طق طق ياحريم اقصد يابنات << متنفسي !!

[الـ غ ـايه]

السسسسسلام عليكم








حيالله المعرسات





بنات ابي افضفض لكم وادري انه تو الناس وبدري ؟ <<


والله مدري شقووول انا ان شاء الله عرسي بعد اربع اشششهر والله يتمم على خير يارب
وحيل خايفه من الزوواج احس اني مو قد المسؤوليه :dfgl:



احس اني جاهل زعول انانيه ابي كل شي حقي
بنات انا اخترت هالمكان جد لاني مالي الا الله ثم انتوا انا ماعندي خوات وامي مره كبيره استحي اناقشها بكل شي
وساعات اكلمها تقول ماادري لاتزوجتي يصير خير
احس ان زواجي ماراح يستمر ماادري يروادني هالشعووور
دايم اقول الله يعينه اللي بياخذني
مو عن اني نذله ولا عن شي بس احس اني ماراح اكون قد المسؤوليه
دعله تبي كل شي لها زعلووول << كاأني قمت اعيد الكلام
يعني حتى من ناحيه الكلام والاخذ والعطى مااعرف استحي اتكلم استحي اقول تحز بخاطري اشياء وااجد
وام ادميعه يعني الرجال يبيله مره قويه تقوم فالبيت تعاونه تساعده
انا احس ليلحين مدلعه وماخذه الحياه وناسه لاضحكت وحزن لابجيت
يعني << والله مدري شقول

ادري اني راح اطيح في غلطات كبيره لان شي جديد ومااعرف له
وودي اني مااغلط يعني << وااي والله ماادري شققوووول



اقول باجر شلون راح اااعيش ؟؟!

واكمل واستقر واكووون مع رجال وبين الحريم
احس هالعالم يخوف يازيني ويحليلي وانا عند اهلي



اخاف دعالتي تخرب علي والدعاله اللي اقصدها اني ازعل على اشياء واجد وانغبن منهااا ومااعرف اتصرف ومدري شسوي يعني حياه صصصعبه ماادري شاللي مقبله عليه الله يجعله خير
واذا ماخذيت الشي او انرفض طلبي اطنقر ومن هالكلام << ادري هالاشياء مالها داعي


كويتيات
تكفووووون لاتسفهوني انا مدري رح تفهموني او لاااا << من الربكه اضيع واعيد واكرر الكلام !!!
ياليت كل زوجه اتمر اهنيه وتقرى الموضوووع وتترك لي حكمه او غلط اهي سوته وعرفت شنو صوابه
اي شي لو كلمه ترفع معنوياتي وتهديني



ادري تو الناس ومبجر بسس تكفووون مالي الا الله ثم انتوا

شلون اتعامل معاه مع خواته مع اهله مع كل شي بهالدنيا !!










اممممممممممممممممممم طولت عليكم ادري لكن لاتردوني خايبه << فيس زعلان ومستحي
<< ودي اصير مره جيده :dfgl:
طلب صووغنن << لاتعصبون علي واتهاوشوووني واللي تقول ارفضي ومادري شنوو اقلها دعوووه صادقه تنفعني وترجع لكم







اعذروووا ركة الاسلوووووب وسسسسلاااام

 

[الماسة]

نصييييييييييييييييييييييييييييييييييييييييييييييييييييييييييييييييييييييييييييييييييييييييييييييحة
والنصيحة بجمل..........

لا تزعلين على اي شي .. كبري عقلج .. الامور التافهة عديها .. وخلي زعلج مصيبة بالنسبة له لا تزعلين الا على شي يسوى . يعني الزعل سلاح خطير لازم تستخدمينه بوقته ولا تنسين الرضاوة صعبة .. راح يعمل الف حساب قبل لا يزعلج .. اما اذا كل شوي زعلانه وعلى اتفه الاسباب .. عز الله بيقول لج زعل بو جعل وبالطقاق...

ثاني شي خليج ثقيلة .. لا تغرقينه بالكلام الحلو وتعطينه كل شي عذبييييييييييييييييييييييييييييييييه...

لا تغلطين غلطتي والله لو اشيل قشي وهدومي واروح بيت اهلي مادرى عني... دلعته وعطيته كل شي وازعل كل شوي يعني دلووووووووعة امحق دلع

شوفي رح تكونين خايفة يزعل .. وهو خايف يزعلج ..... اهني استغلي الموقف ... اذا زعل اجمدي .. بالطقاق .. بتلقينه بعد فترة خلاص مايعرف يزعل ... واذا زعلتي رضاك صعب بس عاد مو بزيادة .. وشوفي شلون تفرضين شخصيتج عليه .... العبيها صح يا حلوووووووووووة

 

[غمزه وإبتسامه]

امممممممممممممم توكلي على الله وادعي ان الله يسااعدج ويوريج الصح ويساعدج عليه ويصبر زوجج ويطول باله

 

[الحبوبه الطيوبه]

