طلبتكم ياأهل لقهوة

[نسكافيه بالحليب]

فديت قلبج العسل بس من وين العجيبه هذي توني اسمع عنها وبعدين ابي مقدار الماي شكثر 4كلاسات ولااقل

يا قلبي العسل انتي والله

القهوة العجيبة يوصلونها للبيت احنا دايما نطلب منها للبيت ومرات قهوة أم إبراهيم وهذا رقم القهوة العجيبة 65857117
97399166

وبالنسبة لمقدار الماي انا اعرفه من حجم الغوري نفسه شفتي الغوري الأصفر (الذهبي) مو الصغير كلش الأكبر شوي الوسط هذا اللي اقصده يعني إذا فولتيه تحطين فنجالين قهوة وإذا نص تحطين فنجال ونص قهوة

الله شحلات النسكافيه يشهي ابي

وي فديت قلبج تستاهلين أحلى كوب نسكافيه :eh_s(6)::eh_s(6):

 

[فدوووكه]

حياج اقهويج عندى تلقينها عند تمور القصيم وياها زعفران بعد مع خلطه الى حاطتها شيوخه

تقهوت عندج العافيه يمال العافيه مشكوورة

 

[فدوووكه]

انصحج بمطحنة بريدة بالشويخ اخذي قهوة برية شقرا قسم بالله كل من ضاق قهوتي مدحها ويطلبونها مني بالدوام
بس شوفي اتبعي هالخطوات :
اول شي لا تخلطين الهيل المطحون مع القهوة عند المطحنة اخذيالقهوة بروح والهيل بروح .
ثانيا اهم شي خلطة القصيم الي حاطيلج اياها فوق بالصورة روعة .
ثالثا : اذا تستخدمين الغوري مال القهوة الصغير ( الي نفور فيه الحليب الي صاير طوالي ) تترسينة ماي لي فار الماي حطي فنجانين قهوة بس تحذري وخري الغوري من على النار لانة يفوح وقصري على النار حيل خليها تطبخ عشر دقايق بالضبط بعدين حطي نص فنجان هيل مطحون وقفشتين جاي كوفي ميت فوق القهوة وهي تطبخ وهم تحذري وخري الغوري شوي من على النار لانها بتفوح ونطري دقيقتين وطفي النار تكونين حاطة بالمطارة شوية زعفران وقفشة بس مو مالت الجاي الي اكبر منها بشوي من خلطة القصيم وحطي مشخال وصبي القهوة بالمطارة وبس انتهـــــــــــــــــــت الذبيــــــــــــــحة

ياحياتي مشكووووورة ويعطيج العافية جربت طريقتج وتبارك الرحمن ماشالله تهبل

 

[<<المها>>]

ماعلى قهوة البايوني شي ..بالسعوديه

عجيييييييييييبه .. قهوه حبشية ..صج صج قهوه

وبعدين ترى القهوه على التسوي ..ساعات تاخذين الطريقة بالتفصيل وماتضبط واذا ذقتيها عند اللي خذيتيها منها تلاقينها تهبل ...عادي

كل ايد سبحان الله لها نكهه.. مثل الطباخ نفس..

 

[غلا كويت]

الصراحه انا جربت كل انواع القهوه بس الحين طحت على وحده تجيب قهوه من السعوديه تجنن العايله كلها تاخذ منها ومايحتاج تحطين معاها شي بس هيل شويه 000