طقني قبل لا يتزوجني ...بنات حطيت الموضوع كامل

[باتشا لوتشي]

مشكلتج اختي انج ماوضحتي القصه بالتفصيل الممل

هذا اللي خلاهم يتهجمون عليج

نصيحه مني انا شخصيا

طلبي من المشرفه ان تغلق الموضوع


مو علشانج جذابه لاااا

انا شي ماشفته بعيني ما اتكلم فيه

وامور الناس مااحب اتكلم او اعلق فيهااااا

ودامج واثقه من نفسج خلاص سكري الموضوع بكبره نصيحه واظنج منتي ممحتاجه نصايح البنات ومن ضمنهم انا

هذا اللي عندي

 

[Ibtisama]

شوفي اختي

بغض النظر عن طبيعة العلاقة اللي بينهم

الا انه لفتت نظري في القصة شغلات غلط اهي ارتكبتها


شوفي يا حبيبتي في الدنيا عمر اللي المتردد ما يعيش ولا يهنأ له بال .. يعني هي كان المفروض تحسم الموضوع و تقرر هل تستمر معاه أو لأ وما تقعد تنطر لين ينزل وحي و يحل لها مشكلتها واللي هي خايفه منه

حسيت من العلاقه ان الحوار في بعض امورهم معدومه

منها انها خايفه من المستقبل اشلون بيصرف عليها و على بناتها .. كان من المفروض انها تعرف معاشه جم و تقسمه معاه حق خططهم المستقبليه و تشوف شنو اللي لها و شنو اللي عليها علشان ترتاح بدال ما هي عايشه بمحاتاتها

و الشي الثاني اللي حسيت لو انهم متحاورين فيه و متفاهمين عليه جان ما صار اللي صار انها تعبر عن الخوف اللي بداخلها بس بطريقة ذربه و بطريقه ما تنفره و ما تخلي شي يقرقع بقلبها لازم تقول له ولا تخليه وتأجل .. اهي تمت تكتم و تكتم و تكتم لين بالأخير انفجرت فيه و صارت ردت فعله انه مد ايده عليها

و همن في شغله لفتت انتباهي انها عطته فلوس من غير ما يطلب او هي اصرت انها تساعده و هذي اكبر غلطه بعض الحريم يطيحون فيها علبو انها بتساعده لا يا اختي انتي بهالطريقة قاعده تفتحين على نفسج باب يمكن ما يتسكر

بعدين دم ضروس الريال ان المره تتمنن عليه انها ساعدته بفلوسها لأنها فيها جرح لكرامته بس عجبني تصرفه انه بيرجع لها فلوسها وراح ركض و عطاها اول قسط 100 دينار و ما انكر انها عطته غير بعض الرياييل الأنذال اللي لو تمننت المره عليه طقها طق الشره و قال لها ماعندي لج ولا فلس

و بعدين باين على الريال يحبها و شاريها من يوم فتح معاها موضوع الزواج زبعدين باين انه يحاول يرضيها و يسعدها و الدليل انه يسأل اصدقاءه المتزوجين اشلون يتعاملون مع زوجاتهم واشلون يرضونهم

بعدين حلو انه المره تساعد الريال بس ما تاخذ دوره .. يعني حلو لمن ساعدته شنو يقول حق مقابلته الشخصيه لدوامه بس لا تاخذ دوره انها تمشي المركب هذا طبعا بعد الزواج

و صراحه باين ان الريال شاريها خل تتوكل على الله و يتقدم لها و يتزوجون بعد ما يصلون استخاره

بس لازم قبل زواجهم يحطون النقط على الحروف علشان يصيرون على بيينه

و الله يوفقهم جانهم يبون الحلال

 

[gogosh al7elwa]

انا احس انج ماانه عليييه انج معطته وجه ... وجنج تتصيديين عليه الاغلااط ... وتبيين تحرمييينه من طبيعته كرجاااال ... ان غااار لييش يغااار ... وان خذته عزة نفسه لييش يتعزز ؟؟ وان افتقدج لييش تفتقدني ؟؟

كل اللي يسويييه طبيييعي ومااشفت من كلاامج عنه ولا غلطه ... خلاااص دااس على نفسه لييين انفجررررر .... ماينلااام الرجااال ...

