طلعت حامل ولكن ....

[زين الاوصاف]

.. السلام عليكم ورحمة الله ..
صباحكم الخير ع الجميييع
حبيباتي قبل اسبوع نزل علي دم لونه بني غاااامق
فكرت انها الدوره لأنه نزل بنفس موعد دورتي
لبست فوطه ونمت صحيت مافيه شيء
كان عندي اليوم الثاني زواج حماي
ومايحتاج اوصف الحاله
طق يرقص اللي مايرقص
المهم اليوم الثاني مانزل شيء بس آلام بظهري وبطني
واذا مسحت بالمنديل القى دم غامق واستمر يومين
وبعدها افرازات بيضاء ومعها دم بصرااحه خاايفه حييل رحت حللت وطلعت النتيجه حااااامل >> الحمدالله
وحيييل خوفتني الدكتوره تقول احتمال حمل خارج الرحم
لأن الدم مايجي الا مع الحمل خارج الرحم لي يومين نايمه ع ظهري وتحتي مخده كبيره اليوم وقف الدم بس افرازات بنيه ثقيييله
وحييل خايفه تقول ماراح اسوي لج سونار الا بعد10 ايام
لحد مايوضح الكيس ومافيني صبر مادري فيكم احد صار لها جذي

 

[PinkY Dreams]

وااي الدكاتره تره دايما يعطون اخيس احتمال علشان بعدين مايصدمون المريض
لاتحاتين مافيج الا العافيه انا يامااااااا وياماا خوفوني الدكاتره
كنت حامل بأمريكا واب اسبوع 17 وسوولي سونار وقالولي الجنين فيه فتحه براسه وقالولي امراض غريبه وعجيبه لدرجه الدكتوره الامريكيه قالت لي انتي وزوجج توكم صغار والجنين مريض تبون تطيحون الجنين ؟
طبعا قلنا لا
و الحين ولدي اسم الله عليه عمره سنه ومافيه الا العافيه لو احنا كفار جان خفنا وطيحنا البيبي

والله الدكاتره دايما يعطون المريض اسوأ احتمال علشان مايصدمون المريض
مافيج الا العافيييييييييييييييييييه صدقيني اذا الله كاتبه بيصير وانتي نامي وحطي تحتج مخده كبيره و عليج بالدعاء وبس

 

[PinkY Dreams]

الدكاتره دايما يخوفون المريض لاتحاتين اهم شي نفسيتج الحين تكون حلوه وكل شي بيد الله سبحانه

 

[شموسة كيوت]

ياقلبي مافيك الا العافية ان شاءاللة والدم امكن من الترقص والتعب

 

[PinkY Dreams]

اي تذكرت شغله
انا اذكر لما كنت حامل فبداية الحمل نزل علي دم ورديييييي فاتح مو دم احمر من التعب كنت اغسل الحمام تكرمين ونزل علي دم ورديي فاتح

 

[ام عثومي]

ماتشوفين شر اختي وان شاءالله مافيج الا العافية بس ديربالج على نفسج وخليج منسدحة

 

[سوسن1980]

الحمل خارج الرحم يكون نزيف والم ماتحملينه بس ان شالله يصير حمل طبيعي

 

[صفاء حسين]

لا لا ما فيج شئ يا عمري
هذه تصير بخواتي على طول في حمالهم
يقولون امهاتنا الكبار
تثبيت حمل يعني اشارة للحمل
ما فيج الا العافية
والاطباء يهولون الامر
يارب يثبت حملج ونفرح فيج يارب​

 

[زين الاوصاف]

تسلموووون حبيبات ع الرد اللي يرد الروح مشكورررين بس مااادري فيني خوف وقلق مو طبيعي محتاجه منكم نصايح والدعاء

 

[سكـــرهـ]

الله يثبته وانتي خلك مرتاحه

 

[توكلت على الله 22]

لا موحمل خارج الرحم

انا كان ينزل معاي نقطة دم بيووم الدورة

وعلى قولتهم تثبيت حمل

 

[كتالونيه]

حبيبتي انا صار فيني جذي علبالي الدوره
نزل معاي دم مثل الدوره يوم كامل من باجر راح
وانصدمت والحمدالله طلعت حامل امي قالت لي هذا تثبيت حمل
ومبرووووووووووووووكـ مقدما
انشالله حامل

 

[زين الاوصاف]

مشكورين ع المرور الحلوو الله يريح بالكم مثل ماريحنون
كتالوانيه مشكوره ي قلبي والله يبارك فيج حبيبتي

 

[q.u.e.e.n]

جربي دكتوره ثانيه وشوفي شنو اتقول لج ويمكن تعطيج مثبت ولا شي

 

[خليفة العظماء]

لايخرعونج هم انا بدايه حملي دم بني وقالو لي احتمال خارج الرحم
لاتخافين الله الحافظ

ربي يتمم عليج فرحتج بس اكلي دوا نثبت والله نسيت ادسما معروف بدون هالمثبت اموت من عوار الحمل بالمرتين كليته والحمدلله

 

[بنت ذآك الأمير!]

انا نفسج ببدايه حملي اذا مسحت. طلع بني وقالتلي رفيجتي هذا معناته الجيس قاعده يثبت والحمدلله لاتحاتين

 

[@ام يوسف@]

انا فبنتي نفسج نزل علي دم بنفس اليوم اللي حللت وحبيبتي هذي يسمونها شهاده حمل واغلب الحمل يكون بنت والله يثبه لج ويطمن قلبج

 

[المها الابيض]

اكره الدكاتره اللي يفاولون على المريض
كنت اراجع عند دكتور ماعنده الا كلمه حامل خارج الرحم
ولازم تسوين سونار داخلي عشان نتأكد انه مو خارج الرحم!!!
المهم ان شاالله مافيج الا العافيه وروحي راجعي عند دكتوره ثانيه ولايقصون عليج ويقولون سونار داخلي
ترى موزين اول الحمل سوي تحليل هرموني وبعد يومين سويه مره ثانيه اذا ارتفعت النسبه يعني حمل طبيعي ان شاالله
واسأل الله ان يرزقج الحمل السليم الثابت ويتمم عليج وعلينا يارب

 

[مس لوتس]

ببدايه حملي ف بنتي نزل علي دم بس الحمدلله كان حملي طبيعي ادعي ربج واستغفري وريحي نفسج وماعليج من كلام الدكتوره

 

[nadoo]

لا تخافين انا كان ينزل دم وافرازات بني عادي تثبيت حمل وكنت اخذ دوفاستون لمدت اربع شهور