طقني سطار..و زعلانة عند اهلي..ساعدوني الله يوفقكم

[عاشقه رويشد]

احس ماكو شي انتي مكبره الموضوع وانتي عاندتي ردي والله يهدي سركم

 

[غلا عيوني]

رد : طقني سطار..و زعلانة عند اهلي..ساعدوني الله يوفقكم

انتي هم غلطاااااااااااااااااااااااااااااااااااااااااانه اسمحيلي <<<<<المراه الذكيه مهما صار ماتروح بيت اهلها لو شنو؟؟اهو صج غلط عليج وانتي تبين تقرصينه بلموضوع بس شكوووووووو ابوج تهددينه فيه <<<<<<<حااولي تقتنعين شووي وبعدين اهو لو مايحبج ماغار عليج وقالج عن حواجبج <<<<<<الله يهديكم يارب

 

[So0oKaRa]

انا اتحمل كل شي
الا الطق
بس مهما يكون هذا ريلج
رديله بس لازم تعاتبينه على اللي صار
الله يهديكم انشالله

 

[*ريما*]

رد : طقني سطار..و زعلانة عند اهلي..ساعدوني الله يوفقكم

مو مستاهلة تروحين بيت اهلك
علشان اسطار
صج تعتبر اهانة بس بالتفاهم كل شي حلو

 

[انتظر حبه]

الشي الزين بسالفه انج ماقلتي حق اهلج عن الموضوع

علشان يتمون يحترمونه ويحرتمهم ....

بس بصراحه زوجج غريب على سالفة الحواجب :s
المهم كل ريال وله طبعه وتفكيره

انتي مو غلطانه بس اختي ليش تعطينه ظهرج وتمشين من الذووق والادب ان ماتمشين لمن اي احد يكلمج فا ما بالج زوجج ...

ماعليه انتي الحين عرفتي غلطج وين بضبط ...

بس هم اهوا غلطان انا ما اوقف معاه بس انا انبهج انتي على غلطج اما عليه ...

دزيله مسج ... انتي كتبيه من اسلووبج ... عاتبيه قوليله عمري ماتوقعت انك ترفع ايدك علي ... الطقه ماعورتني من بره كثر ماعورتني من داخل
انهنت فيها حيل ... ومن منو منك انت ...اقل مافيها انك تعتذر بس غلاتي بقلبك اقل من انك تعتذر لي او تهتم ... كنت متوقعه اعتذارك
ماتوقعت اني رخيصه عندك لي هلدرجه :'( وحطي هلفيس
وبس هلمسج حلوووووو وفيه عتب احس وفيه تحريض للاعتذار وانتي عاد عدلي فيه وزيدي اللي تبينه اختي

وعسالله يوفقج يارب ويردكم حق بعض​

انا مع الاخت الله يخلييكم لبعض

 

[اميرة-الاحجار]

عيب تعطينه ظهرج وتمشين ..!!
لو مسويتها بأبوج جان مد ايده عليج .. وهاذا زوجج له احترامه ..
واهلج لي متى بيسكتون اكيد بيحسون انه فيه شي .. بينكم ..
انا اقول مدام انج طلعتي برضاج مو حلوه تردين جذي نطريه بدق ويراضيج وردي على طول بدون تغلي ..
لان انتي غلطانه ما احترمتي الريال ..
احنا حريم ومانرضى الريال يعطينا ظهره ويمشي فمابالج الرياااال ..
كلش ماحطيتيله اعتبار ولا حشيمه وتقولينله مليت بعد

 

[كبرياء أمراه]

حبيبتي سبحان الله
زوجج مو مقصر معاج باي شي وهذا انتي تقولين
يعني مرتاحه معاه ع الاخر
ومن اول زله عليه فضحتيه مو حرام

اذا انتي تقولين جذي هو بعد اولى يروح لابوج ويقول طولة لسانها ومااحترمتني وانا اكلمها

يعني الحياه اكبر من جذي
اتوقع لو انج ساكته وطلعتي زعلج بس عليه
جان مستحيل ايمد يده مره ثانيه

واتوقع هو مايه لج لانج صج من اول مره غضب عليج رحتي بيت اهلج
يعني شنو يعني فضحتيه وصغرتيه وهو عود بعينهم


الله يهديكم

 

[غير كل الناس]

ماعليه كم يوم وبيدق يعتذر والله يهديكم لبعض

 

[السهم الصويب]

غلطانه

شكو رايحه بيت اهلج

زعلوا بيتكم يابنات

تهاوشوا بيتكم

حتى لو مو قايله حق اهلج

دام الريال زين ومو مقصر معاج ويحبج وشكله يغار عليج حيل

تروحين بيت اهلج ؟!

زعلي بيتج مدي البوز شهرين مو يومين قوليله ( افا حبيبي اطقني انا ؟؟ اول مره تمد ايدك علي

ليش انا استاهل تسوي جذي .. الله يسامحك وروحي لاتكلمينه مدي البوز

وشوفي شلون بيي وبيراضيج

بس اذا بيت اهلج اكيد يفكر انج قايله حق اهلج ...

حتى اهو تلاقينه معصب الحين

الله يهديكم حق بعض

تقووووولج طاقها تقولين شكو رايحه بيت أهلج الله يهداج ؟
الزعل غييييييير والهواش غيييير ومدة الإييييييييييييد غيييييييييييييير

صح الوحده مو على أقل شي تروح بيت أهلها
بس هذا طاقها وتوها عروس صارلها سنه ونص فما بالج بعدين
لازم تعلمه من البداية
ولا بعدين بتصير طقتها ابيزه ....