انتي تفكييرج شويتييين مااادي ... شنوو المسؤوليه بس بالفلوووس ؟؟

اهو قد المسؤوليه ونص ... والدليييل انه مستعد يتحمل مسؤوليتج انتي وعيااالج ... والا هو ولد شللي يجبره يتحمل مسؤوليه هالكبر غيير محبته لج ؟؟

مااقول الا يضررررب الحب شوو بيذل .... صج انذل الرجاااال ... وبدال ماهو اللي يتركج ويقوولج انتهينا انتي اللي قاعده تقولينها له ؟؟

احسج من البداايه كنتي تبيين تقوولينها ... بس اللي مسكتج معاملته لج وحبه ... يمكن يكوون شفقه ؟؟؟

ماادري ... بس حرااام علييج الرجااال

انا مع البناااات انه علاقتج معاااه غلط ... بس انا وانا اقرى الموضوووع واكتب ردي عليييج عادتج مخطووبه له .. لانه نيته هوو الزواااج مو شي ثااني ... بس انتي اللي نيتج مو صاافيه علييه ...

كلامها صح
الريال مافيه شي
بس رفيجتج شايفه روحها عليه وتنتقد كل شي منه

 

[معلمة روضه]

هذه ردى الى انتى ماقريتى من البدايه .... عموما الموضوع للبنت موموضوعى والحمد لله احنا ناس امسمين مصلين موبس انتى اتعرفين ربج وبعدين اهى سوت الشي وخلصت اى سكوت واى كلام يعنى الحين انتى يوم هديتى عالبنت عبالج خلاص ارتدت عن الغلط اختى الرسول يقول عليه الصلاة والسلام الدين نصيحه مو استهزاء بالناس وطعن فيهم الرسول يتله زانيه كلمها ولاردها يعنى بتصيرين احسن من الرسول بسكم من التطرف

أمممم منو قال ما قريته؟؟

انا رديت على ردج الثاني...واتمني انج تكونين من المتقبلين للراي الثاني

حبيبتي اشجااب الثريا من الثرى!! تقارنيني بالرسوول عليه افضل الصلاة والسلام؟؟

استغفر الله

يا قلبي الموضوووع على قولتها مو لها بس اهيا تتكلم بلسانها والمنتدى اغلبه بنوتات صغار ومراهقات تخيلي يقرووون سواد الوجه من وحده ارمــــــــله يعني انسااانه بالغه ؟؟

ترى حتى لو الســــــــالفه صجيه هالسوالف المفروووض ما تنكتب عالعام وربي موزييييييييين لأنها تصير قدوه لغيرها


عسى الله لا يبلانا وانا اختج في بلواها وعسى ربي يهديها ويهدينا ويستر عليها وعلينا بستره يوم العرض عليه

وحقج عالراس يا قلبي ولا تاخذين بخاطرج مني يا عيش ومرق

 

[+ ملكة عصرها +]

سلام عليكم جميعاً ..

بنات اسمحولي ترا عيب اللقافه و ما يمدحون اللقافه كلش .. اهيا قالت تبي منكم بس نصيحه لا اكثر
ما تبي تعليقاتكم و لقافتكم ..

وانا اقص ايدي اذا وحده من الى تليقفوا ما غلطوا بحياتهم و عندهم سيئات ..
و هذي السالفه مو داشه راسي كل وحده يايه تتهجم و تجرح و تسوي نفسها وين وين .. لو انتوا ملائكة الرحمن و نازلين من السما اصدق انكم ما ارتكبتوا اخطاء بحياتكم ، لكنكم " انسان " نفس (( صاحبة القصة )) ..

