طلعت من بيت ريلي وانا بشهر السادس

[whitish]

الله يهديه لج ان شاء الله

 

[في بحرهم عذبوني]

الله يهديــــــه

 

[om msh3al]

خالتي مو مقصره معاي تبخر لي شقتي على اذان المغرب
لو اقولكم ان العرس كله كان عليها وشقتي اهيه فارشتها هذا ولدها الوحيد لو يبي شنو تعطيه منو يصدق بيوم تدعي عليه
ماتصدق ان ولدها يسوي جذي لان تقولي هذا مو ولدي انا ولدي ربيته على صلاه بالمسيد وماينام الا عالقران
وعلى فكره انا مو من النوع اللي احب الاغاني اسمعهم بس اذا بالسياره بالبيت ماحط اغاني واسمع
والشي الثاني اذا بتعرفون سالفه عمه اشلون قلب حياتي


اول ليله بالعرس ماحضر عمه العود بحجه ان اهوه تعبان
المهم مر هاليوم وطبعا بكون احلى يوم بحياتي قعدنا ليلتين بالفندق واهوه كان حاجز 3 ليالي بس ماقدرت اكمل لان ليله الثالثه عندي امتحان فاينل

المهم مر اسبوع من شهر العسل والله اذكرها 1-2-2009
دق على ريلي يقوله انت ماخذ حضريه ومو اصيله واللي تعرفونه ان ______ عايله زوجي مايخذون مو اصيلين زوجي انصدم
انا شفته وقلتله انا مو اصيله ومنو اللي قالك هدني وطلع راح عند ابوي وابوي قاله مثل ماطقيت الباب وسالت عنه وعرفت احنا شنو تروح تقول حق اللي شككك بعايلتنا شنو احنا ومنو احنا
ريلي قعد 3 ايام مصدوم دق عليه عمه يقوله ها صدقت انهم مو اصيلين>>>>طبعا غصبن عليه احنا اصيلين
المهم عمه قاله اطلقها اليوم ولا انت برى العايله ومانعرفك ولا تعرفنا شكك ريلي فينا وظل يسال والجواب واحد لم قاله روح ييب لنا اصلهم ذيك الساعه نشوف
تعرفون اللي مو بوعيه مايفكر مخه يقفل
المهم ظل ريلي يقولي يييبي ورقه وييبي ورقه وانا اقول حق ابوي وابوي عصب دق على ريلي وتهاوشوا وريلي سب كلام وصخ وقالي ركبي السياره ومشى طبعا انا ولا كلمه بس دموع تنزل بروحه وانا بهالوضع يقولي شفيج مالنا شغل باحد انتي معاي وبس هذا كافي
ومن بعدها ريلي مايكلم اهلي ولا عمامه
تخيلوا هذا شهري العسل ولي يومج
في احد مر بنفس ضروفي؟

 

[haneen]

:

الطريقة في اكتشاب اذا كنتي مصابة بـ : العين

أجمعي كفج واقرأي فيها الفلق ، ثم امسحي وجهج ، وكرري هذه الطريقة لأكثر من 20 مرة ، فالمصاب بعين سيشعر بتثاؤب كبير لا ينغلق فمه منه ، وكما علق الإخوان الأفاضل أنه لا يشترط أن تكون عين ، ولكن إصابة ، فنقول ممكن هذا ولكن الأغلب أنه عين خاصة إذا صحبتها دموع .. جربيها وشوفي يصير فيج هالاعراض ..

