طقني بقوه ورديت طقيته شرايكم

[ايمان_مشرف]

الصلح خير ..وسامحيه

 

[خالف تعرف]

لا اهو الغلطان ان رديتي تمسخرتي زياده

 

[الكادي 2011]

يستاهل خلي اهلج يتفاهمون معاه

 

[أم وليد الشمري]

لا ول مرة
أشجع امراءة على زوجهااااااا
ما لج شغل خليه يتأدب
وخلج قووووووويه
والله يهدي سركم
ويصلح شأنكم​

 

[صمت المرافئ]

زوجي ظلمني بشكل مو طبيعي عشان عطيت حارس المدرسه ورقه كان يبيها قالي خليها عند الحارس وخلي الفراشه توديها ما لقيت فراشه خليتها علي طاولت الحارس ومشيت ويوم شوي ودق علي ويزفني جني مسويه جريمه بسلوب وصخ قعدت ابجي عند المدرسات فضحني فشلني يقول يحماره ياجلبه ياجحشه والله لحش رجولج قلت شفيها كل يوم يشيل الاغراض من سيارتك شنو هذا الاسلوب ويوم جيت البيت وله حماتي وخالتي قاعدين وحماتي هذي فتينيه وخالتي قالت لي ليش بنتج ام شهرين ماتوقفينها قلت توهاصغيره قالت انتي ما تدرين عنها انتي نومانه قلت حرام عليج أنا ارضعها طبيعي وبعدين كملنا سوالف وعادي أنا وخالتي وحماتي تقوم وهي نظراتها خبيثه وروح فوق وطبخ الغدا ممنوع يعطوني غداً ورحت فوق شوي وله يجي زوجي معصب والخدامه وبنتي عندي ويقوم ياخذ لعبه حديد ويقولي ليش تراددين أمي قلت له حرام عليك ويقوم يكفخني بقوه ماعنده باللعبة علي راسي وبنتي قامت اخترعت والصغيرة تبجي وجا تذقني طراق رحت وطقيته وله يجيب لعقاب ويطقني ودققت علي اخوي وجا خذلني ويوم كلمه أبوي قال بنتك ماتستحي ولو فيها جرعت زايده جان طقتني اكثر شرايكم بالسابقة وهو الحين ماردني
ويقول اللي ودها يجيبها شرايكم*

استغفر الله ...
اللي يمد ايده على مره مو ريال ...
لو فيه خير يطق ريال مثله مو مره مستضعفة
وبعدين الله يهدي البعض يقولون ليش تمدين ايدج عليه @@
شوفوا الريال ماخذ لعبة حديد يطقها براسها
تقولون لها غلطانة تدافع عن نفسها
لا أحسن تحملي لحد ما يصير فيج ارتجاج بالمخ
علشان يمدحونج
المره قاعد تدافع عن نفسها
شوفي ... نصيحة من مرة متزوجة لها أكثر من عشرين سنة
وأعرف حريم مروا بنفس الموقف
لا تردين ... لا تردين ...
إلا اهو يرد يعتذر لج ولأبوج انه ما يمد ايده أبدا عليج
ويحترمج وما يسبج ...
ان رديتي له يسترخصج ... تطيحين من عينه
وتأكدي بتصيرين مطقاقة كل يوم
أما خالتج وحماتج ... ما أدري شقول عنهم
تدري ولدها عصبي ...بدل ما تلطف الجو اهي وبنتها
يسوون جذي ... حسبي الله عليها
ادعي ربج ان الله يهدي زوجج
ويبعد عنج كيد أمه واخته
الله يعينج ودعواتي لج
​

 

[أحبك أمي]

الله يسخره لك

 

[TIC TOK]

الله يهديكم اخذيلج جم يوم عند اهلج تهدين فيها مالت عليها حماتج على خالتج ماحب الفتنه والتفتن

 

[ماركة انثى]

الله يسهل امورج

 

[قاهره عذالي]

هالسالفه انا قريتها من قبل

بس بدون ما تقولين انج طقيتيه ورديتي طقته

ما ادري

في فتوى مصريه تقول

اذا زوجج ضربج اضربيه
دفاع عن النفس

والله اعلم

وكان قبل عطيتج رد

انج تثقلين عليه

ليما يطخ ويجي ياخذج

وابي افهم شنو يعني جملتج الاخيره اللي كاتبتها بالموضوع

شنو يعني ماتستحي ولو عندها جرعت ...الخ

وضحي

؟

 

[؛؛sokrrah؛؛]

مشكورين عالردود حيرتوني

 

[الصعيريه]

