طق الجرس وبدأت حصتي والابله متربعه في الصف

[رضاهم جنه]

يا كثرهم هالاشكال

انا اكره نفسي اذا شفت الحصه الي قبلي انجليزي تاخذ ربع ساعه من الحصه وتستحين تطردينها ومهما تقولين الدرس طويل ما ينفع لازم تقولينها بالوجه اطلعي بره

مره استأذنت مني قالت ممكن يا ابله 5 دقايق بس >>> اول مره تستاذن وانا استانست قلت اخذي راحتج الاخت خذت رتحتها صج لقيتها توزع اوراق عمل وتبي تحل معاهم :eh_s(1):

 

[Mazyoona]

.





آهم شي!!
فوق شينهآ قوآت عيينهآ!!

و الله آنج سننعه خوش رد ~
خللج جذي هذول مآ يمشون إلآ جذذي !! ​

 

[^^ريهام^^]

زين سويتي

شافوج ساكتة ومحترمة نفسج قالوا خلاص نركب عليها

واذا تأخرت مرة ثانية لا تسكتين

 

[تكييف]

رد : رد: طق الجرس وبدأت حصتي والابله متربعه في الصف

لا تسكتين للوافدات اللي مايحترمون نفسهم..نصيحه

 

[3zezat nafs]

رد : رد: طق الجرس وبدأت حصتي والابله متربعه في الصف

شوفي حبيبتي

التربية المكان الوحيد اللي المفروض ما تحشمين احد فيه ..

اللي بقلبج خليه على لسانج

لأن بالتربية تشوفين العجايب لما يشيب راسج ..

في ناس والنعم قمة بالأدب والأخلاق .. وفي ناس نفس ما صادفج ..

احسن شي المرة الثانية تكلمي وياها بينج وبينها .. ولي شفتي ماكو فايدة .. لي دخلتي الصف وعادت نفس الحركة .. فشليها جدام البنات وقوليها : ابلة لوسمحتي تفضلي .. عندي حصة ..

ولي شفتيها حقرتج .. اهني روحي اشتكي عليها ..

والله يعينج

 

[درة أهل الطولات]

امبيه تبط الجبد

جان نبهتيهااا

 

[nono93]

اليوم كلمت رئيسة القسم راحت كلمت رئيسة قسمها

ويايتلي شايشه وقلبت السالفه علي تقولي انتي تعاندينها

سألتها عاندت شسويت؟ دخلت عليها بحصتها بدون استاذان

ولا قعدت اكلم البنات بصوت عالي ولاخذت من وقت حصتها ؟

طلعت الحين انا الغلطانه!!!

ورئيسة قسم العربي مشيشه الوكيله علي

قلتلهم ابي عرضي موراضين تقولي شسالفة الهوشه اللي صارت جدام الطالبات

قلتلها أي هوشه اثاري رئيسة قسم العربي سوتها فلم

وسوتني متهاوشه مع ابلة العربي وقايله للادارة

<<<<ضربني وبكى وسبقني واشتكى

قلت للوكيله اي هوشه نادولي ابلة العربي الحين اواجها جدامكم اذا انا تهاوشت معاها

اللي قهرني رئيسة قسمها شاطه عمرها وتدافع عنها عشتو

ورئيسة قسمي شايله ايدها

انا ماسكت قلتلها الطالبات شاهدين على ابلة العربي

تقولي احنا ماناخذ شهادة اليهال

قلتلها انتي ماتاخذين انا آخذ واذا ابلتج (ابلة العربي)

ما احترمت نفسها وعرفت حدودها اوريج انتي وابلتج شلون صاير الهواش

اوصل السالفه لي الشؤون القانونيه واحولكم للتحقيق شفتوني ساكته

سويتيلو فلم وسويتينو متهاوشه معاها جدام الطالبات معنى اهيا اللي غلطانه

ورئيسة القسم تقولي لا اهيا ماغلطت

اقولها ماخذه من وقت حصتي اكثر من مره وتقعدلي في الصف بال10 دقايق ماغلطت

وتدخل الصف بدون استاذان ماغلطت وتزف الطالبات ولا تحشمني انا واقفه

عيل انا اذا صادف حصتي قبل حصة اي ابلة عربي باخذ من وقتها وبحط ريل على ريل

وبقعد اصلح الكتب واذا تحجت بقولها رئيسة القسم تقول موغلط وبطلع عقب 10 دقايق

والوكيله تقول ماصار الا الخير وانتو زميلات

<<<شاقوني عصبت ووصل حدي قامو يساحلونلي بيهدون السالفه

بعدين قالتلي ايه يا ابله تبين تاخذين عرضي عادي ماعندي مانع

عفيه عليجججججججججججججججججججججج

هذا المطلوب

شوفي ماينفع فيهم الا العين الحااااااااااره

وكل شوي هدديهم
بالمساله القانونيه

احسن لج

الناس مصالح

وخليهم يولوووون

 