طليت علي الموضوع ابي استفيد مثلج الحال من بعضه

 

[حلوه ولمآحه]

بعد قلبي والله ،،
جنج انا قبل الزواج ام دميعه وكل شي ابيه اخذه بالرضى ولا بالغصب
كنت خايفه مثلج،،
من ناحيه البيت ومسوليته الحمدالله شلتها كلها طباخ وغسيل وكنس وتمسيح
بي من ناحيه اسلوبي ويا زوجي تعبت وتعذبت بالبدايه
ليه لاني زعووول وعلى اي شي ازعل حتى لو انه يمزح اقوم ازعل
اخر شي الريال انقرف صرت ازعل وهو مايعبرني،،
بس بالاخير فهمت وفطنت لعمري
صرت امزح واسولف واذا قال شي وانا بزعل منه اقعد اضحك علشان انسى
واذا قامت شياطيني وحسيت بسوي مشكله رحت لداري وجلست استغفر ولا علطول اكلم امي
ولا اروح المطبخ >>مسكسن الله يعينه كسرت نص المواعين فيه
صرااحه اول 6 شهوور من زواجي تعبت حيييل بس الحين الحمدالله صرت احاول اتغير ،،
انتي خليج راكده وسوالفج حلوه وضحك وغشمره ولاتزعلين من شي ،،
والدميعه انسيها لان الريال اذا قام يشوف كل شوي دمعتج >>بعدين ماراح تهمه او تاثر فيه ،،
خليج دلووعه وتدلعي عليه
بس في نفس الوقت ثقيله لاتعطينه كل شي بالسااهل
عطيه الكلمه الحلوه وكل شي بس مو كل شوي خليه يتعذب
واذا طلبتي شي منه >>يآآآهووو كنت اخذها انا بالاوامر على بالي عند اهلي
لا ياقلبي خذيه بالمسايس والمساحل والدلع وماراح يرفض لج طلب
ومهما يقولج لا لاتزعلين
الا عند شي كبير الامور الصغيره تقدرين تتداركينها وتقنعينه اذا مو اليوم بكره
والله يوفقج ويسعدج ويفتح لج ابواب رزقه وسعااادته

 

[q8hadaya]

انتى ادرى بالمشكله وتقريبا قلتى المشكله وقلتى الحل بنفس الوقت
ودام ان فى شعور بهالامور يدل ان فى شعور بالمسؤليه
الى مايفكر بالعيوب الى فيه اهوه الشخص الى ماعنده مسؤليه
انتى تحاولين تتخلصين من بعض هذى الامور
وبالتوفيق ان شاءالله وعسى الله يتمم بخير

 

[ديانا سبنسر]

مافي اكثر مني مدلعة عنداهلي وماكو اكثر مني حساسة وطنينة هذا انا ام 4اعيال وقايمة بزوجي قومة حبيبتي الحياة خير معلم وحبج لزوجج هو اللي راح يخليج تتركين الصفات اللي موزينة فيج موفقة حبيبتي

 

[غيمه ظميانه]

اهم شي خليج على طبيعتج صدقيني هالشي فطره من رب العالمين يوم

البنت تحس بالدلع وعدم المسؤوليه

المتزوجه تحس بالمسؤوليه غصب عنها وهالشي بيحطه رب العباد بقلبج يعني لا اراديا تسالين عن زوجج عن اهله عن بيتج عن شغلج

ام العيال تحس بلامومه بعد هالشي فطره ما يبيلها كلام من نفسج تحبين عيالج تخافين عليهم تسالين عنهم


ومع الايام بتصيرين مره جيده وعن الف مره

 

[الـ غ ـايه]

نصييييييييييييييييييييييييييييييييييييييييييييييييييييييييييييييييييييييييييييييييييييييييييييييحة
والنصيحة بجمل..........

لا تزعلين على اي شي .. كبري عقلج .. الامور التافهة عديها .. وخلي زعلج مصيبة بالنسبة له لا تزعلين الا على شي يسوى . يعني الزعل سلاح خطير لازم تستخدمينه بوقته ولا تنسين الرضاوة صعبة .. راح يعمل الف حساب قبل لا يزعلج .. اما اذا كل شوي زعلانه وعلى اتفه الاسباب .. عز الله بيقول لج زعل بو جعل وبالطقاق...

ثاني شي خليج ثقيلة .. لا تغرقينه بالكلام الحلو وتعطينه كل شي عذبييييييييييييييييييييييييييييييييه...

لا تغلطين غلطتي والله لو اشيل قشي وهدومي واروح بيت اهلي مادرى عني... دلعته وعطيته كل شي وازعل كل شوي يعني دلووووووووعة امحق دلع

شوفي رح تكونين خايفة يزعل .. وهو خايف يزعلج ..... اهني استغلي الموقف ... اذا زعل اجمدي .. بالطقاق .. بتلقينه بعد فترة خلاص مايعرف يزعل ... واذا زعلتي رضاك صعب بس عاد مو بزيادة .. وشوفي شلون تفرضين شخصيتج عليه .... العبيها صح يا حلوووووووووووة

يمال العااافيه والله مدري شقوووووووووولج مشكووره ماتكفي
صج هذي النصايح والا بلاااااش

ياربي عسااني اقدر على اللي قلتيه وبحاول ان شاء الله

مشكووره حبيبتي وعسى الله يسعدج دنيا واخره :yaaaaaarb:

 

[الماسة]

حبيبتي يسلم قلبك ...............

