يمشي وانتي واهل زوج على خلاف

وعمره العصبيه ماتحل مشاكل
تفاهمي مع زوج وبهدوء لأي مشكلة تصير بينكم

انتي غلطانه ...

الله يصلحج وترجعين لزوجج ويهدي اهله

 

[كويتيه مذهله 87]

حاطه مشكلتج والحل بيدج موبيدنا


اول شي انتي الغلطانه لو مهما يصير ماتغلطين علي اهله جدامه حتي لو مضغوطه عيب هذولا اهله ترى
احترمه اهله يحترمونج ويتحرمج

 

[f@rsaq8]

الله يعييينج ويامن شراله من حلاله عللله .. الله لايوفقهم امدوون ادينهم هنمايل يبيلهم وحدة من طقتهم تقدر تتعايش معاهم ..

 

[ماكواسم2]

بنات صارت مشكله بسبت اهل زوجي حسبي يالله عليهم وقمت غلط علي زوجي وسبيته ودعيت على اهله لانهم جد لوعو جبدي هو زودها معاي بالكلام بعد وانا صارلي سنه متزوجه ومشاكل بينا تحصل وهو لاقلتله بخليك بكي عندي ويموت فيني فصدمني يوم طلقني يقول انتي ماتحترميني وتماديتي علي ودعيتي على اهله معنه اهله مدوا ايدهم علي زين وانا احب زوجي حيل ومابي اخسره وهو ردني نفس اليوم وماني عارفه شلون اتصرف معاه عشان مايبيعني بسهوله الي عندها خبره بالطلاق تكلمني الله يجزاكم خير

الحين راح اتعرفين قيمتج عدل لانج قبل متفرعنه ومسنوده فيه ....

تقولين هم مدوا ايدهم وانتي شنو سويتي فيهم

 

[i'm so happy]

معليش حبوبة مهما يكون انتي سبيتي اهله الله اعلم شنو الشي اللي خلاج تغلطين عليهم

يمكن من الضغوطات او التدخلات بس مهما يكون نمسك اعصابنا احنا الحريم عكس الرجال فينا صبـر

فينا طاقه من الصبر ياقلبي فالمفروض ماتطولين لسانج لا على زوجج ولا اهله وتتفاهمون واذا شفتي
المشكله زادت عن حدها دخلي اهلج لكن بينكم عشره فما يصير سب ودعاوي مو زين ياقلبي ..

مافكرتي بعد هالمشكلة بردج ولا لا واذا ردج لج وي تشوفينهم بعد المشكلة ؟؟!!

الله يهديكم ويصلحكم

 

[i'm so happy]

صح نسيت اقولج ماكان المفروض يمدون ايدهم عليج عيب ... في ذوق شوي فالتعامل والاسلوب والتفاهم
في صراخ في عصبيه بس ضرب لا قويـه

لا على زوجج يتطاول ويمد ايده لانه مو هاذي رجولة يستقوي على الزوجة

ولا اهله يمدون ايدهم بعد ... لانه مالهم حق

 

[ايمان الغساني]

ماقصرو البنات الله يسخركم لبعض

 

[ريما الهاجري]

بنات ولله ماسويت لهم شي وحده من خواته غلط علي زوجي وماتحمل وقعدت تصرخ عليه وطقها وجيت بفكها من زوجي جان تسحبني معاه بس عشانها حاقده علا زوجي مجنونه وقالت لابوها مانبي اخونا يسكن عندنا بالبيت وطرده ابوه عشان ليش يطق اخته هم مايحبون وزوجي لانه يبون واحد على كيفهم وهو ناشبلهم بالبس وهم عبالهم انا احرشه عليهم بس هو طبيعته جذي مالي شغل فيهم

 

[قمرية الفيس]

الخيرة فيما يختارها الله لك

 

[مــســك]

الله يهديكم لبعض يارب ..