وشوفي هالرابط ياقلبي .. :

للشيخ .. محمد العريفي

http://www.qloopmasria.com/vb/showthread.php?p=296418

 

[؛؛sokrrah؛؛]

انا اخس من حالتج ودعيت الله ووصيت اي ان تدعيلي
والحمدالله تصلحت الامور

الله كريم حبيبتي

 

[om msh3al]

تسلمون بنات والله ماقصرتوا معاي طبعا هذا ثاني يوم اواصل انام ساعه واقوم ولا اكل ولا شي ولا حتى دواي اخذه وانشالله الله يسهل الامور ويرجعلي ريلي مثل ماكان عندي اهم من صحتي
وبجرب اللي قلتوه لي
ويارب يفرج هم كل وحده تمر ابمشاكل قولي امين

 

[haneen]

خالتي مو مقصره معاي تبخر لي شقتي على اذان المغرب
لو اقولكم ان العرس كله كان عليها وشقتي اهيه فارشتها هذا ولدها الوحيد لو يبي شنو تعطيه منو يصدق بيوم تدعي عليه
ماتصدق ان ولدها يسوي جذي لان تقولي هذا مو ولدي انا ولدي ربيته على صلاه بالمسيد وماينام الا عالقران
وعلى فكره انا مو من النوع اللي احب الاغاني اسمعهم بس اذا بالسياره بالبيت ماحط اغاني واسمع
والشي الثاني اذا بتعرفون سالفه عمه اشلون قلب حياتي


اول ليله بالعرس ماحضر عمه العود بحجه ان اهوه تعبان
المهم مر هاليوم وطبعا بكون احلى يوم بحياتي قعدنا ليلتين بالفندق واهوه كان حاجز 3 ليالي بس ماقدرت اكمل لان ليله الثالثه عندي امتحان فاينل

المهم مر اسبوع من شهر العسل والله اذكرها 1-2-2009
دق على ريلي يقوله انت ماخذ حضريه ومو اصيله واللي تعرفونه ان ______ عايله زوجي مايخذون مو اصيلين زوجي انصدم
انا شفته وقلتله انا مو اصيله ومنو اللي قالك هدني وطلع راح عند ابوي وابوي قاله مثل ماطقيت الباب وسالت عنه وعرفت احنا شنو تروح تقول حق اللي شككك بعايلتنا شنو احنا ومنو احنا
ريلي قعد 3 ايام مصدوم دق عليه عمه يقوله ها صدقت انهم مو اصيلين>>>>طبعا غصبن عليه احنا اصيلين
المهم عمه قاله اطلقها اليوم ولا انت برى العايله ومانعرفك ولا تعرفنا شكك ريلي فينا وظل يسال والجواب واحد لم قاله روح ييب لنا اصلهم ذيك الساعه نشوف
تعرفون اللي مو بوعيه مايفكر مخه يقفل
المهم ظل ريلي يقولي يييبي ورقه وييبي ورقه وانا اقول حق ابوي وابوي عصب دق على ريلي وتهاوشوا وريلي سب كلام وصخ وقالي ركبي السياره ومشى طبعا انا ولا كلمه بس دموع تنزل بروحه وانا بهالوضع يقولي شفيج مالنا شغل باحد انتي معاي وبس هذا كافي
ومن بعدها ريلي مايكلم اهلي ولا عمامه
تخيلوا هذا شهري العسل ولي يومج
في احد مر بنفس ضروفي؟

في النهايه ، لا فرق بين اعجمي أو عربي
أبيض او اسود الا بالتقوى ..

كلنا سواسيه عند الخالق .. اللي خلقنا .. وكيف نترفع احنا بيعض !!

وغلط اللي سواه ريلج بأبوج .. حتى لو ماعجبه كلامه لا زم يحترم الكبر اللي بينهم ,,

حياتي شوفي .. حياتج مع ريلج ولا تدخليييييييييين لا اهلج ولا اهله ..

فهمييييييييييه هالشي .. وقوليله لو على قولتك انا مو اصيله ؟؟ باجر لين صار يوم الحساب

ربــك راح يفرق بينا ؟؟ والله هذي العقــول اللي تفكر جذي ربي يبلاهـــم ..