و مثل ما تفضلوا خواتي محد محتاج يتعلم الحلال و الحرام .. احنا بدوله اسلاميه و نعرف الحلال من الحرام ..
الانسان بلحظة يسهوا و يصحا مره ثانيه من الغلط ، و اختنا صاحبة القصة صحت من غلطتها و تبي النصيحه ما تبي لقافتكم و كلامكم الى ما يودي و ايب ..

عزيزتي د.سوسه :-
من رايي ترجع له ، و الريال شاريها ، و خير دليل بكل اختبارتها نجح فيهم ..
و اهوا مسكين يبي رضاها الى درجة يسأل ربعه شسون حق حريمهم ..
و اهوا لمن طقها لا اهوا مينون ولا في انفصام بالشخصيه ، بس الريال استخف لمن شاف حبيبته بتتخلي عنه لانه ما قدر يسعدها و يرضيها ، و خير دليل ع حبه لها راح راضها بنفس اللحظة ما قدر ع زعلها و حتي زعلها ما مر عليه ثواني و ما قدر عليه ..

حبيبتي ، خل تتوكل ع الله ، و تستر ع نفسها و بيتها ، و ارد و اقول الريال شاريها و يبيها زوجته ع سنة الله و رسوله

والله يستر ع الجميع ان شاء الله

 

[+ ملكة عصرها +]

سلام عليكم جميعاً ..

بنات اسمحولي ترا عيب اللقافه و ما يمدحون اللقافه كلش .. اهيا قالت تبي منكم بس نصيحه لا اكثر
ما تبي تعليقاتكم و لقافتكم ..

وانا اقص ايدي اذا وحده من الى تليقفوا ما غلطوا بحياتهم و عندهم سيئات ..
و هذي السالفه مو داشه راسي كل وحده يايه تتهجم و تجرح و تسوي نفسها وين وين .. لو انتوا ملائكة الرحمن و نازلين من السما اصدق انكم ما ارتكبتوا اخطاء بحياتكم ، لكنكم " انسان " نفس (( صاحبة القصة )) ..

و مثل ما تفضلوا خواتي محد محتاج يتعلم الحلال و الحرام .. احنا بدوله اسلاميه و نعرف الحلال من الحرام ..
الانسان بلحظة يسهوا و يصحا مره ثانيه من الغلط ، و اختنا صاحبة القصة صحت من غلطتها و تبي النصيحه ما تبي لقافتكم و كلامكم الى ما يودي و ايب ..

عزيزتي د.سوسه :-
من رايي ترجع له ، و الريال شاريها ، و خير دليل بكل اختبارتها نجح فيهم ..
و اهوا مسكين يبي رضاها الى درجة يسأل ربعه شسون حق حريمهم ..
و اهوا لمن طقها لا اهوا مينون ولا في انفصام بالشخصيه ، بس الريال استخف لمن شاف حبيبته بتتخلي عنه لانه ما قدر يسعدها و يرضيها ، و خير دليل ع حبه لها راح راضها بنفس اللحظة ما قدر ع زعلها و حتي زعلها ما مر عليه ثواني و ما قدر عليه ..

حبيبتي ، خل تتوكل ع الله ، و تستر ع نفسها و بيتها ، و ارد و اقول الريال شاريها و يبيها زوجته ع سنة الله و رسوله

والله يستر ع الجميع ان شاء الله

 

[انا والجرح]

اعوذو بالله شسالفه حراااااااام علاقه محرمه ما اقول غير الله يهديييييييييييييييييج الطريج هذا غلط وباجر بتشوفين

 

[whisper]

يبا ترى القصة بطولة اشواريا و شاروخ خااااااااااااااان

 

[}_غلآتي_{]

