طق براسي اسويه ***

[MyLittleBerry]

اول شي بحطلكم الصوره

هذا الصوره الاصليه

وهذا تطبيقي توني باديه فيه

 

[MyLittleBerry]

توني رسمته بالرصاص

شرايكم بلون الغرفه اسويها اي لون؟؟؟؟

انا فكرت بالازرق الفاتح


هذي صفحة المشروع الاصلي الكامل

http://public.fotki.com/alkandari/other/decor/projects-step-by-step/project-3/

 

[bnt q8 in usa]

روعه والله انا قبل كنت اسوي بغرفتي بوكاهانتس وميكي وناسه والله
والموقع انا حفظته عندي عجيب حق عيالي لقيت خوش صبغات
ناطرين لمن تخلصين عشان نشوف

 

[الكيكة]

بصراحه مو حلوه الفكره .. الدار تصير جنها روضة اطفال او مدرسه

 

[MyLittleBerry]

لييييش عاد انا قلت بس بسوي هالزرافه وغيوم وشفتي اوراق الشجر اللي تحت الزرافه بسوي جم واحد بس انا بروحي ماحبه اوفر

 

[أم بدير]

والله وايد حلو
وناسه
ويعتمد على عمر الياهل ترى
اذا فوق الثلاث سنين اربع مو حلو حقه
بس اذا اقل وايد حلو له بس مثل ماقلتي لاتكثرين رسمات خلي الزرافه هني ووزعي جم غيمه مني ومناك يصير روعه

و يبيلج تكسرين القمته بالغرفه لأن الوانها درجات برتقالي وبني وأخضر ترى هالألوان بعد جم يوم يحوشج قامت منها.. يمعني من تدشين الغرفه تقولين وين الباب خل اطلع
يعني زيدي فيها بيج أو أوف وايت بالفرش او زوليه بالنص أوف وايد

انتي اللي راسمه اللي بالرصاص حدر؟
ترى وايد حلو ماشالله​

 

[سبائك]

وايد وايد حلوه ماشاءالله

 

[MyLittleBerry]

اي انا قلت بسوي لون الغرفه سماوي او الازرق اللي يسمونه tropical
والاثاث ابيض

انشالله اليوم بشتري الصبغ وبوريكم شراح اسوي

اي انا راسمته ماتوقعت اني اضبطه انا اعرف ارسم بس هديت هالهوايه من قبل 4 سنوات يعني لما تزوجت تدرين الزواج يخليج تنشغلين عن هواياتج

 

[أم بدير]

اي والله صاجه الزواج يخرب عليج هواياتج
خخخخخخخخخخخخخ

انا نفس حالتج وتوني عقب ماكبروا عيالي شوي بديت ارد لهوايتي
ومن زمان قايله بسوي غرف اليهال بس كل يوم يطلعلي شغل واقول بعدين
بس صراحه غرت منج
لوووووووووووووووووول
قلت شمعنه البنات يطق براسهم ويسوون وانا اقعد جم شهر عقب مايطق براسي يالله ابلش؟؟
تدرين عندي قليترات واصباغ شاريتهم من تقريبا سنه عشان بسوي الغرف بس ماسويت شي
شكلي ببلش من باجر بسبتج
لوووووووووووووووووووول
عاد مو تخلين
راوينا الشكل النهائي
ترى احنا دعل
ماننعطى ويه
مو مال تحطينلها صوره تقولين هذي بدايه وتعلقينا بدون نهايه
نطالبج بالتطبيق النهائي
والا شرايج تحطين خطوه بخطوه؟
وناسه يصير خوش موضوع ترى​

 

[MyLittleBerry]

لااااااااااااا افا عليج خلاص بديت ورسمت انا الحين انتي ماتدرين شنو قصتي انا شقتي فيها غرفتين الغرفه الاولى غرفتي وعيالي كلهم ينامون عندي سنه وثلاث سنوات والغرفه الثانيه ريلي حاط طاولة الكمبيوتر مالته شكبرهه والحين اهو مسافر المغرب وراد نهاية الاسبوع الياي فانا قلت اقط طاولته بالصاله واسوي الغرفه الثانيه بسرعه ههههههههههه

