طلقت الرو مانسيه ...

[الملكهA]

انا بنت
لا ريل ولا بطيخ
بس بجامتي لونها نفس لون دلاغي نفس لون تراجيي نفس لون الشباصه حتى ملابسي الداخليه طقم
وكل ثلاث اسابيع احف
واللوشن مايطيح من جسمي
والعطر والبخور يفوح مني فوووح
شلوووون ترضين على نفسج يالمتزوجه جذيي

 

[حبيبه هيثم]

الله يعينج على روحج

 

[كريزية]

ضعفي حبيبتي لا تخلين نفسج جذي .. واهتمي بنفسج بعد ليش تخلين الريال يشوف برا ؟؟ شايفة الشقرة والحمرة والاجسام
انا اول زواجي كنت متروسة شوي وكان يدلعني ويقول المربرب ومادري شنو وادري انه حاب جسمي وتخيلي ما يبيني اضعف
والله هذا كلامه ... سافر اسبوعين وانا قلت بخفف اكل والعب رياضة وارقص بالبيت .. عشا ما اتعشى اللهم وجبة وحدة باليوم
انا ماقولج اكلي صحي ادري غلط بس اني ضعفت بشكل واضح
تخيلي لما رجع شنو قالي ؟؟؟؟ ضعفااااااااااااانة جسمج صاير روعة ومرتب .. والله اقارن كلامه اللي قبل انه يحب جسمي مربرب بس لما ضعفت حب جسمي اكثثثثثثثثثر
كل الرياييل يحبون الجسم المتناسق وتلاقيييين قليييييييل يحبون المتروووسة وااايد

اهتمي بنفسج عشان تتمتعين بحيااااااتج وقبل لا يكون الضعف حق ريلج بيكون الضعف لج انتي

 

[كربون امها]

يااختي انت معترفه بنفسج وتدرين بعيوبج شلون تبين تكون مساعدتنا
نعلمج النظافه ولا نعلمج الصوت الرقيق تلاحقي على عمرج ومشطي هالكشه
وضعفي شوي وتونسي باللبس وقعدي الصبح جهزيله الفطور الحين زواجكم سنه لو استمريتي على هالحال اوردي بطق مرارته ويقوم يدور بالخارج

 

[❀ريميه❀]

ماشاء الله مهمله بعمرج وطاير فيج
عيل تسنعي وروحي للمراكز اشتري مكياج ولصالون ملسي شعرج
راح ينبسط وايد اكثر من اول
بس تدرين والله قلبك نظيف الله يوفقج

 

[modern]

صار وقت التغيير خلاااااص لازم تكسري هذا النظام و تبدي حياةجديدة مع زوجك

 

[غير كل الناس]

يعني قلتي المشكله والحل

زين اللي وعيتي علي عمرج تلاحقيها

تري الناس هابين بالشام

 

[ضاع الود]

اهتمي بنفسج لايحط وحده على راسج

ماعليج من كلام ريلج تراه الريال بطبيعته يجمع لمن ينفجر وذا قالج احلى من الورد يقص عليج

 

[tbola]

اذا انتي مو متقبله شكلج ؟ اتوقعين اهو متقبله؟؟

لازم تهتمين دام يحبج لا تخلينه يدور على غيرج

 

[هازال كايا]

والله العظيم كنكنم فتمينات منشطه ردودكم بصراحه حلوه رغم انها احيانا تحرج واحيانا تخوف بس الصراحه مفيده ...وجاري التطبيق فديتكم