طق الجرس وبدأت حصتي والابله متربعه في الصف

[(كويتيه عسل)]

في ابلة وافده حارتني واليوم زودتها كل يوم اثنين وخميس على هالحالة


لان يصادف ان اهيا عليها حصة قبل حصتي


لما يطق الجرس وتبدا حصتي وتشوفني انا وصلت تظل متربعه في الصف


موتقولون 5 دقايق لا اكثر انا قبل كنت اوقف برا يم الصف


وانطرها تطلع احتراما لها لما تخلص لكن شفتها زودتها موكفو حشيمه


اليوم دخلت الصف لي متى وانا حاسبتلها حساب موكفو كافي الدروس طويله


المهم شافتني وقاعده تفتر على البنات وتصلح بالدفاتر نطرت شوي بعدين


قمت وسلمت <<<يعني بدت الحصة يالله طلعلي


وتدرون شسوت وقفت في وسط الصف تكلم الطالبات وتناقشهم


على موعد الامتحان ماادري واجب والصف صار فوضى وازعاج تعرفون البنات كل وحده تبي تاريخ معين


حتى ماحشمتني كافي ماخذه من وقت حصتي هم تكلمهم بدون استاذان بعدين شفتها جذي


قلت للطالبات يالله بطلو الكتاب واهيا واقفه وتقول بصوت عالي فلانه حليتي التطبيق


وواقفه تصلح <<< اخذي الدفاتر وطلعلي ليش قاعده


بعدين قلت للطالبات يالله نحل التمارين واهيا لحد الحين واقفه وتكلمهم بصوت عالي


والطالبات موعارفين يسمعوني ولا يسمعونها وانا بديت الشرح واهيا قاعده


طلعت بعد 10 دقايق وردت مره ثانيه بطلت الباب زفت طالبه وطلعت


بدون لا تستاذن مني انا بغيت اكلم الوكيله بس ماحبيت اكبر الموضوع


موعارفه شسوي معاها قاهرتني ولا بيني وبينها شي حتى مااعرف شسمها


هذيك المره قلتلها ابله لوسمحتي بدت حصتي حاقرتني وقاعده في الصف

 

[سدددن]

انت من صجج

في ناس مو كفوو احترام

الخميس اذا ردت على نفس الحركة روحي كلمي الادارة تتفاهم معاهاا

مالهاا حق تاخذ من وقت حصتج ولا بعد مو مستأذنه

ولا تعتذر و تم واقفة


ياا قلبج اناا لوو مكانج جان طردتهااا


احتريت هههههههههههههه

 

[TIC TOK]

رد : طق الجرس وبدأت حصتي والابله متربعه في الصف

مصخرررررررررررررررررررررره

ماشاءالله عليج وسكتي بعد

شوفي انتي لااااااااااااااااااااااااااااااازم تروحين الوكيله وتشتكين او انج تروحين لها وتقولين لها انها بس يطق الجرس خلاص تنتهي حصتها ومو من حقها تاخذ دقيقه وحده زياده



شنو هالاشكال الارف

 

[منال القلب]

واااي احس طلع دخان من راسي وانا سالفتج

وليش كل هالمدة ناطرة؟ تبين الصراحة الشرهة عليج الي لحد الحين ساكتة!!!!

وااااي اموت قهر من حركات النص كم هذي. شوفي حبيبتي. تروحين من باجر قسم الرياضيات

وكلميها. اخذيها على جنب وقولي لها الي مخليج متضايقة. ما راح تذبحج ولا راح تسويلج شي

تراها أقصاها وافدة. واذا شفتيها ما تسنعت كلمي الوكيلة. واذا تبي تزعل وتنطقر بالطقاق والله

ولا حصتج تروح. وبعدين شلون ترضين على نفسج انها تدخل بدون استأذن هالحركة حيل حقيرة

وااااي كاره جذي. على الاقل تدق الباب. بس اهم اهم شي لا يصير نجرة بينج وبينها جدام الطالبات

زين انج ماسكة نفسج لحد الحين. انا يصير فيني هالموقف وايد بس حدهم المدرسات 5 دقايق

ويطلعون. وبعدين الحصة بدت وهذا وقتج ومن حقج تكلمي بصوت عالي خو انتي مو قادة تبوقين.