[جيتك تعال]

صراحة انا الوومك .... من البدااية كان من المفروض انك ما تسكتين

على طول ادخل واقول لو سمحتي يا ابلة وقتك انتهى وما اسمح لها بالتجاوز

وعلى طول ورى الحصة مو الوكيلة .. سيدا الناظرة واقولها واخليها تسويها نشرة الكل يوقع عليها

حبيبتي الوافداات ايا كانت جنسيتها ما تسكت وعلى طول تامن روحها ... صج تخااف من الادارة

بس لازم تتحيلق لرئيسة قسمها وتييبها صوبها ... عشاان جذيه اى شي يصير معاك لازم تكبرين

الموضووع سواء وافدة ولا مواطنة .... عشان الكل يوقف عند حده وما يتجاوزون عالاواادم

وبجد انا هذا اسلووبي مع الكل في الدواام ... لان العمل عمل ....

محد بيرحمك لو مسك علييك شي .... ليش تسكتين لهم ... اخ بس لو هالحركة صايرة معااى

 

[(كويتيه عسل)]

مشكورين على الرد كلامكم صح

انا لازم اغير طريقة تعاملي معاهم موكفو ومايستاهلون و أولهم رئيسة القسم

طالع شلون رئيسة قسم العربي شلون ماترضى على ابلاتها وتدافع عنهم

مو رئيسة قسمي المصلحجيه ما تستاهل هذاك اليوم

ما طلعت مع اهلي وسهرت بليل وتأخرت الصبح علشان اسويلها بروشور

واليوم تبرت مني موووووووووكفو <<< قلبي شايل عليها

موقادره اسامحها على اللي سوته اليوم :bbbiu:

 

[ṃїşѕ เṖĦƠŊэ]

رد : رد: طق الجرس وبدأت حصتي والابله متربعه في الصف

شوفي حبيبتي

التربية المكان الوحيد اللي المفروض ما تحشمين احد فيه ..

اللي بقلبج خليه على لسانج

لأن بالتربية تشوفين العجايب لما يشيب راسج ..

في ناس والنعم قمة بالأدب والأخلاق .. وفي ناس نفس ما صادفج ..

احسن شي المرة الثانية تكلمي وياها بينج وبينها .. ولي شفتي ماكو فايدة .. لي دخلتي الصف وعادت نفس الحركة .. فشليها جدام البنات وقوليها : ابلة لوسمحتي تفضلي .. عندي حصة ..

ولي شفتيها حقرتج .. اهني روحي اشتكي عليها ..

والله يعينج

نفس رايي بالضبط ... وزين سويتي فيهم

 

[نجمة كويتية]

هذا 2 موضوع عن الوافدين ووقاحتهم شفيهم بعض الوافدين صج قلة ادب الدار دار ابونا والقوم ... فوق ما هم بديرتنا وهم ما يحترمونا والا الحسد وصل حده عندهم :rgewrg::rgewrg:

 

[نسمة الجنوب]

تحمليني اشوي حبيبتي ولا تزعلين من كلامي
المشكلة فيج انتي مو بس فيها واهيا ماخذت راحتها وزودتها الا لانها جست نبضج وشافت فيج الضعف ودرت انج ماراح تسوين لها شي فمصختها .
لازم توقفينها عند حدها مو يعني تتخانقين معها لا بس وريها العين الحمرا لانها مو مال حشيمة
روحي لها ابقسمها وكلميها بينج وبينها وقولي لها ان تصرفها مو عاجبج وانه غلط وما يصير الي تسويه وانج كان ممكن تكلمينها جدام الطالبات بس انتي ما سويتي هالشي عشان ما تحرجينها ومن هالكلام
واذا ما لقيتي استجابة وصلي الموضوع للادارة

 

[الجفووول]

زين سويتي فيها




استغفر الله ماادري شلون عينهم قويه جذي

 

[عسولة الأبلات]

الادارات المدرسية مايبيلها ابلة تسكت

لاسنيهم تاخذين حقج
تسكتين يدوسون فوق راسج

 

[قاهرتهم 2011]

هذا 2 موضوع عن الوافدين ووقاحتهم شفيهم بعض الوافدين صج قلة ادب الدار دار ابونا والقوم ... فوق ما هم بديرتنا وهم ما يحترمونا والا الحسد وصل حده عندهم :rgewrg::rgewrg:

ما شفتي شي ترى البلاوي اللي يسوونها ولا شي عند اللي يذكرونها البنات بالمنتدى
اكثر اللي يعاني منهم قسم العربي والانجليزي

 

[PuPa^^SWeeT]

منتهى الوقاحة و الاستهتار

اوكي حتى لو خذيتي من الحصة بس لج ترا ال5 دقايق بين الحصص


انا اخذهم و اعتذر بعد


بس تاخذ 10 من الحصة الاساسية قوية هذي