طلقني عن طريق الواتس اب

[الحوريه الساحره]

السلام عليكم
انا متزوجه من 6سنوات تقريبآ. وعندي بنت وولد
طبعآ انا سعوديه والظاهر انكم سمعتو انه الملك امر بصرف 20000ريال للعاطلين عن العمل وانا ينزل لي والحمدلله
زوجي مايدري انه انا استلم من حافز وكم مره يسئلني واقوله للحين ماصرفولي شي
اللي صار انه زوجي كلم مكتب العمل يستفسر منهم اذا انا استلم حافز او لا وقالو ايه تستلم
يومها انا كنت عند اهلي قام اتصل علي وسئلني قلتله لا قال انا كلمتهم وقالو ايه تستلمين
قلت طيب وبعدين قال مصروف ماتأخذين قلت لا مو على كيفك وقام يصرخ وقفلت بوجهه
قام يرسل بالواتس اب انتي طااااااااااالق
ياغشاشه ياحراميه
وقام يسب وانا ارد عليه وكله عن طريق الرسايل
السالفه صارلها اسبوع
ارسلتله اليوم ياليت تسرع وترسل ورقتي قال الاسبوع الجاي عندي اجازه وببدا بالإجراءت
انا حاسه اني مشتته خصوصآ انها مو اول مره يلفظ الطلاق والحمدلله على الظروف اللي كان يصير فيها الطلاق حكم لنا الشيخ انها ماتحتسب طبعآ الطلاق اللي قبل هالمره
الحين ابغى وحده فاهمه وحكيمه ترشدني وتعلمني. وش اسوي لاني ماافكر فيه افكر باطفالي:eh_s(2):
والحمدلله انا معززه في بيت اهلي الله لايحرمني منهم
ايه وامه تراسلني عادي يعني معقوله ماخبرها؟
بإنتظاركم:eh_s(17):

 

[Dancing^Queen]

السلام عليكم
والله يا اختي انتي بحاجه استشاره اهل العلم والشرع مو استشاره البنات بالمنتدي
الافتاء له اهله
والموضوع مو لعبه نتساهل فيه ونعطيج راينا


بس اللي نقدر نعطيج راينا فيه ان حاولي تفهمين ريلج باي طريقه كانت ان الطلاق تعني نهايه حياه زوجيه مو كلمه يتلفظ فيها لما يغضب
لازم مايستخدمها ككلمه عاديه او للتاديب!!!

 

[ناتشوو]

الله يهداج ماتبين الطلاق وخايفة ع عيالج ورايحة تدقين عليه
خلص الاجراءات!
يعني تستفزينه
الله الهادي
فوق غلطتج الاولى
يعني ليش مو معلمته عندج اعانة؟
الا اذا في مشاكل بينكم ثانية ماوضحتيها؟
تخافين ياخذها
وهل معاشه ع قده ولا قادر يصرف؟
بس اكيد لج اخطائج
الله ييسر امورج ويسخره لج علشان العيال عالاقل

 

[أجمل إنسـآنـه ~]

الله يفرج همج,~<!

اأسـآألـي ششيخ أفـضل,~.!><؛ٍ

 

[رنيم الروح]

اسالي شيخ افضل - وبعدين على حافز ماله شغل هذي تصرف الك انتي اعانه

 

[~*~الملكة~*~]

الله يهديج

ليش ماتعلمينه انج تستلمين معاش

والمشكله انج تكذبين في امر مفضوح فوق شينج قوات عينج

اختي الا الكذب في الحياة الزوجيه يدمرها يعدم الثقه

الحريم قاعدين يعطون ازواجهم معاشهم كله الحياة مساعده وتعاون بين الطرفين

وانتي تخشين عنه !!! وتبخلين عليه !!!

 

[Gifts&Occaions]

الله يعينج

 

[*آسوومه*]

السلام عليكم
والله يا اختي انتي بحاجه استشاره اهل العلم والشرع مو استشاره البنات بالمنتدي
الافتاء له اهله
والموضوع مو لعبه نتساهل فيه ونعطيج راينا


بس اللي نقدر نعطيج راينا فيه ان حاولي تفهمين ريلج باي طريقه كانت ان الطلاق تعني نهايه حياه زوجيه مو كلمه يتلفظ فيها لما يغضب
لازم مايستخدمها ككلمه عاديه او للتاديب!!!