لو سمحتي انا بفهم شي وااحد انتي ليش زعلانه من ردوود البناات

انا نزلتي نوضووع تبين البنات يقدمون لج نصيحه

يعني المفرووض تقبليــن كل شي

والبناات ما غلطوا ولا شئ بالعكس

البناات كانوا يساالون عشان يفهموون القصة ويردوون عليها

يعني ما يبون ينصحوون واهما مو فاهمين القصة عدل

القصة فيها تنااقض كبيــر يعني في اشيااء وااجد تخلي الوحده تفكر الف مره عشاان تربط القصة

انا مو مشكلتي هي غلطت ولا لا المشكله انج لما تنزلين موضووع وضحي اكثر عشان الناش تفهم

يعني اهما سالوا عن وين تلاقوا بمكان عام او شقة عشاان يعرفوون مدى العلاقة بينهم

واهما اسالواا عشاان يعرفوون شخصية البنت اكثر وبالتاالي يقدروون يقدموون النصيحة

انا عن نفسي الصرااحة ما رااح اقوول الا الله يهدي الجميع

والبناات اللي يردوون بردوود تهاجم البناات ترى البناات ما سووا شي اهما سالوا

وكل انساان له حق انه يساال يعني اذا انتي مو عاجبج الردوود خلاص لا تعلقين على ردوود البناات

اكتبي اللي عندج وبس

وكل بنت تكتب رايها محد له دخل بارااء النااااااااااااااس

 

[باربية الكوووويت]

الله يستر عليها لاحول ولاقوة الا بالله اهي تحسب هذا بيخليها ؟؟ هذا انسان مريض والله لا يحوم حوالينها ويطلع عينها ويفضحها استغفر الله خل تتوب عندها بنات وياريت تتقبلين ردود البنات لانج حاطه الموضوع ولازم تتحملين الكل

 

[-Bello-]

آنا ماني كونان ولاني محقق بس انتي طلبتي حل حق هالمشكلة !!!!!!!!!!!!

وبما إنج ما قلتي عن المكان آنا أقولج !!!!!

إهي قاعدة معاه بشقة ، وعقب ما خربطت لما فيه الكفاية معاه وخلص ورثها يايه الحين تبين لها حل ؟؟؟؟؟

حل حق شنو حق وساختها وخرابيطها وياه ؟؟؟؟؟؟؟؟؟

ولا حل حق ورثها اللي صرفته عليه ؟؟؟؟؟؟

ولا حل حق الطق اللي ياها من وراه ؟؟؟؟؟؟؟؟

ولا حل حق بناتها ، الله يعينهم إذا هذا مستوى أمهم اشلون راح يتربون ؟؟؟؟؟؟؟؟؟

والله يعينهم على ما بلاها ، الناس رمضان المصحف ما يطيح من إيدهم وهذي زعلانة عشان حبيبها طقها ..........

الله المستعان ...........​

حبيبتي ماله داعي كل هالحجي تقولين ماسكه قرانج وهذا كلامج الله يهداج ..

حبيبتي صاحبت الموضوع كل اللي صار خيره من رب العالمين سبحان الله يمكن ربنا بيهديج وبينورلج طريقج سبحان الله .. وهم ماتدرين يمكن من بعد اللي سويتيه اهو هم يصحا ويحس بقيمتج ويصير بينكم شي بالحلال

 

[نوووور الشمس]

استغفري اللة وتزوجي واستتري

 

[عروس الدنيا]

