طلبتكم يافنانات الطبخ .... من زمان وانا بخاطري حلو الاولكر (حلو قهوه)

[@حور@]

شلونكم بنات
سويت الحلو هذا قبل سنتين تقريبا و من مده وانا ادور هالحلوو مادري من وين طريقته القاها
عفيه منو عندها طريقه حلو القهوه اللي يصير فوقه كاكاو اولكر اللي قرطاسه احمر مربعات صغار ومحفور شوي من فوق وتحطين فيه نستله المركز وتزينيه بالنسكافيه

والطبقات اللي تحته اذكر ان فيهم حليب بودر وزبده وبسكوت مطحون

وبعدين يتقطع مربعات صغار بحجم الكاكاو وااااااي صج لذييييذ_03BA:


عفيه اللي عرفته وعندها الطريقه تساعدني والله يعطيكم الف عااافيه يارب:klhfl::klhfl:

 

[جارة القمر]

الطبقة الاولى
بسكويت شاي(200 غرام)
1 كوب حليب سائل

نغمس البسكويت بالحليب السائل ونصفهم في الصينية المستطيلة ويفضل صف طبقتين من البسكويت .

الطبقة الثانية

كوب حليب بودر
2/1 كوب سكر
2/1 كوب زبده
1 علبة قشطة (nestle cream ) وزن العلبة 170 غرام

نحمص الحليب الباودر حتى يصبح لونه ذهبي .
نخلط السكر مع الزبده والكريمة بالخلاط الكهربائي ونضيف له الحليب المحمص

تصبح الخلطة جامدة تقريبا

ثم نسكب الخلطة السابقة على البسكويت لاحظي إنها تكون جامدة نسبيا

يتم توزيع الخلطة على البسكويت بظهر الملعقة بالتساوي وإذ التصقت بالملعقة امسحي ظهر الملعقة بالحليب السائل المتبقي لديك وانتبهي لا تغرقين الخلطة بالحليب قليلا فقط ..

يتبع

 

[جارة القمر]

الطبقة الثالثة

قطع شوكلاته صغيره عددها على حسب حجم الصينية
نوعها .. أولكر
العلبة الواحدة فيها 8 حبات من الشوكليت

نصف قطع الشكولاته على الخليط السابق .

الطبقة الرابعة
نصف علبة حليب مركز(sweetened condensed milk)وزن العلبة 397 غرام
6 قطع جبن كريمه ( كيري مثلا )
قليل من القهوه الفوريه
أو حبات من القهوه المحمصة

نخلط بالخلاط الكهربائي الحليب المركز مع قطع الجبن حتى يصير الخليط متجانسا وكثيفا

نسكب القليل منه على كل قطعه شكولاته .
ثم نرش عليها قليل من القهوه أو نوزع عليها حبات من القهوه

نقطع حبات الشوكليت ونضعها في أوراق الزينة

وبالعافييييية

منقوووووووووووووووول

 

[كيوي كويتي]

ماقصرتي جارونه حبي

 

[جارة القمر]

حلو البرواز بطريقتي

المقادير:
1 علبة بسكويت دايجستف الكبير
2 زبدة
1 قيمر كي دي دي
5 حبات جبن كيري
2 علبة حليب نستله صغير
كوب حليب بودرة
2 ملعقة سكر
10 علب كاكاو أولكر الأحمر
نسكافية

الطريقة:
ينعم البسكويت ونضع فوقه قالب من الزبدة ويرص جديا في ماعون أو بايركس أو صينيه بس قبل وضعه بالصينييه نضع ورق النشاف


يخلط بخلاط الكيك القيمر والحليب البودرة والزبدة والسكر وقليلا من النسكافية ويوضع فوق خليط البسكويت وثم نضع حبات الكاكاو الأولكربجانب بعض
ومن ثم نخلط الجبن الكيري والحليب النستله ثم نصب هالخليط بالفراغات اللي من كاكاو الأولكر ثم نرشه بشوية نسكافيه وتوضع بالثلاجة لمدة 3 ساعات ثم يقطع

 

[جارة القمر]

وهذي طريقتي الثانية بس الأولي أحلي

الطبقة الأولي:
قالب زبدة 113 غرام
2 ونصف علبة بسكويت بتي بور الحجم الوسط تقريبا 36 حبة مطحون
ثلاثة أرباع علبة حليب كارنيشن

نأتي بصينية ونضع فيه ورق نشاف نخلط الطبقة السابقة ونضعه في الصينية

الطبقة الثانية:
كوب وربع حليب بودرة محموس لين يصير لونه بني
1 علبة قيمر كي دي دي
ثلث كوب سكر
ثلاثة ارباع قالب زبدة
يخلط بالخلاط ويوضع فوق لطبقة الأولي
الطبقة الثالثة:

11 علبة كاكاو الأولكر الأحمر تصف بجانب بعضها البعض بدون ترك فراغات
الطبقة الرابعة:
3 حبات جبن كيري
علبة ونصف حليب نستله الصغير
يخلط بالخلاط ويصب في فراغات الكاكاو الأولكر
الطبقة الخامسة

ننثر كاكاو فليك فوق خليط الجبن كيري وحليب النستله

توضع بالثلاجة لمدة 3 ساعات

ثم يقطع ويقدم

 

[أنفاسي دخون]

يسلمووووووو جاروره ذكرتيني بالماضي ايام المراهقه لا جونا ضيوف ابدع بهالحلو وابي امي تستانس خبري فيه من 7 سنين ما سويته وشوقتيني عليه الحين الله يعطيش العافيه

 

[جارة القمر]

حتي أنا أبخاطري

أرد اسويه


بس متعب


بالقص