تكتيكاتي

لاتنسين تشوفين الصور اللي حاطتهم بالسايت قسم الاصباغ

علشان تاخذين افكار

 

[أم بدير]

لوووووووووووووووووووووووووووووووووووووول
اعلنتي الحرب يعني؟؟
زين تسوين والله ما يفيد فيهم الا جذي
عاد سوي شي ثاني يحبه عشان اذا عصب على هذا تسكتينه بشي يستانس عليه
خخخخخخخخخخخخخخخخخخخخخخخخخ

شفت السايت عبالج اطوف هالشغلات انا
واااااااااااااايد حلو بس حق يهال اصر من عيالي
عيالي الحين بعمر يلوع الجبد
بنتي لاهي ياهل اللي احطلها باربي وهالسوالف
ولاهي كبيره حق غرفه رسميه وفناتق
يعني مفكره اخلي غرفتها اوف وايد وافنتق عليها بفراشات موزعين عليهم قليتر حق يتبارقون شوي
سوالف كليرز خخخخخخ

وولدي يحب سوبرمان وسبايدر مان بس مابي اسويله لأني ادري السنه اليايه بيقول كبرت عليهم
عمره ثمان سنين
بسويله شي على رياضه
كرة قدم
كرة سله
بس ليلحين مادري شلون​

 

[bambena]

وايد حلوه الطوفه مشكوره حفضتها عندي

 

[MyLittleBerry]

حق البنات حلو تصبغين الطوفه ورديه وتحطين ورد كبار تلصقينهم يم بعض تسوينهم مثل البانر او ترسيم ورد على الطوفه

حق الصبيان اللون الاحمر والابيض روعه وتدخلين فيه نقش الزيبرا على طوفه وحده

شرايج بالفكره؟

 

[أم بدير]

شوفي اذا بسوي ورود او فراش
بخلي الطوفه أوف وايت أو بيج فاتح عشان يبينون أحلى

لأن اذا بصبغها وردي بتصير حلوه بس مع المده تقمت
نفس الحين
مسويتها ورديه وعليها ورود وردي بأبيض وسماوي وهالألوان
حلوين بس صارت الغرفه كلا وردي فاتح بغامج مافيها شي سفر

بالنسبه للصبيات الأحمر بالزيبرا حلو وايد بس حق تين ايجرز أو شباب
حق ثمان سنين ما اعتقد بيعجبه نهائيا
ولدي يبي طيارات وسيارات وكرة قدم وهالخرابيط
يعني الزيبرا بعيد عن ميوله نهائيا​

 

[MyLittleBerry]

عندي صور ثيمات يديده

 

[أم بدير]

يابنيه شناويه علينا
يهبلوووووووووووووووووووووون

الأخضر مع البني روووووووووعه
والأزرق وايد حلو
واللون الأصفر عجييييب​

 

[فرااابتشينو]

مشالله عليج واييد حلوين لا تنسين تراوينا الصور لما تخلصين

 

[أحلى البنات]

وااااااااوو حلوه يلا كمليها نبي نشوفها

 

[MyLittleBerry]

اليوم شريت الصبغ

شريت صبغ ازرق فاااتح اللي اهو الصبغ الاساسي للغرفه وشريت اصباغ صغار درجتين الاخضر وبني وبرتقالي وابيض حق الرسومات وشريت فرش

الغرفه قياسها 4في 4
شريت الصبغ من الجوتن اللي بلوازم العايله مالت جمعيه القرين رقم 1 اللي بالعدان

الاغراض والصبغ كلها كلفتني 19 دينار
والحين بفضي الغرفه من الاغراض والانقاض وبلزق الجرايط على الاطراف

يالله تشجيييييييييع بحطلكم الصور بعد شوي

 

[Raveena]

حلوة


احلى شي بغرف اليهال لما فيها رسمات شخصيات