معاها

 

[فوفو22]

هو مارح يطلقج

لانه اللي بطلق

ما يعمل رسايل بينه وبين زوجته

ولا يقولها مشغول خليها الاسبوع اللي وراه

هو كان منفعل

الواجب الحين

تسكتين عنه

هو جزء من الحق معه (انك كذبتي عليه بعدم استلامك راتب شهري)

ولكن رده فعله على الموضوع خطأ (بتسرعه باتخاذ قرار الطلاق)

الامر بينحل بس ياخذ وقت

فوفو

 

[انثى عاشقة]

ياشين نفسية رجال هالايام يممة منهم
يموتون ع الفلس بخل وحرص
وفوق هذا يبون الحرمة تعطيهم من مالها !!!
مو من حقه حافز هذي فلوسك انتي
الشرع قال حتى لو المرة غنيييييييييييية
وزوجها فقير واجب عليه يصرف عليها
وبعد ماله حق ياخذ منها ريال بدون رغبتها ورضاها ..


المهم صار الي صار
الحل الزمي السكوووووووووووووت
لا تسوين شي الين تشوفين شنو ردة فعله ..

​

 

[مني يغارون]

قلبي الله يعينك صراحه مدري وش اقول بس لاتتسرعون بنات مو شرط تكون باخله عليه

يمكن هو اللي باخل عليها وفي ازواج ياخذون رواتب حريمهم وهم موظفات

تخيلي عاد هذي تاخذ حافز يعني وهي بالبيت ماتشتغل يمكن هو من النوع اللي بياخذها لو عرف بيقول وش تبين فيها وانا اصرف عليك

بعدين ياصاحبة الموضوع انتي سألتيه متى تخلص اجراءات وش تتوقعين يرد بيقول لك لالا ماراح اطلق آسف !!!! اكيد بيقول بخلصها

وارسل ورقتك

الله يهديك ويهديه مااظن بيطلقك بس انتي لاتراسلينه مؤقتاً وتوكلي على الله واسألي شيخ

 

[WAAAW]

انتي الغلطانه .. عاجلا ام اجلا كان راح يدري انج تستلمين راتب

وكلمة الطلاق اللي قالها وقعت يعني انتي طالق منه .. لانه انا سألت شيخ دين بهالموضوع والله تعالى اعلم

 

[مدّهره !]

لاازم تسألين ششششششيخ بهالموضووووع المنتدى أرآء ماراح تكون فتوى من البنات ,,,
والله يستر عليك ...

 

[ALMooOooN]

رايي من راي البنات

سألي اهل العلم احسن

لا تاخذين الفتوه اللى تعجبج من البنات و تخلين اللى ما يعجبج

الله يهديه لج و لعياله و يسخره لكم

 

[اشكي]

الرجال الي ياخذ فلوس من مره مورجال وهذا واحد حقير طمعان بكل شي

 

[حبيبي مالكني]

كلش ما يسوى الموضوع
عشان 2000 ريال
انتي غلطانه مثل ما اهو غلطان
ليش اجذبين على ريلج
جان قلتيله الصج
واهو يمكن انفعل لانج جذبتي عليه
تعوذي من ابليس
وحاولي تراضين ريلج
تراج انتي الي بديتي بالغلط

 

[sh_mashael]

الطمع شين

و احسنوا نياتكم


و هالشي ماينخش و تدرين انه ريلج راح يدري اول وتالي

الله يعيينج

 

[دهورتني يازين]

اسألي شيخ افضضضل

 

[غـرامـي أنـت]

بسراحه ما ادري ليه كذبتي عليييه مالهااا داعي بقوووه

لهدرجه الكذب بينكم شي عااادي !!

انا ما الووومه باللي سواه ,

ما اقوول غييير الله يهديكم

 

[pink vanilla]

من الاساااس انتي الي بديتي بالغلط

مفروووض ماتخشين عنه شئ

وهوو الظاهر انقهر لانج جذبتي عليه

هدي ريلج وابو عيالج وتعوذي من الشيطاان وتذكري (( ابغض الحلال عند الله الطلاق ))

والله يصلح بينكم ويهديكم