واااااي مت قهر جان زين مو قارية موضوعج حدي منقره :rgewrg:

 

[$بنت الأمير$]

رد : طق الجرس وبدأت حصتي والابله متربعه في الصف

و الله قهرتيني مولهدرجه عاد؛؛؛ أنا مدرسه جديدة ولا بدت حصتي لو شنو ماأسمح أي أحد ياخذ من وقتها وشكثر أقابل نفس هالاشكال بس أول مايطق الجرس أكون عند الباب وأدخل وسلم على الطالبات وقول للمدرسات اللي من هالنوع أحتمال يجوني ضيوف عاد اهي تخاف وتنحاش واذا ما نفع فيها أشتكيها للوكيله والوكيله ماراح اتطقها بس تعلمها أنج متضايقه من هالموضوع
ابصراحه المدرسه اللي تتكلمين عنهاا حيييييييييل وقحه
اسفه على الاطاله بس عن جد احتريت
الله يعينج

 

[ام عفاف الكويت]

رد: رد : طق الجرس وبدأت حصتي والابله متربعه في الصف

لااااااااااااااا
امبيه من صجج ؟؟؟؟؟
امبيه هذي شنوو وقاحه
انا مره صادف ابله دشت وانا اشيل قشي واحترام لها امسح اللوحه
لانه اخذت من وقتها دقيقه بسسسسسسسسس
وقالت عادي يابله ابتسمت وطلعت بسرعه مو حلوه بحقي
وقتها بعد
بس 10 دقايق ماتستحي
انزين كلمي المدرسه الاولي ان كانت زينه
قولي لها فلانه اخرتني وووو
لانه هذي جدامج كوووورس ثاني توكم يادوب بادين

 

[عتيبيه رزهـ]

رد: رد : طق الجرس وبدأت حصتي والابله متربعه في الصف

امبيه مو من صجج روحي اشتكي للاداره قولي لهم ان هالآبله خذت من وقتي

 

[قمورهـ]

رد : رد: رد : طق الجرس وبدأت حصتي والابله متربعه في الصف

دام الامور وصلت لجذي

ماكو الا الوكيله

او بين رئيسات الاقسام

ديري بالج تكررين الموقف تشرحين واهيا موجوده راح يطيح هيبتكم بين الطالبات

حليها بهدوء

والله يعينج

 

[N F N F]

حبيبتي نصيحه لاتخلينها تغثج اكثر هذي شكلها اتحداج واتعمد ماترد عليج

نصيحتي من باجر روحي للوكيله واشتكي عليها واطلبي منها تكلمها وقوليلها

تطلب منها لاتعيدها وتطلع اول مايطق الجرس على طول ماتقعد ولا دقيقه

خصوصا انها مو اول مره تسويها .. ودخلتي الصف ووقفتي وهي لاطلعت ولا استأذنتج

 

[أبله^زوزو]

والله بزنطج شالمصخرررره ليش ساكته عنها؟؟؟ :rgewrg:

حبيبتي كلمي رئيسه القسم وعلى طول بلغي الاداره

حلوة هذي الهانم بترد اعتبارها بحصتي وتطلع وتدخل على كيفها

شالمهزللللللللللله

وييع صج اذا اكرمت اللئيم تمردا

 

[توتي فروتـي]

رد : رد: طق الجرس وبدأت حصتي والابله متربعه في الصف

واااي شعور مؤلم ):

شوفي لا تروحين الادارة علطول .,

اول شي كلميها بينج وبينها .,
وشوفي المرة الياية اذا مافي تحسن .. جذي تروحين لرئيسة قسمها ., اكيد اهي بتكلمها .,
واذا هم ماكو فايدة روحي الادارة ., لان من حقج .,


أهنيج أنج مسكتي اعصابج ., الله المستعان ):

 

[عيون سارة]

رد: رد : رد: طق الجرس وبدأت حصتي والابله متربعه في الصف

المشكله بسيطة كلميها اذا ماتسنعت رئيسه قسمها اذا هم بعد الادارة وسلامتج

 

[كلنا نحب الكويت]

كلمي الإدارة واهم يتصرفون

 

[(كويتيه عسل)]

مشكورين ماقصرتو على النصيحه

انا مابي اكبر الموضوع علشان جذي انا ساكته يمكن تحس شويه

بس ماكو فايده معنى انا كلمتها قبل هالمره حقرتني انشالله بكلم

رئيسة قسمي تكلمها واذا شفت ماكو فايده بكلم الوكيله

 

[* أوفى الخلق *]