انتي ساكنه عند حمولتج .؟

 

[mi corazon]

حبيبتي انتي خايفه من الطلاق

واهو خايف لا تسبين أهله مره ثانيه

اول شي اصلحي ما بينج وبين ربج ... راح يصلح لج امورج مع ريلج


ثاني شي لا تعودينه ان الكلام البذئ والسب يكون عادي بينكم .. انتبهي باجر ان شالله بينكم عيال بصير

وموحلوه أمهم تنسب جدامهم

مسألة أهله يمدون ايدهم عليج ... ضروري تحلين الموضوع بالدعاء والاستغفار ولازم تحطين حد دخلي اهلج بالموضوع ان لزم

لااااااازم يحط الف اعتبار لكرامتج ... انتي إنسانه وماخذج معززة من بيت اهلج اللي ماطقوج علشان أهله يسوونها !!!!


بس بالأول والأخير هاذي حياتج أخذي من كلامنا اللي ينفعج وقطي اللي تشوفينه ضار لج

بالنهايه انتي بتحلين المشكله بعون ربي مؤ إحنا


الله يسخر لج زوجج وأهله

 

[كويتية بروما]

حبيبتي قضبي لسانج
لسانك حصانك ان صنته صانك وان خنته خانك
سكتي ع الاساءه منه ومن اهله واحتسبي الاجر من الله

الله يهديكم لبعض

 

[Um Tuki]

اولا لا تغلطين على اهله جدامه

ثانيا شلون يمدون ايدهم عليج

عشنا و شفنا

هبري الريال يطق زوجته مو اهله بعد

فوق هذا احبه حيل ومادري ششنو

شنو كان تصرفه يوم مدوا ايدهم عليج


لو منج

اشيل قشي و اروح لأبوي و اخليه يتصل بزوجي و يكلمه و يقول له انا ماعكيتك بنتي عشان انت و هلك تمدون ايدكم عليها

و تخلينه يرد اعتبارج

و دام طلقج قعدي عند اهلج هالاقل اسبوع


ليش تقطين روحج

وتردين له نفس اليوم


كل هذا عشان ريال


و كرامتج


دام تهاونتي اول مرة


صدقيني بعيدها و راح اتيين لنا تركضين تقولين شوفوا ريلي مد ايده علي

شوفوا اهل ريلي مدوا ايدهم علي



دام حسج بتموتين عليه و حس برخص نفسج له

تحملي العواقب

 

[PuPa^^SWeeT]

بنات ولله ماسويت لهم شي وحده من خواته غلط علي زوجي وماتحمل وقعدت تصرخ عليه وطقها وجيت بفكها من زوجي جان تسحبني معاه بس عشانها حاقده علا زوجي مجنونه وقالت لابوها مانبي اخونا يسكن عندنا بالبيت وطرده ابوه عشان ليش يطق اخته هم مايحبون وزوجي لانه يبون واحد على كيفهم وهو ناشبلهم بالبس وهم عبالهم انا احرشه عليهم بس هو طبيعته جذي مالي شغل فيهم

حبييييبتي يعني مو قصدهم انتي بالذاااات ؟؟؟؟



يعني قاعدين يتهاوشون ويا اخووهم


وبتفجييينهم حاااشج الطق



يعني مو اللي تصورته انا





ليش دشششيتي بيينهم



معرووووف مايدخلون بين اثنييين يتطاققون وانتي دشيتي بريلج





يعني حاشج من طقهم نفس اللي حاشهم من ريلج





تعوذي من ابليييس




مرة ثانية لقييتي ريلج و خواته يتهاوشون



اللي علييج بس قووولي فلااان خخلللاص خلااص و خلج وراه اهوووو


مو اتدشين بينهم





و مشاكلهم اهم كيفهم


ليش اتدعيين علييهم


اكيييد بيزعل ريلج


بدال لا تهدين الوضع تدعيين عليهم




غلط غلط غلط




اللي عليييج الحييين تنسين الموضوع




بس تقعدةةن ويا اهله جلسة هدوووء و وئام واعادة المياه لمحاريها