طلقني وفضها سيره ,,,,,,,,

[ام شووووق]

رد : طلقني وفضها سيره ,,,,,,,,

البنات ماقصرو

 

[ام فواازي]

شيلي فكرة الطلاق من راسج لاتظنين انه سهل
بالاول بيفترقون العايله خاصه انج بنت عمه وخالته
ماشالله عليه متحملج من شهر 10 مانعته 5 شهور يقولج اعزب دهر ولا ارمل شهر يعني الرجال المجرب مايقدر يصبر اكثر من شهر وانتي مانعته شهور من غير سبب خافي ربج فيه انا زوجي لما اكون حامل بالتاسع يكون مالي خلق وتعبانه يزعل ويطنقر ومايتفهم وزوجج متصبر عليج
مع العشره بتتقبلينه ضغطي على نفسج وشيلي فكرة انج مو مومتقبلته من مخج عشان تقدرين تتقبلينه والله يريح بالج

 

[girl k.s.a]

حرام عليج اذا الولد حابج حاولي تتقبلينه
وانتي كل يوم غصبي نفسج عليه سوي له حركات وليالي حلوه وبكذا راح تحبينه ان شالله

 

[Queen of love]

والله بتندميييين قد شعر راسج
لاكن انا اقولج قوليله ابي اقعد اسبوع عند أهلي لاني تعبانه
وروحي بيت اهلج وفكري عدل بالموضوع وقارني حياتج لو تطلقتي منه شنو راح يصير
وابي منج شغله ابيج توعديني تسوينها
فكري بهالاسبوع اللي انتي فيه في بيت اهلج انه زوجج تزوج وحده ثانيه وتخيلي زوجج بحضنها

 

[Tutti-Frutti]

انزين شنو اللي مو مخليج تحبينه وتتقبلينه؟
يمكن اذا عالجتي هالمشكله راح يصير الموضوع سهل

 

[منتان]

الله يعينج
انامع الخوات روحي ارقي على نفسج
وتعوذي بالله من الشيطان

 

[ميار2010]

الله يهديكم ويصلحكم

 

[شموسة كيوت]

رد : طلقني وفضها سيره ,,,,,,,,

ما الومك ابد والبنات اتمنى محد يعصب عليها والله بعيني شفت وحدة من قرايبنا كانت مثلك ومثل طريقتك تسوي تتزين وتنزع ملابسها اذا وصل وماتعطية حقه الشرعي والسبب بينهم عين قوية

صح هو مو كل شي عين او سحر بس انتي ارقي نفسك واقراي البقرة والاستغفار داومي علية وان شاءاللة حياتك بتنحل

 

[أبله كويتيه]

باختصار انتي مسحوره

والسحر مور بالقران والحين السحر صار مثل الماي

اكو وحده تبيه وحاطه عينها عليه


الحل ؟ شغلي قران وروحي مطوع خل يقرا عليج واقري المعوذات وصلي الصلاة بوقتها

وكثري قران واستغفري وربج الحافظ