الناس سواسية كأسنان المشط ,, لكن اصابع اليد تختلف ,, عن بعضها
مع انها من يد واحــدة .. مثلنا احنا خلقنا من شيء واحد وكلنا ابناء حوا وادم ,,
لكن نختلف ,, بعقولنا ودينا واخلاقنا وتفكيرنا ,,

انه افضلكم عند الله احسنكم تقوى ,,

حبيبتي كلمي ريلج من باب الدين ,, دقي عليه قوليله ابيك تمرني نروح ,,
مكان نتكلم فيه ,, واعرف شنو اللي لي واللي علي ,,

وان شاء الله خير ,, ربي يهديكم وترجع حياتكم احسن من قبل وكلها خير وهنا

 

[om msh3al]

حنين الرابط اللي عطيتيني اياه شفته وريلي يعرق وايد وكله تيي له نغزات بقلبه خرعتوني والله ريلي مسحوور ولا شنو؟؟؟؟؟؟

 

[om msh3al]

بنااااات ساعدوني شسوي اشلون اقنع امي اني ارجع البيت وخصوصا صارلي اسبوع ولا اتصل علي زوجي وامي والله حالفه لا تقولين اقنعها وقلتلكم زوجي مايدق دزيت له مسجات بس مايرد وخالتي تقول مايكلمنا ولا يتغدى ونفسيته تعبانه وماينام بالبيت انا اخاف ان يروح حق شي غلط بسبتي وخصوصا تعرفون الرياييل اشلون يفكرون
بس حسوا فيني اهوى لا سال ولا مهتم لا فيني ولا اللي ابطني وانا ميته ابي ارجعله
اشلون احس لو رجعت شقتي بصير ماعندي كرامه

عطوني رايكم ساعدوني

ولا تعبت وباجر بروح المستشفى من الالتهابات شي مو طبيعي ولم شفت الالتهابات تاثر واللله خفت وخايفه يصير شي باللي ابطني وعاد ذيك الساعه ماقدر اسوي اي شي

 

[ام دودو المزيونه]

اختي الله يهدي النفوس ويصلح ما بينكم بس ابصراحه ما الوم امج وابوج ريلج شكك باصالتهم وله ويه داق علي عمه يناقشه بأصلكم شتوقعين من هالتصرف تكون ردت فعل اهلج ويطول السانه علي ريال عود وتبين امج ما تزعل ابصراحه انا لو من امج وبنتي تتصرف جذي اكيد بزعل عليها الي تخلي رييلها ينزل راس اهلها اختي اهو دق الباب عليكم وخذاج واكيد سأل عنكم ولو انه ريال سنع جان ما خل عمه يهدم حياته بكلمه جان رد عليه ابرود هذا حياتي ومحد يتدخل فيها يامه بدو خذوا احضريات والعكس بس ابقناعه ومالهم شغل بالناس الي يزعل بالطقاق وريلج يوم خذاج يدري انج احضريه الحين قام يراجع عمره بعدين قهرتيني بكلمه انه لشاف اهلج ما يسلم ليش كفار استغفر الله العظيم اذا بتسمحيله يعاملج والأهم يعامل اهلج جذي بشري بالمشاكل حتي لو رجعتي له الحين ما يحترم اهلج وتبين حياتكم تستمر انتي بنيتيها علي شيئ غلط

 

[بنات حواء2]

طلعتج من البت غلط حبيبتي البيت هذا لج اذا هو مو عاجبه الوضع يطلع بس انتي تقعدين مكرمه و معززه في بتيج و تحاولين تتقربين منه

 

[باربية الكوووويت]

ووووي يابعد قلبي اول شي قلت على سالفة السحر والعين يمكن تبالغ بس بعدها قريت ردودج قلت الله يكون بعونج الظاهر عين شوفي حبيبتي دزيله مسج قوليله انا مشتاقتلك واحبك وايد بس نفسيتي تعبانه من الحمل ابي ارتاح فتره بيت اهلي وارد انشالله ويستحسن مااااااااااتخلين بيتج بعدها بجم يوم ردي عشان عمته وبنتها لا يحلالهم الجو وحاولي تقللين المشاكل لا تناجرينه على كل شي وتحملي وطوفي ونصيحه سورة البقره يوميا تكون شغاله بالبيت حتى وقت النوم لي نام زوجج حطي قناة المجد ولا قناة على القران وطولي شوي ونامي ولا تخلين احد يعفس حياتكم كل ماصار مشكله تذكري الحب الي بينكم وتذكري انكم تحديتوا الكل عشان حبكم واخرتها مشاكل تصير لكم لا حطي ببالج وقولي بنعيش اسعد زوجين واهي مرحله وبتعدي لانج حامل وتصيرين بهلفتره اكثر حساسه ونفسيتج تتعب مالومج الله يكون بعونج بس لا تخلين الشيطان يدخل بينج انتي وزوجج والله يهديه ويصلحه لج ولا يفرق بينكم ابد ويقومج بالسلامه

