طقت جبدي من نفسي .. ابي الحل ..؟

[ابيه .. بس ؟؟]

السلام عليكم ورحمة الله وبركاته ..

مساء الخير بنات ..

شلونكم وشخباركم .. ان شاااء الله يارب يكون حالكم احسن من حالي يارب .. :eh_s(2):

بنات بقولكم مشكلتي .. واعتبروها مجرد فضفضه ..

انا عمري 28 مو متزوجه .. موظفه .. عندي خوات بس علاقتي سطحيه معاهم وكل وحده لاهيه بحياتها ..

انا نوعي شوي انطوائي .. بس هالفتره لاني توظفت قعدت اختلط بالناس ..

ماعندي اي علاقة حب او مكالمات هاتفيه مع شباب ولاااا احب هالسوالف اعتبرها مسخره ..

ماعندي الا صديقه وحده وياليت ما كان عندي صديقه لو ماعندي ابرك .. :eh_s(2):

حاليا مشكلتي اعاني من الفراااااغ .. ابي احد يونسني اسولف له يسولف لي ..

سبحان الله للحين الله ما كتب لي نصيب واتزوج " الحمدلله على كل حال " .. من صج احس بفراغ عاطفي ..

ابي اكلم احد ابي افضفض .. طقت جبدي .. وصلت لدرجة اني ابي اكلم شباب اقضي وقت فراغي ..

العب .. استانس .. بس ووووووووووووالله تربيتي ما تسمح لي .. ماعرف والله ماعرف ادق على واحد واسولف ..

بس ابي حل .. مابي اطلع بروحي جني خبله :eh_s(2): .. وي اتمشى اعيش حياتي .. ودي احب وانحب ..

استغفر الله .. والله مرات اقوله ليش ربي ماكتب لي نصيب حالي حال هالبنات ..

الحمدلله مو ناقصني شي .. شهاده وعلى قدرَ من الجمال .. وظيفتي عندي معاشي عندي سيارتي تحتي ..

بس الحلو ما يكمل .. <<< رايقه الاخت ..

والله يا بنات زهقت من الفراغ .. ابي اكلم احد ودي اخلي الطوفه اتكلم عشان اسولف معاها ..

..

مادري احس الكلام مخربط شوووي بس اهم شي ان شاء الله تكون المعلومه وصلت ..


ابي حل ..

ابي حل ..

ابي حل ..




لكم :eh_s(17):

 

[BaiTotia]

ليش ماتتقربين من خواتج؟؟؟؟؟؟؟

أمج؟؟؟؟؟

صديقتج هذي وينها؟؟؟؟

روحي نادي ونسي عمرج هناك

ولا تخلين الشيطان يوسوس لج

والله يرزقج إن شاالله على قد نيتج حبيبتي

 

[روقآآن الريآآَض]

لاتفكررين بهالشي ابد >> اصلن العيال مايونسون وععع خليك منهم ^-^

تعرفي على بنات من العمل

اطلعي اماكن نسائيه تعرفي على بنات قريباتك

واحنا هنا صديقاتك

حبيبتي اتشرف بصداقتك ومعرفتك ممكن ؟؟


والله يوفقك ويشرح صدرك وينير دربك

 

[أميرة-]

لا حبيبتي لا تفكرين جذي .. لا تخلين للشيطان مدخل عليج

يعني انتي ماكلمتي شباب وانتي مراهقه الحين بتكلمينهم وانتي مره كبيرة عاقلة

اشغلي نفسج تدرين وقت الفراغ نعمة والله .. انا نفسج مو متزوجه مو مخليه لي وقت فراغ وانا ماعندي خوات كلش وامي متوفيه الله يرحمها بس الحمد لله أنا عايشه حياتي اطلع مع بنات عمي ورفيجاتي او حريم خواني .. وداخله نوادي ومعاهد متعرفه على بنات غير الدوام يشغل ويضيع الوقت .. واقرا كتب بوقت فراغي او اشبك

وترا الزواج مو كل شي .. مو كل وحده متزوجه مرتاحه وبعدين هذا نصيب ماكو شي بيدج لا تربطين حياتج بالزواج اللي كاتبه الله بيصير انتي لا تفكرين بالزواج ولا تعتقدين اللي تزوجوا احسن منج .. الله كاتب لج انج ماتتزوجين الحين

وان شالله الله يرزقج بالزوج الصالح وأنا معاج

 

[جوري 2007]

قيام اللليل

استمري عليه وبتشوفين العجب العجاب

علاج مضمون 100%

 

[malte]