انا موزعلانه من الردود وموخايفه اتحملها بلعكس عادي ماحطيت موضوع الا بتقبل وودي اسمع عده اراء ..بس انا استغرب من العالم الي قاعدين يقولون ان هالسالفه موسالفه رفيجتي او وحده اعرفها لاني اعرف اتفاصيل ..وهم نسو ان اهم تكلمو بتفاصيل اكثر مني وحطو بذمتهم اشياء وايد
والمشكله كلهم نفس الردود كل وحده تقرا رد رفيجتها وتكتب نفسه قلت من البدايه ماراح اذكر التفاصيل ومازلت عند كلامي وانا ادري ان طريقتهم يبون يضايقوني ويبوني اطلع تفاصيل البنت علشان ادافع عنها انا قلت ماني ذاكره الا الشي الي له علاقه بالسالفه وبس غيره مالكم شغل فيه انتو شعليكم البنيه متزوجته ولا ؟؟شلون سافرت معاه وخذته مع اهلها انتو شكو؟؟وادري والله اني لو ارد علي اسالتهم مراح القا منهم حل سنع ماعندهم شي ..في بنات دشو وقالو يمكن عندها توم موعاجبهم وهم يسالون نفس السؤال ..في ناس دشو وقالو البنيه ماتبي تذكر تفاصيل هم ماعجبهم ..غيرهم دشووقالو يمكن زواج سري ولاعبروها وفي وحده قالت الناس مذاهب ولا احد قلد فيها مايبون الامذهبهم مال التعبعب والحجي عن خلق الله ,,
لا والمشكله في بعضهم ببراءه الطفوله حيل بس عندهم افكار وماتبقا كلمه ولا حركه مافهموها وفسروها اشلون عرفوها الله واعلم ..ان قالو سمعنا عنها عيل السالفه مو غريبه وماتحتاج هالتهويل وان قالو نعرفها فالمصيبه اعظم )

اختي لا تزعليين من كلامي ... انتي الحين يايه حاطه قصه الف سطر و ذاكره تفاصيل مالها داعي
و تزعلين لي البنات سألوج شنو نوع العلاقه ؟؟؟
يعني شنو المهم نعرف يوم سافرتوا اخوانج حبوه و لا نعرف الي بننصحها قاعد تسوي حلال و لا حرام ؟؟
عل اقل جان قلتي ان اهي معاه بالحلال .. مسيار متعه اي شي
عشان الواحد يقدر ينصحج كلامج و اسلوبج و مخليه الحلال و الحرام مو مهم
و الحب و الهيام اهو المهم اكبر غلط
و رادين عليج 50 وحده كلهم مستنكرين الشي
و انتي يايه هاده روحج عليهم بتفهمينا عيل انتي الصح و كل هذيل غلط ؟؟؟
قصة رفيجتج كلها غلط و عيوب
مسفره واحد ويه اهلها و ما يدرون شنو اهو و يقولون معجب وين قاعدين
استغفر الله ... دوريلج منتدى ثاني اختي او حطي النقط عل حروف ..

 

[@شمس الضحى@]

الله يستر علينااااا وعليهاا ويهديهاا ويلهمهااااا الصوااااااااااب

 

[المستبــده]

انا ما كنت بعلق عالموضوع لاني متعوده الموضوع اللي ما يعجبي ماعلق عليه
بس يوم قريت رد عرووس قلت بررد
لانه كلامها عدل
المفروض كنتي تحطين هلشي كان بالحلال ولا بالحرام
عشان محد يغلط او يتهم رفيجتج بشي
اوتوقع انها متزوجته متعه لانج علقتي على مذهب السنه بأحد ردودج
ومابي احط بذمتي صايمه وهمن مادري عن باجي التفاصيل
عل عموم الله يستر عليها وتلقى اللي تبيه

 

[اصاله وتفرد]

شتبينا نرد علييييج ..!!

والله ما الووم الردود هذي

قاعده تجاهرين بمعصيتج وتقوولين سوويت وقعد على ويهي وتسحرنا

واكلنا

مااااااااشاء الله مستانسسسسسسسسه حضرتج ..

وسووري الي يقولون يايه تبي ننصحها

ننصحها بشنو؟؟

لان اهيا سوت وقررت وكل شي ..

