طلبتكم لاتردوني تكاليف حفلة العرس وترتيباتها بالكويت؟

[نبــــــــــض]

السلام عليكم ورحمة الله وبركاتة

يعطيكم العافيه خواتي

الحمدلله اخوي خطب كويتية من عندكم والفال للي ماعرسوا
فأهل العروس عطونا حريتنا في حجز القاعه والترتيبات ومااشترطوا علينا شي جزاهم الله خير
وحددنا معاهم يكون العرس بشهر 10 او 11 على حسب الحجز اللي بنحصله.
ومثل ماتعرفون احنا من الامارات وماندل شي واهل العروس هم كلفونا بالمهمه
فقلت اكيد بنات كويتيات مابيقصرون معاي
طبعا المهر والشبكه والدبل خلصنا منهم وسلمناهم لهم وقت الملجه
والعروس بتتكفل بفستانها ومكياجها ومسكتها ووكل تجهيزاها للحفله

1- بغيت استفسر منكم بخصوص تكاليف الاعراس كم تكون اجماليا تقريبا حق كل شي؟

2- كم متوسط اسعار الكوش وترتيبات القاعه ؟ شنو احسن محل عندكم؟

3- شنو احسن الصالات او الفنادق عندكم المعازيم تقريبا 400 شخص؟

4- بخصوص الحلو والكاكاو والموالح والمعجنات حق الضيافه كم نوع تقريبا ؟ شنو احسن المحلات عندكم؟

5- احسن محل خدمة ضيافة الاعراس ؟

6- احسن دي جي اغاني ؟

7- احسن مطبعه لبطاقات الدعوة؟

8- احسن استوديو تصوير ؟


هاذي اهم الاشياء اللي في بالي واذا في ترتيبات ثانية نسيتها ماعليكم امر ذكروني بس فديتكم عطوني الاسعار التقريبيه لأن خلال هالايام بنجي نحجز ونخلص الترتيبات

بإنتظار ردودكم يالغاليات

 

[Make A Wish]

اول شي الف مبروك ..واذا حابه عندنا كوش راقيه واغاني زفات باسم المعاريس ودي جي
66564271​

 

[يامطوله صبري]

حبيبتي في الكويت حفلة العرس تعتمد على ميزانيتج

يعني عندنا كل شي عندنا الرخيص وعندنا الغالي

يعني بعض الحفلات تكلف ٢٠٠٠ او ٣٠٠٠ او ٤٠٠٠ دينار

وفي حفلات تكلف ١٥ الف

وحفلات تكلف ٤٠ ويمكن ١٠٠ الف

يعتمد على المكان وعدد المعازيم ونوع الفرقة او ال دي جي


عرس اخوي كلفنا تقريبا ١٢ الف ونص

اذا هالميزانية تناسبج قولي لي ادلج ع الاماكن الي فادتنا

بس اللي كلف علينا الفرقة كلفتنا ٣٥٠٠

ومصمم القاعة وكان بفندق

بس كان عرس مميز ولله الحمد



بس ممكن يكون عرسكم راقي وبكلفة اقل


*

 

[يامطوله صبري]

بس متوسط كلفة الحفلات بالكويت تقريبا ٤ الاف او ٥

 

[حناينq8]

على حسب المستوى اللي تبينه
المستوى العادي يكلف من 2000 الي 3000

تبين صاله والا فندق ؟؟

دي جي و الا فرقه ؟؟

باجي الامور كلها تقدرين تختارين حسب السمعه من ناحيه التصوير والبوفيه والكوشه وتوزيعات الحلو والقهوه

 

[• JoJo •]

اب

اب

 

[نيو سيدنى]

"سبحان الله وبحمده سبحان الله العظيم"
الف مبروك حبيبتى

 

[رفيعة الشآآن]

صراحة احنا عندنا البدو ان رجال اهو الي يتكلف بهل اشياء فماعندي فكرة باسعار

بس اذا عالتصوير انا خذيت مصورات روسيات عسل والله علا مستوا وخذوا مني ٨٠٠ دينار بس اسعارهم من ١٠٠٠ وتحت يعني علا حسب الي تختارين
وبما انكم اهل معرس اتوقع بحدود ٢٥٠ او ٣٠٠ لا انا الي رفع سعري اني خذيت مجلة كبيرة فيها صوري انا وريلي بس من كريستال مصنوعة

مكانهم بمجمع شيخة بالسالمية بالميزانين

 

[فرزاشيهـ]

مثل ماقالوا البنات قبلي على حسب ميزانيتكم بالكويت في الغالي و في الرخيص انا عرس اخوي تقريبا كلفنا ١٥ وشي و في عروس ممكن توصل لي ١٠٠ الف دينار كويتي طبعا .،.عندكم صالات و في فنادق و همن يعتمد السعر على اختيارج انتي حددي شنو تبون و ان شاءلله نقدر نفيدج ^_^

 

[Moddi]

حبيبتي بالنسبة للتصوير انا خذيت العروسة للافراح وايد حلو شغلهم يبداء من 250 دينار عندهم مجلات وخوش البومات كشخة رقمهم:55555801-60664999

 

[جروح^^الروح]

بالنسبه للكوش شوووفي المالك والله شغله حلوو

 

[نبــــــــــض]

Make A Wish
يامطوله صبري
حناينq8
• JoJo •
نيو سدنى
^طلة قمر^
فرزاشيهـ
Moddi
جروح^^الروح

فديتكم ماقصرتوا بإذن الله باكر بكون بالكويت وبتم اسبوع انخلص كل الامور
جزاكم الله خير​