طلعت حامل ومنهاره من البجي ساعدوني

[سكرة هانم]

بنات الحمدلله أنا حامل وانتو خواتي هذا اول بيبي وأحس أني ضايعه أمي حبيبتي فديت ترابها مو يمي أنا بغربه بلندن وماراح ارجع الا اخر 4 يلون أتصرف شسوي ما اعرف احد هني والله أكلمكم وعيوني غرقانه

 

[Q.8.h.2]

مبروووك حبيبتي والله يتمم عليج يارب

لا تحاتين حبوبه ولا شي بس ديري بالج على نفسج اول فتره والبنات هني كلهم خواااتج واي شي تبين سالي واكيد بجاوبونج
واكيد بعد في بنات مثلج حوامل وبغربه سوي تجمع لكم او حطي اي شي عشان تعرفينهم لان انتو اللي تحسون فبعض واكيد يفيدونج

عورتي قلبي والله يثبته يارب وتشوفينه بين ايدج وتفرحيييين

 

[أأأميرة الورد]

قولي الحمدلله على النعمة اللي ربي رزقج إياها
ياما بنات حملوا وأمهم مو عندهم لا تحاتين وايد
وكله تساهيل من رب العالمين

 

[unapproachable]

مبروووك وهذي نعمه من الله لا تبجين واستانسي وعسى الله يتمم عليج

 

[توكلت على الله 22]

مبرووووك
وعادي حتى اذا ماعندج احد احنا خواتج

والحمل مايبيلة شي اذا كل شي اوكي

ديري بالج ع رووحج واكلي عادي وامشي بهدووء ولاتشيلين شي ثقيل

 

[سارووه الاموره]

انا اققول لج ع فكرا اخذي ايميل وحده كبيرا وفاهمه و ع طول تشبك اذا بغيتي تستفسرين عن شي شبكي وقوليلها

اهم شي الراحه لا تمشين وايد
واكلي اكل صحي بعدي عن الاكل الي يضر الحمل كتبي بقوقل
لا تاكلين حبوب ولاااااااااااااااااا شي اذا حسيتي بشي روحي طبيب


ومبروووووووووووووووووووك عسى الله يثبته ويتمم عليج ..

 

[أم حمودي**MALL**]

خرعتيني عبالي فيج شي!!

 

[فارسة]

مبروووووووووووك والله يسهل عليج دام ربج موجود لا تحاتين

ودعواتج

 

[إم بــــرٍآك]

ألف مبروك حبوبه والله يهون عليج
عآدي لاتحاتين واستانسي بحمالج واكلي زين وكثري من اللبن والحليب والتمر لاتقولين مااحبهم بالغصب اكليهم وخاصه التمر وعليج بالراحه ولاتمشين يقولون لج المشي يهون الولاد مآعليج ترى المشي يتعبج ع الفاضيي ماله علاقه بالولاده وان شاء الله تقومين بالسلامه

 

[*ماي الورد*]

الله يهون عليج

 

[لعيون فلاح]

مبرووووووووووك الله يتم عليج..

 

[سكرة هانم]

رحت صليت وارتحت الحمدلله

اسفه بنات خرعتكم بس من الصدمه لووول*

مشكورين حبايبي وعندي جم استفسار

أنا الحين لي شهر بس عسا الله يثبته .. اراجع دكتورا والا تو الناس ؟؟ من اي شهر اراجع ؟؟

وبالنسبه للمشي و شغل البيت شلون ؟؟ أنتو عارفين طريقه لندن طووول اليوم مشي هل ياثر اذا علا الراحه ؟؟

وشغل البيت ...تأثر الوقفه مده طويله للمواعين والاوتي ؟؟؟*

واحس جيدي ثقيييله شنو الحل شي يخفف ؟؟؟*



وتسلمونلي يا خواتي عسا ربي يوفقكم ويغفر لكم ويفرحكم دنيا واخره



اييي بعد سؤال ادري طولت عليكم ...

مته ابلغ اهلي وأهل ريلي الحين والا بعد انطر جم شهر ؟؟

 

[غلاي غير]

قولي الحمد الله والله الحافظ اهم شي تهتمين بنفسج اول فتره مافي جماع ومافي مشي وحركات قويه

والله يرجعج سالمه وترتاحين

 

[كويتيه مذهله 87]

الحين مافهمت لييش قاعده تبجين ؟

 

[yaamye]

اااااااااااااااااااااااااالف مبرررررررررررررررررررووووووووووووووووووووووك حبيبتي

 

[الكويت ديرتنا]

ألف مبروك حبيبتي الله يهون عليج


لازم تراجعين وتطمنين على الجنين وعلى فكرة لازم تاكلين حبوب فوليك(باستشارة الطبيب) عشان يتقوى الجنين وديري بالج على نفسج ماكو شغل ووقفة طويلة ،،،، وعسى الله يحفظج ويهون عليج


وإذا عندج أي استفسار حاضرين:eh_s(17):

 

[ice-moon]

الف مبروك

والمفروض تستانسين هذي نعمه!

بلغي اهلج حبيبتي علشان يطمنون عليج وينصحونج

الاكل الممنوع

الاناناس والفراوله والخل

ونصيحه روحي المستشفى لازم تراجعين واتابعين حملج

وتاخذين فوليك اسيد ضروري للجنين يمنع تشوهات بعيد الشر


الله يثبت حملنا اجمعين وربي يجعله من الذرية الصالحه امين

 

[ice-moon]

نسيت بعد ممنوع الكيوي والمانجا واي فاكهه استوائيه

 

[ملكه الحطب]

الله يتمم عليج ياااارب

واول شي روحي بلغي اهلج واهله هم اول ناس راح يفرحون لكم