طلبتي شي من برا عرضيه لنا بالصور

[ثمة عمق]

ودي أتحمس معااكم وأطلب

ربي يهنيييكم

 

[اشتاق الى ربي]

طلبت هالجنطتين لـ أمي واختي وانطرهم يوصلون ان شاءالله

حبيبتي نوسا من وين طالبتهم حلوين عليج بالعافيه .. ابي موقع جناط اصلية .. ناطرتج

 

[اشتاق الى ربي]

انا طلبت من موقع امازون البريطاني طلع ارخص علي من الامريكي
طالبه كبسولات القهوه لجهاز نستله
لان اغلب الكبسولات مو متوفرة بالكويت مثل نكهة الكراميل واللاتيه والفانيلا والنسكويك والموكا والجاي الاخضر وجاي الليمون ... الخ
لقيت اللي ابي في البريطاني وطلع علي ارخص بفرق 50 دينار عن الامريكي
وكله عروض وبانتظار طلبياتي توصل عن طريق شركة الشحن بوستا بلس لان عندي صندوق عن طريقهم في بريطانيا وواحد بامريكا عطوني اياه بنك وربة مجانا
الله يستر من سعر الشحن وناطره وببلغكم بكل شي

 

[LaDY HaNo]

موضوع حلوو
انا اشتري من مواقع بس للاسف ما اعرف اطلب والحمدلله اشياء مميزه
بس لو تكمل واعرف اطلب و اوفر فلوس اللي تروح للمندوبات اللي يطلبون لي

 

[اشتاق الى ربي]

موضوع حلوو
انا اشتري من مواقع بس للاسف ما اعرف اطلب والحمدلله اشياء مميزه
بس لو تكمل واعرف اطلب و اوفر فلوس اللي تروح للمندوبات اللي يطلبون لي

حبيبتي الطريقة سهله حيل انا كنت نفسج في البدايه وبعدها طبقت اللي مكتوب وصرت اعرف
كتبت بقوقل كيفية الطلب من امازون ولقيت واحد شارح شرح مفصل بالصور وطبقت وترا كله سهاله :ggdw:

 

[نونه المزيووونه]

الله يهنييييكم بطلبااتكم

 

[أحلى من الخيال]

بنات تكفون ساعدوني
أنا توني عليمية
المشكلة الأولى طلبت من أمازون ووصلت لي الأغراض بالقطارة و الفلوس نفس الشي كل شوي ينسحب مبلغ
اشلون أحط كل الطلب بشحنة وحدة

المشكلة الثانية طلبت شي و ما وصلني و مكتوب إنه وصل
اشلون ابلغهم إنه ما وصل شنو أكتب ما أعرف الصيغة و الشي الثني كاتبين 4000 حرف :eh_s(10): أو أنا فاهمة غلط

​

 

[اشتاق الى ربي]

الحمدلله اوصلت طلبياتي باسبوع من تاريخ الطلب بأمازون البريطاني وكل شي وصلني مثل ما طلبته ..
طلبياتي اوصلت على دفعتين
وشركة الشحن بوستا بلس اخذت مني بالمرة الأولة 39 لان وزن طلبياتي كان 9 كيلو ونص والمره الثانيه 20 دينار

 

[اشتاق الى ربي]

بنات تكفون ساعدوني

أنا توني عليمية
المشكلة الأولى طلبت من أمازون ووصلت لي الأغراض بالقطارة و الفلوس نفس الشي كل شوي ينسحب مبلغ
اشلون أحط كل الطلب بشحنة وحدة​

المشكلة الثانية طلبت شي و ما وصلني و مكتوب إنه وصل
اشلون ابلغهم إنه ما وصل شنو أكتب ما أعرف الصيغة و الشي الثني كاتبين 4000 حرف :eh_s(10): أو أنا فاهمة غلط​

اهو على حسب وقت طلبج اذا كان بوقت واحد يوصلج مع بعض واذا لأ اكيد بيوصل على دفعات
لا انا الحمدلله اسحبوا المبلغ دفعة وحدة وانا اصلا احط بالفيزا مسبقة الدفع بس القيمة المطلوبة ما ازيد منعا للسرقات ..
بالنسبة لطبياتج في رقم الشحنة يرسلونه لج على الايميل او اتلاقينه بحسابج مال الامازون اخذيه وشوفي شركة الشحن اللي متفقة معاها وراح يبين لج مسار الشحنة وين واصلة بالضبط

