طلعة الويك اند............وين؟؟

[سمسميه]

رد : طلعة الويك اند............وين؟؟

اي والله هذي الكويت صل على النبي!!!! دام جذيه... يمكن اروح له
بس بنات والله لايطوفكم الكافيه chocolate bar عندهم شي اسمه فوندو اييبون لج 4 اماعين واحد فيه فراوله مقطعه وواحد موز مقطع وواحد بسكوت مقطع وواحد كيك مقطع اييبونهم مع 3 بوادي صغيره تحتهم شمع وحده فيها كاكاو بالحليب سايح ووحده كاكاو غامج ووحده كاكاو ابيض واييبون لج شوكه وانتي اختاري على كيفج وغططي بهالكاكاو السايح!!!!!!!
يممممممممممممممممممممممممممم
روعه تلحسين الصحن من حلاته ما يبقى شي!

 

[الشيف رقيقة]

رد : طلعة الويك اند............وين؟؟

طبعا إحنا بنخلي الفراولة والموز ونطيحله بالبسكوت والكيك (معروفين نموت على الضعف ههههه)

 

[سمسميه]

رد : طلعة الويك اند............وين؟؟

لا والله يا رقيقه كل الي بالصحون يخلص...سحر يهبل!!

 

[roro]

رد : طلعة الويك اند............وين؟؟

واااي سمسميه شوقتيني وسيحتي سعبولتي عاد انا وريلي غرامنه هالسوالف وهالاماكن
عيل دامج تحبين جذي عيل بقولج
روحي ابل بيز العصاري لا حزه غدا ولا عشى وروحي مال بوحليفه
طلبي كابشينو مع بلوندي امبيه عذااااااااااااااااااااااب هالطبق اموت اموت اموت اموت وتحيا هالاكله شي يتشتش حار وعليه برد وعليه صوص وكله بالجوز وااااااااي سعبوووله


وانا ايام ما كنت بالكويت كنا انا وريلي محفوظ السلامه نحجز حق فلم اخر عرض تالي الليل يعني يبدي 12 الا ربع ومن الساعه 10 نطلع من البيت على ما نلقى مسفط ونروح حق قسم العائلات هذي الصاله اللي مسوينها عند المطاعم في المارينا ونقعد عند اسونسنز ونطلب كيك وخرابيط وقهوه وبرد ونتطمش على الرايح والراااد لين يبدي الفلم وندخل الفلم و نطلع نتمشى على البحر واذا مو متعشين نكملها على شارعالمطاعم او يكون قبلها متعشين ونروح المارينا نحل وندخل فلم

والصراحه هالجدول مشينا عليه طول المده اللي رجعت فيها الكويت يعني شهر وشوي تقريبا بس مو كل ويك يعني الغالبيه
عاد ما يندرى لي استقرينا شلون بيكون الموديل الله يستر

 

[سمسميه]

رد : طلعة الويك اند............وين؟؟

رورو...افا عليج بسوالف الكاكاو والبلعه نعجبج!!!!!
والاكله الي قلتي عنا من ابل بيز تينننننننننننن ذايقتها عجيبه..بس محل البرد الي بالمارينا مول ما عجبني احس برده نفس طعم kdd !!

 

[نفيشه]

رد : طلعة الويك اند............وين؟؟

شوقتوووووووووووووووووووووووووووووووووووني

هذا وين صاير مكانه؟؟؟؟

 

[سمسميه]

رد : طلعة الويك اند............وين؟؟

نفيشه قصدج على شنو؟؟
البلوندي الي تقول عنها رورو بابل بيز
اما الفوندو العجيب الي قلت لكم عنه من كافيه جوكلت بار بالمارينا مول الصوب الثاني الي على البحر

 

[جوريه]

رد : طلعة الويك اند............وين؟؟

واااااااااي شوقتوووووووووووني وفطرتووني وانا صايمه خخخخخخخخخخخخخخخخخخخخخخخخخخخخخخخخخخخخخ

رورو ام سعبوووووله انتي انا اوريييج اليوم رايحتله صبري بسسسسسسسسسسسسس

 

[الشيف رقيقة]

رد : طلعة الويك اند............وين؟؟

تصدقون عمري مافكرت أصلا أطلب هالسوالف (شكلكم بتخربوني) كل نطلب ياوجبة رئيسية ولا كيك وبس، بس المرة الياية بخرب ريلي وبطلب فوندو وبلوندي

 

[سمسميه]

رد : طلعة الويك اند............وين؟؟

رقيقه..اصلا طبق الحلو اهم من الطبق الرئيسي!!هههههههه

 

[الشيف رقيقة]

رد : طلعة الويك اند............وين؟؟

وبعدين تقولون نبي ريجيم .. الله يعينكم

 

[Dancing^Queen]

رد : طلعة الويك اند............وين؟؟

الصراحه
انا ضحيت بطلعتي الويك اندلاني ام سنعه



خليته يطلع اليهال معانا
رحنا حديقه الحيوانات اعزكم الله
تغيير
من السنمات والمطاعم

 

[سمسميه]

رد : طلعة الويك اند............وين؟؟

كوين اشلون حديقة الحيوانات بعد التعديلات تغيرت ولا هذي اهيا؟؟

 

[Dancing^Queen]

رد : طلعة الويك اند............وين؟؟

والله ماتغيرت علي وايد

 

[سمسميه]

رد : طلعة الويك اند............وين؟؟

يالله الحمدلله دام استانستوا انتوا والياهال تمام الطلعه ما راحت بلاش

 

[Dancing^Queen]

رد : طلعة الويك اند............وين؟؟

اوالله سمسميه مو ابلاش
التذكره ب نص
واللالعاب بربع كل لعبه
والصوره بدينار
وخرابيط بدينارين
وبره شرينا العاب ب 4
وخرابيط

يعيني اشوا هم اقل من السنيما

 

[سمسميه]

رد : طلعة الويك اند............وين؟؟

من ناحية المصاريف حدث ولا حرج ماكو مكان تروحين له بدون نق فلوس..علشان جذيه على اخر الشهر تكون القعده بالبيت حلوه!!!ههههههههه

 

[Dancing^Queen]

رد : طلعة الويك اند............وين؟؟

سمسيه هذي طلعه اخر الشهر وحسبتها

 

[سمسميه]

رد : طلعة الويك اند............وين؟؟

انا صار لي اسبوع ما اروح الا بيت اهلى!!ههههه باديه مبجر..العيد نفضنا مضبوط

 

[Dancing^Queen]

رد : طلعة الويك اند............وين؟؟

اي والله سمسم
اي واللــــــــــــــــــــــــــــــــــــه
ودخل الشتا ووهقنا