يمه وااااااااااي شنو هذي حرتني قسم بالله :rgewrg:
شافتج مسيكينه ماتكلمين خذت راحتها ختولي هذي مو كفو حشيمه وبعدين مو حلوه بحقج جدام البنات ما تستأذن منج يعني ما تحترمج ترى البنات مايطوفهم شي
حبيبتي شناطره سيده روحه الوكيله وقوليلها هذي مو مره ولا مرتين تسويها فيج خليها تعرف انج مو طرنطنقي بالصف :flower:
تكفين لا تسكتين:yaaaaaarb: امبيه حريتيني بطلعلج من الشاشه الحين

 

[احلى.قمر]

لا تسكتين عنها هذي حصتج ووقتج وقفيها عند حدها

 

[ماك تشيكين]

رد : رد: طق الجرس وبدأت حصتي والابله متربعه في الصف

انا اقووول لاتروحين تشتكين تكلمي معااهاا واذا عادتهاا روحي اشتكي عليهــــــــــا

 

[English.Teacher]

رد : رد: طق الجرس وبدأت حصتي والابله متربعه في الصف

اول ماتدخلين وتحصلينها قولي ابلة تبينهم؟؟

وانا اخذ حصة من حصصك بعدين لان وقت الحصة رااح

واسمحي لي هذي مو حاسبة لك حساب يعني مامن الكلام معها فااايدة

اذا ماتسنعت مالك الا رئيسة قسمها او الادارة

 

[شكو بإسمي]

صراحه بعضهم مو كفو حشمية خصوصا هالنوعيه

بس انا مت من الضحك يوم تقولين رجعت تزف طالبه عندج:krkrkr::krkrkr::krkrkr::krkrkr::krkrkr::krkrkr::krkrkr:

فوق ماهي مضيعه الوقت تدخل تبرد حرتها :eh_s(9):

لو انا مكانج جان بكل احترام اقلب الزفه لها :eh_s(7):

 

[(كويتيه عسل)]

اليوم كلمت رئيسة القسم راحت كلمت رئيسة قسمها

ويايتلي شايشه وقلبت السالفه علي تقولي انتي تعاندينها

سألتها عاندت شسويت؟ دخلت عليها بحصتها بدون استاذان

ولا قعدت اكلم البنات بصوت عالي ولاخذت من وقت حصتها ؟

طلعت الحين انا الغلطانه!!!

ورئيسة قسم العربي مشيشه الوكيله علي

قلتلهم ابي عرضي موراضين تقولي شسالفة الهوشه اللي صارت جدام الطالبات

قلتلها أي هوشه اثاري رئيسة قسم العربي سوتها فلم

وسوتني متهاوشه مع ابلة العربي وقايله للادارة

<<<<ضربني وبكى وسبقني واشتكى

قلت للوكيله اي هوشه نادولي ابلة العربي الحين اواجها جدامكم اذا انا تهاوشت معاها

اللي قهرني رئيسة قسمها شاطه عمرها وتدافع عنها عشتو

ورئيسة قسمي شايله ايدها

انا ماسكت قلتلها الطالبات شاهدين على ابلة العربي

تقولي احنا ماناخذ شهادة اليهال

قلتلها انتي ماتاخذين انا آخذ واذا ابلتج (ابلة العربي)

ما احترمت نفسها وعرفت حدودها اوريج انتي وابلتج شلون صاير الهواش

اوصل السالفه لي الشؤون القانونيه واحولكم للتحقيق شفتوني ساكته

سويتيلو فلم وسويتينو متهاوشه معاها جدام الطالبات معنى اهيا اللي غلطانه

ورئيسة القسم تقولي لا اهيا ماغلطت

اقولها ماخذه من وقت حصتي اكثر من مره وتقعدلي في الصف بال10 دقايق ماغلطت

وتدخل الصف بدون استاذان ماغلطت وتزف الطالبات ولا تحشمني انا واقفه

عيل انا اذا صادف حصتي قبل حصة اي ابلة عربي باخذ من وقتها وبحط ريل على ريل

وبقعد اصلح الكتب واذا تحجت بقولها رئيسة القسم تقول موغلط وبطلع عقب 10 دقايق

والوكيله تقول ماصار الا الخير وانتو زميلات

<<<شاقوني عصبت ووصل حدي قامو يساحلونلي بيهدون السالفه

بعدين قالتلي ايه يا ابله تبين تاخذين عرضي عادي ماعندي مانع