فى شركة نقل تشترين منهم كراتين بحجمين فى حجم كبير بدينار جنة وفى صغير
اول شى تبرعى بالملابس للى منتى محتاجتهم وبالتحف وكل شى قديم او استهلكتى
نصيحتى اول شى نقلى المطبخ الانة اصعب شى اما انج تشترين الكراتين من الشركة او تروحين لفرع جمعيتكم وتقلين لة يخشلج الكراتين
قبل النقل بيومين ابدى باالمطبخ
شيلى كل اجهزتج الكهربائية نظفيها وحطيها بكرتون
والمواعين <<بس شيلى الغالين انا تبرعت بكل مواعينى العادية وشريت جدد الان المواعين رخيصة موغالية
فضى ثلاجتج واعتمدى هاليومين على الخفايف او المطاعم
اذا تقدرين تروحين قبل لاتنقلين شقتج الجديدة تسوين مطبخج وتنقلين مواعينج واغراض المطبخ كلها مع الاجهزية الكهربائية وتكونين ارتحتى من هم المطبخ
كل غرفة تدخلينها وتشلين اغراضها حاولى تخلين الاغراض للى مع بعض بكرتو
يعنى دخلتى غرفتج اول كبت لج يضم ملابسج سفطى كل الملابس للى فية بنفس الكرتونة وكتبى عليىة غرفتى الكبت الاول عشان من تجين تعرفين ترتيبج للملابس
واذا مثلا كبتج للى بنص رفوف حطى ملابسج الرف الاول بالكرتون وبعدين فاصل جريدة وحطى ملابس الرف الثانى كلة مسفط يعنى مجرد تشيلين وتحطين
تسريحتج اشتريلج صناديق عشان تستغلينها بعدين وحطى لكل جرارة فيها غراضج صنوق وكتبى علية الجرارة الاولى وحطى كل صناديق الجرارات بكرتون كتبى علية تسريحة
وكرتون حطى فية اجهزتج الكهربائية استشوار وغيرة
واغراض الحمام كلها صففيها هم بصناديق تستغلينها للحمام اوسلال اذا كانت سلال او صناديق مفتوحة من فوق لزقيها بلزاق متين على شكل ضرب عرفتى عشان ماتطيح الاغراض وحطيهم بكرتونة
كل الكراتين للى تخص كل غرفة كتبى عليها
انا لما نقلت كنت شايلة كل ملابسنا قبلها بيومين وشاريتلى بجايم دينار ونص لى ولعيالى قزرنة فيها يومين على مانشد عشان مااضطر ابطل الكراتين
وخلى نقلج على يومين عشان ترتاحين
والله انا نقلت من شقتى الى بيتى وكان عندى خدامتين كل وحدة اغبى من الثانية وتخيلى انقل بروووحى وعيالى على رااسى بس ليش انى كنت كاتبة على كل شى شنو محتواة ومسوية مطبخى قبلها بيوم هذا خفف عنى اشوى
والله يباركلج ان شالله