دشي دورة لغة فرنسيه:ggdw:
دشي نادي روحي زوارات لاتقعدين بروحج ابداً لاتخلين عندج وقت فراغ وانشاءالله ماتدرين الا ولد الحلال طاق بابكم:eh_s(22):
الله يوفقج حبيبتي بس لاتشغلين نفسج بالتفكير السلبي ومتى انا اتزوج وشحقه نصيبي تاخر
النصيب اهو بيي بروحه فديتج:eh_s(8):

 

[ام المسك]

الله يفرج همك

 

[قوقوش89]

عادي حبيبتي كلنا نحس بهالشعور مرات تحسين ان ماكو احد يمج ودج تسولفين وتفضفضين دشي منتدى شبكي طلعي مع رفيجاتج

وايد شغلات تقدرين تلهين نفسج فيها

 

[زهراء الركابي]

الله يرزقج ابن الحلال ويرزقنا اميييييييييييييييييييييييييين

 

[كشخه اكيد]

روحي نادي ونسي عمرج هناك

ولا تخلين الشيطان يوسوس لج

 

[أحبك أمي]

قولي امييييييييييييييييييييين
الله يرزقك الزوج الصالح عاجلا غير اجل
اللي يملى فراغك العاطفي
ونشوفك بقسم العرايس ثم الحوامل ههههههههههههه

 

[FeShinGoOo]

حسبالج ابن الحلال بيشغلج ..؟؟

تعالي شوفي البنات :/

وحده من ارفيجاتي بالايام ماتشوف ريلهااا تقول جني مو متزوجه ..!!

لا يسولف معاي لا ياكل معاي لا يطلع معاي لا يتمشي معاي .. كله بروحها وفبيت امهاااا ..!!

الزواج مو كلشي حبيبتي والريال مو الشي الوحيد الي يقدر يشغل وقت فراغج ..

عندج دوامج الحمدلله احتكي فبنات الدوام الي تحسينهم خوش بنات .. كوني علاقات اجتماعيه .. ظحكي سولفي معاهم ..
اذا رديتي البيت قعدي ويا اهلج اخذي امج روحو اتمشو ولا روحو كوفي شووب واذا امج ماتحب هالسوالف
دشي نادي .. دشي دوره .. دشي معرض .. اشتري كتب .. عندج عبادات صلاة الليل ادعيه نوافل اقضي وقتج بهالسوالف ..
دشي المطبخ اتعلمي جم طبخه المنتدى في قسم الطبخ دشي واتعلمي وطبقي وصيري من هالحريم الي يطبخون ويبيعون بالبيت لا اتغشمر لوول ..
عندج منتديات حلوه .. دشي منتديات دينيه مثلا .. اقري قصص الانبياء عليهم السلام.. اقري احاديث وتفاسيرهااا .. اقري الاحكام الشرعيه والفتاوي والفقه .. ختصير عندج معلومات حلوه ..
اقري حكم .. اقري اشعار .. اقري تفسير الاحلام .. ختصير عندج ثقافه
في قسم القصص نزليلج كل يوم روايه وقعدي اقريهااا ..
ماتحبين الاسوقه زوري اهلج وصليهم قوي علاقتج فبنات خالتج بنات عماتج طلعي معاهم ليش تحكرين روحج حبيبتي ..
الدنيا حلوه عيشي حياتج استغلي كل لحظه بشي يونسج ويفيدج ..
والحمدالله الله هاديج ومحصنج من الحرام ومن سوالف الشباب لاتفكرين بهالسوالف عشان الله يوفقج اكثر واكثر ..

 

[شطانه طفله]

افا عليج دشي منتدى قطي سوالفج عندنا واحنا نكمل عنج

 

[♥ SWeeRa ♥]

اقول عمرج 28 مو 48

شوفي ياقلبي على بالج خلاص وقف القطار ........!!
لا ياحبيبتي اذا لج نصيب بالدنيا بتخاذينه
بس انتي عيشي حياتج ودخلي مع الناس وسولفي وضحكي وروحي عروووس واستااااااااااااااااااااانسي


ابقولج عن 3 بنات اعرفهم بعايلتنا
ثنتين خوات ووحده لااا



الخوات اعمارهم فووووق 35 سنه
وماتزوجووو والحمدلله عايشين حياتهم
اكبيره تزوجت ولد عمها وعمرها تقريبا 39
والحمدلله لها الحين سنتين او 3 سنين
عسى ربي يرزقها الذريه الصالحه
تزوجت ولد عمها "شوفي ولد عمها خليصها"
وولد عمها ولد مو متزوج واكبر منها بسنه
شوفي النصيب


واختها اللي يمكن 35 سنه
تزوجت ولد عمها اخو زوج اختها
ونفس الشي ولد

شوفي النصيب






والثالثه
بعد عمرها فوووق 35 سنه
تزوجت واحد مركز وله مكانه
وبعد مو متزوج واكبر منها
والحين ربي رزقها بالبنوته



الهدف من السالفه الزواج مو كل شي
اذا لج نصيب بتاخذينه وشكلج
كانج يأستي انه ماجاج نصيبج
وانتي ماتدرين شنو الخيره

 

[صآعده تحت}..]