الله يعينج وصبري لما ايييييج ويتصل فيج
اهوا الغلطان مو انتي

 

[noorq8]

جد جد جد جددددددددددددددددددددددددد طاااارت عيوووني وانا اقرا ردود البناااات !!!
معقوله كرامتكم وتربية اهلكم لكم رخييييصه عندكم !!!
وايد بنات ردوا ,دزيله مسسسسج !!!
تدز له مسسسسج تدز له رصاصه تشق جبده حسوا فيها عيل جان شرتوا عليها عطيه خدج الثاني جذيه أحسن !!
حبيباااتي شوية عقل استغربت لهالدرجه أرواحكم رخيصه عندكم !! الرسول عليه الصلاة والسلام نهى عن ضرب الوجه وانتوا تقولون دزيله مسسسج !!
حبيبتي بغض النظر عن خطئج من عدمه اللي صار صااار لكن خل يعرف ان الحلول ماتجي بالقوه عيل روحي اخذي لج كورس كاراتيه والمره الثانيه كوديه لي مد ايده ,عيل شالفرق بين الانسان والبهيم !!
لاتدزين مسج ولا شي اللي صار صار واذا انتي منقبه التزمي بنقابج الشرعي وكل شيئ بالتفاهم ونطري ببيت ابوج بكرامتج لين يعرف ان خطئج عالجه بخطأ اكبر والمفروض ابوج يعرف عشان تكون هالمره الاولى والأخيره لأن صدقيني لو تعود على هالسالفه راح تكرهين اليوم اللي انولدتي فيه مو اليوم اللي تزوجتي فيه الكرامه لاتجزأ, والله يوفقج.
وما النار الا من مستصغر الشرر.

 

[shai5at al3arab]

هذا الشيطان بينكم

تعوذوا بالله منه ..يايكم رمضان مو زين

 

[غنوة ستايل]

ما ادري ياقلبي انتي غلطانه واهوا غلطان
انتي ما كان له داعي انج تقولين الكلام هذا وتتركين البيت . يعني زعلي عليه وحريه وموتيه قهر بس ببيتج مو عند اهلج .
والحين انتي عند اهلج لج يومين ... الله يستر ويجي يراضيج . بس لاتقولين لاهلج عشان لا تكبر السالفه .
انتي لما يجي يراضيج قولي انا ما حبيت اقول لاهلي عشان لا اطيح من عيونهم . اتم ريلي حبيبي .
وسكري الموضوع ولا تخلينه مره ثانية يمد ايده عليج

 

[غنوة ستايل]

على طاري المسج طبعا لا اطرشين لا مسج ولا خرابيط
نطري اهوا يراضيج لو طرشتي مسج راح يعرف انج طخيتي ومن الكلام هذا . برااايي تحملي زعلج للنهايه

 

[غلاتي ♥ الكويت]

رد : طقني سطار..و زعلانة عند اهلي..ساعدوني الله يوفقكم

مادري شنو الحل ؟
بس اذا انتي ما تبين تسمعين كلام ريلج ولا تبين تغطين حواجبج وانتي عارفة ريلج ان ما يرضا
عيل ليش خذيتيه ؟؟
الحل انج تتطلقين منه وتاخذين واحد فري عشان مو بس تطلعين حواجبج
هالمرة عشان تطلعين حواجبج وشعرج ويمكن تفصخين الحجاب مرة وحدة
شكلج هذا اللي تبينه
والله يهديييكم اثنينكم
و
:nocommint:

 

[om-a7madeno]

شوفي حبيبتي اهوه غلط و انتي غلطتي لاااااااااااااااااااااااااااااااااااا تعودينا تهدين بيتج لو شنو زعلي بالشهور لا تتعودين كل ما صار شي تهدين البيت و تطلعين بعدين انتي عاندتي و مو حلوه لما تعطينا ظهرج و تمشين انتي جذي ما احترمتيه ابد لا تنطرين شي ردي بيتج انتي اللي رحتي مو اهوه طردج

 

[منيرة خالد]

الله يسخره لج ، ويهداكم يا رب العالمين

 

[قطوة@@]

رد : طقني سطار..و زعلانة عند اهلي..ساعدوني الله يوفقكم

الله يهديكم

 

[shrouq]

رد : طقني سطار..و زعلانة عند اهلي..ساعدوني الله يوفقكم

الله يهديكم لبعض ويسخركم لبعض

 

[eman84]

المفروووض تسمعين كلامه وماتعاندين

بس تصرفج صح ولاتطوفين له سالفة الطق ابداااا ,, خليه يتعلم ومرده بيراضيج ها عيل يطقني واقعد عنده والا اقوله افا يافلان ؟؟ ليششششش شهالغباء ؟؟ علشان تاخذ ايده على الطق وباجر يدوس ابطني وهم اقوله افا يافلان ؟؟ لا حبيبتي

بحركتج هذي تخليه يحس ان لج كرامة و احترام وقيمه وان فعلا انتي مو مالت طق وان عادها بتسوين نفس الشي وتطلعين وزوجج ان شاء الله بيرجعج بس يبي يكسر راسج حبتين انتي طنشي لين يراضيج وان شاء الله ماهو مطول عليج تأكدي

 

[داريني]

اثنينكم غلطتو
وابليس دش بينكم
مفروض ما تطلعين على الاقل جان كلمتي احد من اهلج وياه بيتج وكلم زوجج

وانتي جان قلتي له ان شالله وفكيتي عمرج ولا ما تعرفين طبع ريلج؟
كل ريال يحب يفرض هيبته على مرته وهذي غريزه بس سمعي كلمة الي يبيها وترضي غروره
حاضر زوجي او انشالله وخلاص