أكبر غلط لما الرجال يمد ايده عالمراا
إن ماعطيتيه دررس ورجعتيله بسهووله راح يتعوود على هالشي ( الطق )
وبيقول عاادي تزعل اليوم وبترضى باجر

وإنتي مآسويتي شي غلط هوو الغلطان
طنشيه وهو بيردج

وعسى الله يهديه ويسخره لج
آميين

 

[nwir72]

حبيبتي الله يعينج وادعي حسبي الله ونعم الوكيل على من لحقني شره

 

[غنج إلعذآرى]

لآ حول ولا قوة الا بالله شكلج تكتبين القصه بالايفون كلها بدليآت _
الله يعينج :*​

 

[ام كوشه منكووشه]

الله يصلح الحال ويهدي الامور بينكم

 

[مقمش لولو]

انا ابيج تطقين حماتج هالسوسه حطي حليج فيها وايد ابرك

اخذي لج جم يوم راحه واستجمام فى بيت ابوج ريحي راسج ولاتفكرين تالى لاشبعتى ردى وبرضاج

واذا احد كلمج خاصة حماتج قولى رحت تونست فى بيت اهلى ورديت علشان اغثكم يبيلهم جذي حركات واكشنات

اما ريلج ترى ايي منه بس مشكلته التسرع وايده الطويله طولي بالج عليه

 

[Diva-Q8]

لاتردين لا تردين لا تردين من كيفج وترخصين نفسج

لين ايي بيت اهلج ويراظيج انتي مو ماخذج من الشارع عشان يملطشك وتردين
وانتي انشالله منتي بعازته وظيفتج وبنتج عندج ومستوره ابيت اهلج

احنا ما نعصيج على زوجج وطبعا بالنهايه انتي مالج الا بيتج هذا شي ما عليه خلاف ولكن لا تقلبين تعيشين بذل واهانه

واذا راظاج لا طولينها وردي بيتج وتجنبي النقاش مع امه وحماتج خليج سطحيه ولاتسولفين واي شي يقولونه سكتي


ولازم اطلعين تقرير وتخلينه حق اليوم الاسود هذا ماله امان ولسانه طويل حتى على ابوج يقوله بنتك مو متربيه هذا كلام يقوله؟؟

وثاني شي انتي ماغلطتي لمن دافعتي عن نفسج

وطول ما انتي قاعده بيت اهلج ادعي بصلاتج الله يهديه ويسخره لج

والله قلبي يعورني لمن اشوف زوجه وام عيال تنطق

اللي ترظه وتتنازل اول مره وترد من كيفها خلاص خل تعمل حسابها على هل عيشه لانه ماراح يبطل

وانتي حره يا تقبلين بهل عيشه واتردين من نفسج يا تنطرين الله يهدي وايي يراظيج وان الله ماهداه الله لا يقوله مايشوف شر

قولي حسبي الله ونعم الوكيل الله ياخذ حقج منهم انشالله

 

[كليـ دلعـ]

طقيه يأمي طقيه

ودوسي علا ويهه

يخسي

يخسي

يمد ايده

الا مدي ايدج وصكيه بذاك الراشدي اللي يصحيه

حيلج فيه زين تسوين

عندج ايااه

طالت وشمخت

انتي صح

ولاتسكتين له

واحقريه ليين يخيس

لين يكتبون عنه بالجرايد زوجه حقرت زوجها فخااااااااااااااساا

ومااااااااااااااااااااااااااااااااات :eh_s(16)::eh_s(16)::eh_s(16):

 

[Habibat Abooha]

متزوجه وعندج بنت وبتوقعيج باقي على زواجج 17 يوووم

تنااااقض

 

[دغبووجه]

شتسوين بعد اقعدي عند اهلج وخلي ابوج واخوانج يكلموونه وان اللي سواه غلط

مهما كان حجم الجريمه اللي سويتيها مايطقج بهالشكل وقدام بنتج بعد

شكله متعود يمد ايده عليج من قبل

الله يعينج ويهديه لج

 

[دغبووجه]

طقيه يأمي طقيه

ودوسي علا ويهه

يخسي

يخسي

يمد ايده

الا مدي ايدج وصكيه بذاك الراشدي اللي يصحيه

حيلج فيه زين تسوين

عندج ايااه

طالت وشمخت

انتي صح

ولاتسكتين له

واحقريه ليين يخيس

لين يكتبون عنه بالجرايد زوجه حقرت زوجها فخااااااااااااااساا

ومااااااااااااااااااااااااااااااااات :eh_s(16)::eh_s(16)::eh_s(16):

ههههههههههههههههههههههههههههههه عجيبه