 

[om msh3al]

بنات حطي نفسج ابمكاني حزتها يعني ابوج واقف واريلج وريلي قالي انا مالي شغل بالموضوع
وبعدين ريلي سحب على الكل سواء اهلي ولا اهله مايكلم ولا احد
وكله اقول لو مايحبني جان طلقني وقالي روحي عند اهلج وانا اروح عند اهلي
في اشياء يسويلي اياه اقول مستحيل ريال ثاني يسوي حق مرته جذي ومرات يسوي شغلات اقول لو انا من الشارع جان عطف علي
امس الساعه5 الفير خذيت التلفون واتصلت بس مارد كان قلبي يرجف جني متصله على ريال غريب
وبعدين في شغله احنا من اهلنا ماعندنا ولا احد بدوي ولا عمري اتصل علي ابدوي حتى لو بالغلط من شهرين تقريبا كل يوم الساعه 3 الفير يتصل علي واحد واعطيه حق ريلي اذا سمع صوت ريلي يسكره انا بالغلط مره رديت وكان بدوي من كلامه
وظل يتصل كل يوم وطبعا ريلي يعرف
من طلعت من بيت ريلي وماتصل كلش

مادري انا قاعده اركب المواضيع لان كل شي صار فوق بعض ولا صدفه


والله مادري
وخصوصا رمضان الاسبوع الياي
ولا مره جربت ارمضان مع ريلي
واللله ماني عارفه شسوي ؟

 

[sosa_23]

الله يكون بعونج ويفرج همج

 

[om msh3al]

تسلمين وماتقصرين وياريت بس يهديه ويتصل علي
على فكره ارسله مسجات بس مايرد علي

 

[باربية الكوووويت]

نصيحه ردي بيتج حسبي الله على من يبي يفرقكم من اهله لا تخلين لهم مجال وقعدي ابجي عند امج وابوج وقولي انا محتاجه ريلي يمي ودزيله مسجات وقوليه انت ببالي ومو ناسيتك واحبك وبتحدى الكل عشانك بس هم لازم توقف معاي

 

[om_zezo]

الله يهدي الانفس وترجعون احسن من اول ... بس نصيحه ام مشعل لاتردين على اي رقم غريب وانا مريت بنفس السالفه كانوا يطرشون لي واحد يدق دق علي الفير ويدز مسجات صباح الخير ومساء الخير وياحلى وحده ويلي فيج وفيج كان شايفني اييب اوصافي بالضبط وانا متحجبه حتى شعري كان يوصفه فكرت فيها وربطت وايد شغلات وعرفت الي دازه بس الحمدلله كنت اراوي ريلي كل شي وقلت له وغير لي خطي وخليت المسجات وكل شي وانا قاعده قلت السالفه ولا تتعومس الي سوت هالسوايه لان قلت ابوي راح يشتكي المخفر على هذا المهم ديري بالج يمكن مدزوز من احد ويبي يجاريج بالكلام ويسجل مكالمتج الاحتياط واجب دام في ناس مو راضيه ومرده ريلج حقج وحق الي في بطنج باذن الله

 

[بنوته نايس]

حبيبتي هذي ياعين او سحر الله يكافيكم شرهم ،،

حطي سوره البقرة وعلطول ادعي ان الله يصلحلج ريلج ويهديه ويسر امركم انتي وياه

 

[أم@الحلوين]

الله يهديه يارب

 

[AL-BaNDry]

الله يهديه ويصبرج