في مواقع ترجمة واجد اكتبي الايميل وترجميه وارسليه لهم وبيردون عليج بوقتها وترا بالنسبة للامازون انا اتعامل مع البريطاني فما يصير يجمعون الطلبيات اذا كان كل وحده لها وقت غير عن الثاني هذا عيبهم
اتمنى اكون ساعدتج .. ترا انا نفسج اول مره اطلب بس الحمدلله صارت اوكي

 

[أحلى من الخيال]

جزاج الله خير حبيبتي
لأ أنا طلبتهم مع بعض
بجرب مواقع الترجمة جزاج الله خير​

 

[um3bdullah]

عليكم بالعافية تهنون كلكم يارب


انا ابي مواقع تبيع جناط تقليد ماركة بس ابي درجة اولى مو ابو طقة اللي بالمواقع الصينية

 

[mafio98]

بنات تكفون ساعدوني
أنا توني عليمية
المشكلة الأولى طلبت من أمازون ووصلت لي الأغراض بالقطارة و الفلوس نفس الشي كل شوي ينسحب مبلغ
اشلون أحط كل الطلب بشحنة وحدة

المشكلة الثانية طلبت شي و ما وصلني و مكتوب إنه وصل
اشلون ابلغهم إنه ما وصل شنو أكتب ما أعرف الصيغة و الشي الثني كاتبين 4000 حرف :eh_s(10): أو أنا فاهمة غلط

​

بالنسبه لسؤالج الاول اكيد ماتوصل الاغراض مع بعض اذا كنتي طالبه من كذا بايع فكل بايع يدز شحنته بروح

اما سؤالج الثاني انتي طالبه عن طريق ارامكس ولا اي شركة؟؟

 

[درب الحنة]

بنات بليز منو تساعدني
انا اشتركت بخدمة شوب اند شيب مالت ارامكس وكل شي اوكي
الحين متى يوصلني عناوين الصناديق
وتشجعوني تكون طلباتي كلها من امازون واهو امريكي ولا حسب البايع

 

[امونة33]

السلام عليكم:
موضوع مميز جدا يعطيكم العافية


Amazon.com: Urban Decay Naked Palette: Beauty

DKNY Rose Gold Glitz Ladies Watch #NY8080: Watches: Amazon.com

 

[*مطبخ الذواقة*]

عليكم بالف عافيه .....

 

[&موناليزا&]

عليكم بالعافيه حبوبات

 

[حياتي تكنولوجيا]

السلام عليكم بنات
بليز بغيت اعرف عن بريد كيفان اهو يفتح لي الساعه جم؟؟؟
ويوم السبت يفتحون المكاتب والا لا؟؟؟
شكرررررررررررا مقدما​

 

[AL-DMERA]

بنات انتوا ليش مصرين على ارامكس ليش ماتغيرونها خاصه انها ماتجمع الشحنات ..

ليش ماتشتركون بالmyus احسن من ارامكس بواجد ...

وبحطلكم حساب واحد باتويتر روعه يعلمكم كل شي عن التسوق الالكتروني واي مشكله عندج تسألينه ويجاوبج اهو حيل ساعدني وعلمني عالتسوق ..

وخاصه انه يمدح شركة ماي يو اس حيييل ..

هذا حسابه ...
@arabshop

وموفقين

 

[عندي امل في الح]

النشافه العجيبه
لاتفوتكم النشافه العجيبه سهل استخدامها وفيها معاليق تدخلين الثوب ويطلع ناشف هذي الحجم الصغيرب200ريال والحجم الكبير ب400ريال
قفازلتقشير البطاطس والجزر السعر ٤٠ريال
فولدر لتصفيف الملابس ب٣٠ريال
القطاعة الكهربائية السعر 300ريال
انا بالسعوديه اي وحده تبي تطلب ترسل لي علي الخاص
واشحنها لها

 

[Chelsea FC]

بنات بليز منو تساعدني
انا اشتركت بخدمة شوب اند شيب مالت ارامكس وكل شي اوكي
الحين متى يوصلني عناوين الصناديق
وتشجعوني تكون طلباتي كلها من امازون واهو امريكي ولا حسب البايع

شقصدج بعناوين الصناديق؟