طلب عاجل لخبيرات لندن

[كويتيه منكم وفيكم]

السلام عليكم حبيباتي ممكن اطلب منكم طلب اللي عندها خبره بلندن وضواحيها ممكن تفيدني ابي من ناحية الجو لاني بسافر اخر 4 واذا ماعليج امر ممكن تفيديني من ناحية الاماكن السياحية سواء داخل لندن او خارجها واماكن التسوق فيها اذا امكن ولا عليكم امر ممكن تفيدوني ويعطيكم الف عافية واسفه على الازعاج

 

[اميرة الغيد]

هلا حياتي
انا عندي لندن احلى ديره رحت لها فيها اماكن وايد حلوه واسواقها ماينمل منها
رحت بالصيف وبالشتا بس والله مارحت شهر 4 بس اتوقع يكون الجو حلو وشوي برد لأن حتى بالصيف مرات تلبسين جاكيت شهر 7
اهم الاسواق عندج اكسفورد وماربل آرش وبوند ستريت وهارودز وشبرد بوش وفي سوق يقولون اكبر سوق باوروبا توه مفتتحينه بس نسيت اسمه دوريه بالنت
الاماكن السياحيه طبعا مدام توسودز اللي اهوه متحف الشمع وحديقة هايد بارك وريجينت بارك وساحة الحمام trafalgar square
ومتحف الرعب london dungeon ولندن بردج اللي عنده ساعة بج بن ولندن تاور يمهم ، واهم شاي تركبين الباص الاحمر
مو تنسين في مطعم ماليزي اكله اينن قريب من ادجواررود بشارع جورج ستريت يكون بالسرداب لازم تروحين له .
بالنسبه لبرى لندن انا اعجبتني نيو كاسل وسوقها كبير حيل اهيا عبارة عن ارياف تبعد اظن 3 ساعات بالقطار .

 

[mr000]

تقدرين بعد تروحين برايتون بس أتوقع برد وايد بشهر 4 لأن بالصيف شهر 7 كان الجو حلو بس يبرد من العصر وهي تبعد 45 دقيقه بالقطار بره لندن وعندج بلاكبول وايد حلوه بالصيف وترفيهيه حتى بورنموث ومارجيت وأذ تكملين بالقطار بعد 3 ساعات تقريبا عقب بلاكبول توصلين أسكتلندا بس أتوقعها برد لأن بشهر 8 كانت بارده وبالنسبه حق السوق الكبير اللي الأخت تقول عنه بلندن يمكن تقصد ويستفيلد مول هذا بمنطقة شوبربوش وهو مجمع فيه 265 محل! وطبعا لازم تروحين هارودز تشوفينه وفي مكان أسمه كوفنت غاردن هذا بعد كله محلات وأنشاءالله آنا رايحه ب8/4 10أيام وأذا رجعت أفيدكم أكثر

 

[**أصايل**]

هلا عيوني

الجو تقريبا بارد لازم جاكيت معاك تحسبا لاي مطر او برد

لايفوتك السوق الجديد بلندن west vilde

اتوقع اسمه كذا مره حلووووووووووو

 

[LA TROO7]

ماقصروا البنات

روحي للهارفي نيكلز اذا طلعتي من هاورذ يكون على يمينج اسالي هناك ويدلونج لانه جنب هارودز يهبل نفس طقه السلفردج بس ماركاته مو موجوده عندنا وبالليل اقعدي بقهاوي الشيرتون وناسه

 

[om 3bdullah]

هلا عيوني

الجو تقريبا بارد لازم جاكيت معاك تحسبا لاي مطر او برد

لايفوتك السوق الجديد بلندن west vilde

اتوقع اسمه كذا مره حلووووووووووو

اختي الجو بيكون حلو نوعا ما بارد وفيه مجمعات تجارية حلوه برا لندن وفي لندن
برا لندن عندج البستر فلدج هذا اوت لت

وبالنسبه للمجمع اليديد اسمه west field center للتصحيح

ورحله سعيده:eh_s(6):

 

[كويتيه منكم وفيكم]

وأنشاءالله آنا رايحه ب8/4 10أيام وأذا رجعت أفيدكم أكثر تروحين وتردين بالسلامة انشالله ,,, وانشالله تفيدنا اكثر لانيراح اسافر بعدج انشالله 21/4/

يعطيكم الف عافية وما قصرتوا

 

[كوارين]

انشالله تروحين وترجعين بالسلامة

 

[Miss Selfridges]

انشالله اتروحين واتردين بالسلامه

وعقبها سوي تقرير عن سفرتج

بنتظارج

 

[@سنووايت@]

حبيتي حياج الله انا الحين بلندن وقاعد شكلي لي شهر 4 الجو بالنهار زين يعني في شمس قليله وبالليل بارد وانصحج لاتيبين ملابس وايد لانه لما توصلين لندن من السوقه راح كل ملابس تطيح من عينج من حلات السوق واقولج وين تروحين البيج بن ساعه لندن_لندن اي عيون لندن_والهايد بارك _متحف الشمع اسمه مدام توسو_والاسواق اكسفورد وطبعا في كل المحلات ومجمع سلفرج اللي اهو جم طابق وكله ماركات_وهارودز_ومجمع يديد اسمه ويست فيلد في منطقه شابرد بوش وانشاء الله اكون ساعدتج ورحله سعيده

 

[أم منصـ 85 ـور]

الله خاطري أروح لندن

 

[alcaramella]

لندن وما اردراك ما لندن .............. ياحلوها حلوااااااااااااااااااااه ........ البوند ستريت البوند ستريت البوند ستريت والا فلا
اكسفورد تقريبا كل المحلات اللي فيه موجوده بالكويت حتى ما افكر اضيع وقتي وادشهم وصج صج اعني بكل كلمه اضيع وقتي لان من كثر المحلات ما تبين اتضيعين ولا دقيقه عشان تلحقين عليهم اخيييييييييييييييييييييييييييييييييييييييييييه
عاد اقولكم سر رحت لندن 3 مرات ولا مره رحت بج بن خخخخخخخخخخخخخخخخخخخخخ بس اشوفها من بعيد ولا لندن اي
شسوي اموت بالسووووووووووووووووووووووووق والمجمع اليديد اسمه ويستلفيد تروحين له من خلال سوق شوبربوش الحلي
الجو شهر اربعه اتوقع بيكوون بارد وانا ان شاءالله رايحه 9 ابريل طبعا طبعا طبعا على البرتش ايرويز عشان بشوف المطار اليديد مالهم تيرمينال 5
وشكرا