طلع لها ضرس فوق والاهل مخوفيني

[*فاصوليا*]

السلام عليكم

شلونكم بنات

الموضوع باين من عنوانة

بنتي يبتها من الخدج يعني قبل اوانها

الحين كملت السنة
وتووووووووووووووة امس الفير شفت ضرسها
بس من فوق مو من تحت

الي مخوفني كل ما اقول حق احد قالولي وين فوق والا تحت

ومن اول اسمع ان مو زين من فوق له علاقة بالرزق انها مو مرزوقة :nocommint:

اليوم قلت حق خالتي تقولي لوطالع لها من تحت احسن!!!!
قتلها ليش تقول تقول من تحت طوالة عمر

مع العلم ان امي تقول ان انا طلع لي ضرس من فوق

ضيق خلقي كلامهم انتو سمعتو جذي؟؟؟؟
والا عادي التسنين فوق تحت نفس الشي
خلوني اوسوس وانا كنت حدي مستانسة بضرس بنتي لانها طولت

 

[بطة الزلبطة]

عادي حبيبتي شهالسوالف رزق ومارزق هذي خرافات كل ياهل تسنينه غير عن الثاني انا عندي 3 بنات وكل وحدة سننت غير عن الثانية وبجري اول ماطلع فيها انيابها وكانت تخرع جنها دراكولا بس انيابها اللي طالعة

 

[HearT ChocolaTe]

استغفر الله ,, عادي حبوبه .. هذا تطير وما يجوز
ربي مقسم الارزاق .. وكاتب الآجل

عسى الله يحفظها لج ومالع علاقه بأي شي ,, انا ولدي الوسطي جذيه
ولادته كانت كامله وعادي الحين عمره 9 ربي يسلمه من كل امر

 

[نارنجه]

رد : طلع لها ضرس فوق والاهل مخوفيني

لا ماعليج منهم .. خرافااات
استغفري ربج لا توسوسين .. ولا خليها تكمل تسنينها بتلاقين بعد مدة الضرسين الي تحت شقوا وطلعوااا ..
يعني على قولت الحريم ستري عليها ههههههههههههههه

انا ولدي طلعوا 3 مع بعض فوق و 2 تحت .. و الله لا يوريج العوار و الحرارة الي حاشته .. مسكين راح فيها

 

[MyLittleBerry]

رد : طلع لها ضرس فوق والاهل مخوفيني

خرافات ايام اول

ماعليج انا عيالي اول شي يطلعلهم من فوق

ماله شغل بالرزق الرزق على الله مو على الضرس !!

 

[شيخة الحلوة]

من صجج؟
وانتي متأثره وخايفه؟؟؟؟

هذه كللللللللللها خرابي وخرافات مو زين يا قلبي

لا تصدقينهم واذا احد سالج وقالج جذي
قوليلها ربي الرزاق يرزقها

هالسوالف سوالف ملوت اول يخربطون واحد فيهم يقوله حجوة والباجي يصدقونه
ماعليج منهم ياقلبي

 

[غلاي غير]

الله يخليها لج وتفرحين فيها

ماعليج من سوالف الناس وخاصه الحريم سوالفهم سوالف

عندكم على الرزق احنا يقولون الله يعينكم راسه ياااااااااابس وبيصير شيطوووون

 

[(*ام عهــــد *)]

رد : طلع لها ضرس فوق والاهل مخوفيني

لاحول ولاقوة إلاربالله الأرزاق بيد الله مالها شغل بالضروس معقوله في ناس تفكر ليلحين جي لاتصدقين وخلي ايمانج بالله قوي

 

[meen_ana]

حبووبه ماله علاقه من ياهل لي الثاني يفرق

 

[شقاوه وحلاوه]

رد : طلع لها ضرس فوق والاهل مخوفيني

عاد انا سمعت عكس جذي اللي يطلع له ضرس من فوق يعني ذكي , كلها سوالف لا تودي ولا تجيب لا تصدقين

 

[الأميرة جوري]

رد : طلع لها ضرس فوق والاهل مخوفيني

لرفع

 

[Om NoOoRa]

استغفر الله
شنو الرزق بالضرس؟
الرازق ربج من عالي سماه مو بضرسها

استانسي بضرس بنتج وكتي نون عليها وان شاء الله اتشوفينها دكتورة اسنان

 

[ذهبيه مرصعه بألماس]

حبيبتي عااادي مو شرط الاطفال يطلع لهم من تحت اول ..
انا واحد من عيالي طلع له ضرس عالجنب قبل اي ضرس ثاني ...

و بالعكس يقولون ذكاء اللي يطلع له من فوق


لاتحاتين ترا الموضوع مو مهم لهالدرجه
الحمدلله اللي الله طلعت ضروسها و بس ..

و ماله داعي تسوين اعلانات ان طلع لها ضرس ...
ترا بنتج من الخدج يعني نموها مو كامل مثل اللي على 9 اشهر عرفتي داري عليها حبيبتي و ما فيه الا العافيه

 

[ZajiL]

حبيبتي فاصوليا

الارزاق والاعمار بيد الرحمن ماحد يطلع عليها ولا لها شغل لابضرس
ولا باي شي

بالعكس انا اعرف وايد طلعوا ضرس الي فوق قبل الي تحت مو مشكله ابدا
اصلا الي فوق والي تحت مافي فرق بينهم اهما المفروض يطلعون بنفس الوقت

فماعليه لو طلع الي فوق قبل الي تحت لاتحاتين ابدا

الله يخليها لج وتفرحين فيها يارب

وخلج من كلام اهلنه اول كله خرافات ومبني على روايات واساطير قديمه ههههه

 

[ام زاكي]

طلعي صدقه ونشالله مافي الا الخير

 

[++MesK++]

؛
؛


خرابيييط


؛
؛

 

[*ماي الورد*]

رد : طلع لها ضرس فوق والاهل مخوفيني

الله يكبر بختها ان شاء الله

 

[wafa82]

رد : طلع لها ضرس فوق والاهل مخوفيني

ماله علاقه انا ولدي ضروسه اللي فوق شقوا قبل وبينتي اللي تحت قبل من ياهل لي ياهل ماله شغل بالرزق

 

[Coffee-Girl]

حبيبتي هذي خرااااااااااااااااااااااااافات

لا تحاتين