مرحبا

حياتي الله يفرج همج


ومو شرط اي متزوجه سعيده .. اقصد مو هو الحل الونيس

حلوه هذى ونيس >>

يعني العلاقات الاجتماعيه اهم شي لو الوحده عندها زوجها

وماعندها صديقات ولا قريبات من اهلها

اكيد بتحس بالوحده والانطوائيه والضيق

انتي حاولي تقربين من خواتج اولا وبعدها بنات الدوام

انتي من متى متوظفه شهر شهرين ولا منذو مبطي؟

اذا جديده فانتي تحسين انج ضايعه وموعارفه احد فيهم وشي طبيعي

دشي المنتدى سولفي وشاركي استفيدي وفيدي

ووالله لو فكرتي بطريق الشباب والحرام بيخلي همج همين وربي

قال الله تعالى : (ومن يتق الله يجعل له مخرجا ويرزقه من حيث لا يحتسب)

 

[wujud]

الله يوفقج ويرزقج لولد الحلال يااااااارب
كثري استغفار وقري سوره البقره
وانا رفيجتج وكلنا رفيجاااتج

 

[إم بــــرٍآك]

بالعكس عيشي حيآتج ووقت ماالله كتب لج النصيب بيجيج تطمني
ومثل ماقالو البنات تقربي من اخوآتج وحاولي تشتركي في نادي وعندج منتدآنا فددددددددديته يونس الي مايتونس ادمان ماشاء الله ههه
وطبعا قيام الليل لاتنسين تقومين الليل حتى لو انج تشتغلين واشتريي لج بي بي ترى يمشي الوقت ويونس ولا تنجرفين للمكالمات ترى مكالمه تجر مكالمه والله يوفقج

 

[امل وكلي آمآل]

كلام البنات صح الزواج مهب كل شئ ولا تتعلقين بالناس الا اذا كنتي منتب حساسه لان ماوراهم خير الا ماندر انا اذا طقت تسبدي افتح لها خخخخخ امزح بالنسبه لي انا ادمنت المنتزهات والحدايق العامه انادي الي يعز علي بس واحيانا انا عيالي وبس-

 

[حجيه هيونه]

ادعي ربج يرزقج ولد الناس المحترم الى يصونج ويسعدج

وليش بالوقت هذا ماتحاولين تشوفين بنات معاج بالدوام تتعرفين عليهم وتطلعين معاهم

 

[ابيه .. بس ؟؟]

مشكووورين بنات .. وجزاكم الله كل خير ..

بالنسبه حق خواتي الحمدلله .. علاقتي معاهم تمام التمام .. يعني نقعد الصبح نتريق نسولف .. نقعد

مع بعض .. بعدها خلاص كل وحده تروح بحال سبيلها .. خخخخخخ ..

وصديقتي محد تزوج وحمل الا هيييييي .. لمن اكلمها ماعندهااا وقت .. يعني ماتعطي مجال اقولها امشي نتمشى نسولف

اي شي المهم نقعد مع بعض .. خلااااص زهقت منها حسيت اني قاطه نفسي عليها .. :eh_s(2):

وبنات الدوام .. انا ماحب احتك فيهم لاني مابي مشاااكل واول ماتوظفت كان بينهم مشاكل .. انا على طول حطيت عليهم دليت

كله والا يطيحوني بمشاكلهم انا يالله نفســـي .. ..

و مو بالي الزواج ولا كل همي .. بس مرات الشخص يدور اي باب مفتوح جدامه عشان يلجأ له ..

والشباب .. اكره هالســـوالف والشغله الاكثر اكرها بعد ماحب احد يقولي وينج .. .. عقدتي هالكلمه ..

وبالنسبه حق النادي .. ماعرف اطلع مكان بروحي .. يعني والله لو بروح الجمعيه امر بيت اخوي

اخذ واحد من اليهال اخلص شغلي وارده بيته .. والله العظيم هذي حالتي ..

ترى من صج حالتي صعبه .. :eh_s(2): ..

شسوي .. ؟؟

ما العمل .. ؟؟




:eh_s(22):