 

[الـ غ ـايه]

وينكم :0bee2e8d89:

 

[Pretty Petite]

شوفي انا معنه زوجي والحمدلله وايد زين ومدلعني ويحبني

بس مادري طلعتي من بيت اهلي وزواجي وعيشتي مع ريال كسرت فيني اشياء!!

مادري اشلون اوضح لج.. بس الحياة تعلم وايد.. والمواقف اللي بتطيحين فيها وخصوصا مع اهل ريلج راح تكبرج وايد وتخليج اقوى واقوى!! راح تتغير شخصيتج.. وتكتشفين اشياء بشخصيتج ماكنتي حاسه فيها!!


مثل ما قالوا الخوات لا تكبرين المواضيع ولا تطلعين سرج حق اي احد.. لا اخت ولا ام ولا صديقه.. اذا تضايقتي تقدرين تنفسين اهني

وديري بالج مو اي نصيحه تاخذينها.. لان اللي يضبط مع زوجي بكل سهوله ممكن ما يضبط مع زوجج..

واي شي يضايقج لا تخشينه بقلبج.. نطري تهدين وكلمي زوجج.. وراح تشوفين اغلب الزعل بكون سببه سوء فهم منج لموقف زوجج..

وان شاء الله مع الايام راح تتعودون على بعض

 

[اميرة-الاحجار]

الريال يبي 3 اشياء بالمره

الاحترام = الابتعاد عن النكد = العقل الكبير ,,

يعني لاتزعلين وتمدين بوزج على كلشي

خلي عقلج كبير تقبلي الكلام وبنفس الوقت لج راي وشخصيه

واحترميه لانه زوجج اولا ولانه في فارق بالسن اكيد بينكم احترمي افكاره وارائه ومخططاته


وان شاء الله تكون حياتج سعيده بس كبري عقلج وخلج ذكيه ووخري عنج الافكار السلبيه والخوف الي ماله لزمه هالشي ماتحكمين عليه ليما تعاشرين ريلج وتشوفين مايته شلون

 

[Pretty Petite]

اميـــره

مثل ما الريال يبي .. هم المرة تبي

لا تحطون لوووود ع الحريم والرياييل طايرين بالهوا!!

خل الريال يعرف طبيعته.. البنيه حساسه مدللــه اب بيت اهلها.. اوكي لازم تتحمل المسئولية وتحاول تسانده بس اهو بالمقابل لازم يتحمل ويحترم شخصيتها واطباعها

 

[zain-bh]

شوفي انا كنت جذي واقول شلون راح اتحمل مسؤولية بيت وزوج واستقرار واشياء وايد متعوده اسويها قبل ما اتزوج فشلون بعد الزواج
لا حبيبتي لا شعوريا انتي تتأقلمين مع الموضوع
ولمن كنت ببيت اهلي ام دميعه على اقل شي ابجي كنت بداية الملجة جذي على اقل شي ابجي بس بعدين مثل ماتقولين قوى قلبي بروحه وصرت ما ابجي على اقل شي لأنه ما بتنفعني بجيتي بينفعني شي ثاني التفاهم لأنه اذا بجيت مابعرف اتكلم ويمكن اغلط في حق نفسي وحق غيري فما له داعي

ومسؤولية البيت والله سهالات وعلاقتج مع اهل ريلج خلج حلوه معاهم بس عرفي حدودج لا تدخلين روحج بكل شي لأنه من هني تبدي المشاكل ولا تنقلين حجي بينهم حتى لوم امه قالت لج كلام بينج وبينها لا تقولين امك قالت وقالت ترا بالنهايه انتي زوجته وهذي امه ومايقبل على امه فخلي روحج في السيف سايد

اسفه عالأطاله والبنات كفو ووفو

 

[قلبي سلومي]

اميـــره

مثل ما الريال يبي .. هم المرة تبي

لا تحطون لوووود ع الحريم والرياييل طايرين بالهوا!!

خل الريال يعرف طبيعته.. البنيه حساسه مدللــه اب بيت اهلها.. اوكي لازم تتحمل المسئولية وتحاول تسانده بس اهو بالمقابل لازم يتحمل ويحترم شخصيتها واطباعها

انا معاها

 

[شواخي]

ليش طايحه من عين نفسج انتي ؟

البنات الي عرسوا احسن منج ؟
خلي بنفسج ثقه ولا تكبرين الموضوع وترزين الزوج لانه هو فيه عيوب يمكن ادمر منج !!