يعني قاعده تقول لنا اكا سويت هالشي

زين وشل المطلوب ؟؟

ندق صبع لج لو نصفق

مادري ليش الناس فاهمين الحب غلط هالايام

قلنا كلميه بالتلفون قلنا طلعي معاه من حقه يشوفج

مب تقعدين وترقدين وياه

وهاي وانتي مره شكبرج وعندج عيال

جد جد وانه اقرا المشاركه وانتي ملوعه جبدي .!! :eh_s(14):

ماقول الا يادافع البلا والبلواات

الله يستر عليج بس

 

[غروب]

اتوقع ان مسألة نوع العلاقة من الشغلات المهمة في حل المشكلة واستغرب ان انتي مستنكره هالشي عالبنات، متى صار شرع الله شي يستهان فيه أو مو ضروري ذكره؟ انتي طالبه حل، يعني لو بتكتبين ان اللي بينهم علاقة شرعية بتشوفين ردود تناسب المشكلة.. انتي بمجتمع مسلم أكيد هالشي مهم

وصراحة سالفة ان اللي بينهم حلال أهم من سالفة ان سافر معاها ويابت له هدية وقعدت من النوم هايم فيها يطالعها انتي تقولين ماله داعي ادش بتفاصيل عن حياة البنت بس اللي اشوفه انج ذكرتي تفاصيل خربت عليج الحلول.

لو بتسترين عالبنت وكنتي تبين حلول كان ممكن تذكرين القصة بطريقة ماتسوين فيها ضجه، اللي يحط روحه بمواضع التهمه لا يلوم الناس..وماقول الا الله يستر عليها وعلينا وعلى كل البنات ويغفر لها اذا كانت بمعصيه.

 

[XOXO :*]

خييير بنات شفيكم صلوو على النبي

بالنسبه حق الي قالوا ما في انسان ما يغلط احب اقولكم غلط عن غلط يفرق
في صغائر و في كبائر

بالنسبه لصاحبه الموضوع قالت شلون حكمتوا ان بينهم علاقه محرمه
احب اقولها علاقتهم محرمه لأنه ما بينهم زواج
و العلاقه المحرمه مو مقتصره على العلاقه الجسديه فقط
ترى حتى العين تزني
تطلع تسحر معاه حتى لو ما كانوا في خلوه ما يخليه شي عادي

و الي يقولون ليش مكبرين الموضوع هذا شي عادي
اذا انا و غيري و غيري تقبلنا الموضوع
راح يصير شي طبيعي
و الغلط راح ينتشر

من امن العقوبه اساء الادب

و خل تعتبر كلام الناس و انتقاداتهم وحده من العقوبات
و عقاب الله اشد و اكبر

خل تتقرب لربها و تستغفر
و الله الغني عن كل هذا
و انشالله يفرج همها و يأنس وحدتها

 

[black rose BH]

عيب يآبنت النااااس .. الدنيآ رمضان وعبآده .. وانتي طايره لي برجال على اساس انه يحبك
قلنا الدنيا اختربت والناس تغيرت .. بس انتي لوحدك ام الخرآآآآآآآآب ..
خافي الله في نفسك و في بنآتك .. و احمدي ربك انها جآت على كذآ
بس ابي افهم .. راضيه له ينام معك ويبووووسك و يحضنك و صبح صبح
آخرتها يوم ضربك قلتي ويييي امبيه طقني قبل لا يتزوجني

يآختي من جد من جد .. روحي موتي اصرف لك
فشلتي نفسك و فشلتي بنآتك .. عسى الله يستر علينا بس و يبعد عنآ البلاوي

ترآك ملووووعه كبدي .. مع اني صااايمه بس وررربي مآقدرت ..ِ~ قصتك تنرفز و مالها دآعي

 

[~*~الملكة~*~]

الله يستر علييييج او عليها

لاتلوومين البنااات لان الي قلتيه شي خاارج عن نطاق المالوف

شلون راضيه تعيش معاه بالحرام ورافضة الحلال والحلال مافي احلى منه

ومن الكلام مبين اهيا شخصيتها وايد قويه وتبي تفرضها على الريال ومافي ريال يرضى بهالشي

خليها توب وتتزوج بالحلال وتستر على عمرها