طلب طبخت جريش الحمر

الحالة
مغلق و غير مفتوح للمزيد من الردود.
ح

حبيبة زوجه

New member
إنضم
5 يونيو 2008
المشاركات
18
مستوى التفاعل
0
النقاط
0
الله يعفيكم الي تعرف طريق الجريش الحمر تكتبلي الطريقة لانا اختي ذقته في احد العزايم وتمدح واجد وحبه اجربه:eh_s(17):
 
أحلى همبه كويتية

أحلى همبه كويتية

**مشرفة قسم مائدتك**
إنضم
25 أكتوبر 2007
المشاركات
22,261
مستوى التفاعل
10
النقاط
0
الإقامة
KUWAIT
رد: رد : طلب طبخت جريش الحمر

تفضلي طريقتي



نقعي الجريش بالكمية اللي تبينها
انا عادة اسوي قلاصين ونص جريش يصير ترس جدر الضغط الحجم الكبير

غسليه ونقعيه بماي على ما تجهزين اللحم


غسلي قطعتين لحم يفضل بدون عظم ( يمكن استخدام الدجاج )
وفوحيهم بماي بس عل ىالنار 10 دقايق
وبعدين غسليهم عدل عشان هذه زفرة اللحم تطلع ومو حلوة تصير مع الطبخ بعدين


- احمسي شوية بصل على النار في جدر وضعي عليهم شوية زيت و اللحم المسلوق سابقا واحمسيه مع شوية ثوم مدقوق لما تطلع ريحته

- قطعي عليه 2 طماط وكملي الحمس

- افرغي محتويات الجدر في جدر الضغط مع البهارات ( بهارات لحم - كركم - لومي اسود ناعم - مكعيبين ماجي ) + الجريش المنقوع بعد ما تصفينه من الماي في جدر الضغط وغطيهم بماء للحد المعروف لجدر الضغط
لا تكثرين ماي عشان ما يسرب وهو يطبخ

واتركيهم بجدر الضغط على النار لمدة ثلث ساعة بس

بعد ما يبرد الجدر بربع ساعة افتحيه بس شوي شوي لأنه مضغوط

ضعي كل الجريش في جدر ثاني واطحنيه بخلاط براون ( انا عادة اخلط نصه بس احب تكون فيه بعض حبات الجريش خشنة وفيه ناس تحبه كله خشن )

- ضعيه على نار هادية وكل شوي قلبيه وضبطي الملح لأن بالأول ما اضفناه لمدة 10-15 دقيقة

- قدميه بصحن وزيني الوجه برشة زيت زعيها عدل وحطي فوقها الحشوة ( بصل مفروم ناعم مخلوط مع شوية لومي اسود ناعم وملح )
واحيانا اضيف شوية سماق عشان الحوضة

وفيه ناس تحط شوية من دبس الرمان بدل الزيت


وبالعافية
 
حساسة مصر

حساسة مصر

New member
إنضم
16 يوليو 2010
المشاركات
3,294
مستوى التفاعل
0
النقاط
0
رد : طلب طبخت جريش الحمر

thaaaaaaanks



:blueSmCLR:
 
الحالة
مغلق و غير مفتوح للمزيد من الردود.
أعلى أسفل