طفل مصري سـأل معلمته عن «الثورة في الكويت» فكانت الإجابة... فصله من كل المدارس

[ساندى]

اخت وصال سامحيني
انت انسانة محترمة
وانا انفعلت شوية وفعلا طلعنا عن الموضوع
الله يهدي النفوس

 

[لورا آشلي]

الحمدلله والشكر في احد صاحي ياخذ بكلام طفل ؟؟

وابلته التافهه المفروض تسجد سجدة شكر لانه ردوه للمدرسه والا جان ذنب ضياع مستقبله برقبتها

 

[الرشوف]

ياعمري


امي ما تقدرش. الا على ابوياااا ياااوللللللد


يعنك الله

 

[بنت.المطيري]

يعني الابله مستذكيه عبالها متعلم الكلمة من امه وابوه مثلا

اصلا الياهل يمكن اهو حللها براسه يحسب ان موضه كل الدول فيها

مايدري يعني شنو وشنو اثر كلامه ولا شنو معناه

.......تخلف ،،،!

 

[وصال 86]

اخت وصال سامحيني
انت انسانة محترمة
وانا انفعلت شوية وفعلا طلعنا عن الموضوع
الله يهدي النفوس

لا حبيبتي والله مافي شئ ابدا
حتى لو كان في شوية زعل صغيرييييييييييين خالص
بس اقسم بربي ردك ده نزل على قلبي ثلججججججج
وانا اللي بقولك سامحيني لأني بصراحه اسأت الظن فيكِ وقلت اكيد هتدخلي تردي عليا رد يحرق دمي بس اخجلتيني وطلعتي اخلاق
وانتِ فعلا انسانه محترمه جديرة بالإهتمام
هم دول الكويتيات ولا بلاش
احبك في الله ساندي​

 

[ساندى]

شكرا اخت وصال
عساالله يبارك لك بصحتك يارب
اهم شي ان قلبك ابيض سامحتيني
وسبحان الله ممكن نختلف لكن متفقين علي مبدا الاحترام والمحبة
وانا كمان حبيتك ياوصال
والله يهدي النفوس

 

[دلوعة حسّون]

واو ساندي
والله انا كنت داشه ارد على "اللعبة" بس لما شقت ردج
قلت لا خلنا من الهواش الي بكل موضوع عشان نصير حلوات مثل ساندي
شفتي بكلمات قليلات فرضتي احترامج

اخت وصال والله حبيبتي
الكويت بلد الكرم ونعيش مع الوفدين يوم بطلنا عيونا على الدنيا
نهاوشكم وتهاوشونا ونقول عيوبكم وتقولوا عيوبنا والي اخطأ يعاقب بس في الاخر كلنا مسلمين وكلنا خوات
لا تحطين بالج بشي والله نحبكم​

 

[ساندى]

بعد قلبي دلوعة حسون

الله يخليج لحسون ويخلي حسون لج ههههههه

وتحيا الامة العربية

 

[كتكوته غنوجه]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[اللعبه]

واو ساندي

والله انا كنت داشه ارد على "اللعبة" بس لما شقت ردج
قلت لا خلنا من الهواش الي بكل موضوع عشان نصير حلوات مثل ساندي
شفتي بكلمات قليلات فرضتي احترامج​

اخت وصال والله حبيبتي
الكويت بلد الكرم ونعيش مع الوفدين يوم بطلنا عيونا على الدنيا
نهاوشكم وتهاوشونا ونقول عيوبكم وتقولوا عيوبنا والي اخطأ يعاقب بس في الاخر كلنا مسلمين وكلنا خوات

لا تحطين بالج بشي والله نحبكم​

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[حكستار]

الحمدلله والشكر
لا تعليق على هالعقلية!!

 

[Eva-SS]

حسبي الله على الجرايد اللي تقلب الاخبار على كيفها وتدور الفتن


اي طالب يغلط يتحاسب سواء كان كويتي ولا وافد .. وهالطالب له مشاكل كثيرة بمدرسته ويسب الكويت وطق طلبه معاه يعني بالعربي مو متربي ويوم انفصل ابوه كبر السالفة وحط انه وزارة التربية متحامله عليه

 

[اللعبه]

اقول على الله السلام اذا في كويتي حقيقي يوقف مع هالولد

واللي مهون على اني حاطه في بالي المنتدى فيه من كل جنسيه وفيه ينفسون عن حقدهم وحسدهم



تدرون شنو سالفة سوريه ان طفل قال ثوره ثوره وصار اللي صار هذي اللغه اللي يفهمها الشعوب في دولة مثل مصر وللاسف هنيه يتجرؤون

 

[c00L G!RL]

وعلياااا عليه يا حرااام ..~
ضيعوا مستقبله ... تلاقين الحين متنح مايدري شسالفه

 

[حظى واعرفه زين]

هذا جاهل يابشر ليش سموه جاهل!!
يعنى مو فاهم ولا واعى بتصرفاته الله يهدى هالعقليات اللى تحط راسها براس جاهل.

 

[كويتية صغيرة]

السلام عليكم

فقط للتوضيح:


1. الطالب قال كلام اكبر ولم يذكر ...... لمح له وزير التربية ان الطالب قال اكثر من مرة (مصر عالي عالي ..... والكويت تحت نعالي ) و غيره سب الكويت بكلمات لاتذكر وسبب مشاكل اكثر من مرة .... وبالتالي لابد ان يتعاقب و يكون عبره لغيره ..... وهو ليس بطفل عمره سنتين لايعرف معنى ما يقول .... الطلبة الكويتيين قاعد ينفصلون او ينقلون من مدارسهم اذا سبب مشاكل او غلط على المعلم او ضربه .....فمابالك الوافد ..... القانون يطبق على الكل ...وعلى الوافد قبل الكويتي

2. الطالب يدرس في مدرسة حكومية بالمجان ....لان ابوه استاذ ..... والعقاب فقط كان فصله من المدارس الحكومية ..... والولد انتقل للمدارس الخاصة ويستطيع يدرس في اي مدرسة خاصة .....خصوصا ابوه استاذ ومقتدر ..... وما ادراك كيف المبالغ اللي يقبضونها الاساتذة الوافدين من الدروس الخصصوصية في كل بيت من بعد الظهر

3. من يسب الدولة ...... له عقاب صارم ....والا صارت الامور فالته ..... وهو لم يحرم من الدراسة .....فقط فصل من المدارس الحكومية ...... واكو مدارس خاصة وايد بالكويت على 200 دينار بالسنة ...... وكلهم من الوافدين يعنى الموضوع عادي بالنسبة لهم .... اقول الكلام عن قرب ولاياخذكم الظاهر.....لاياخذكم تعاطف وايد يمكن وضعهم احسن حتى من وضعنا ....... طلعو الاف الدنانير من الدروس الخصوصية من كل بيت كويتي ..... واحنا اللي اقساط وديون فوق ظهرنا و اغلبنا ساكنين بشقق اجارات من غلاء المعيشة ولا كأنا كويتيين .....الله المستعان

 

[بو حمد]

السلام عليكم
والله اول شئ بعتذر لاني داش منتدى نسائي ممكن تحذفون وممكن ماتردون
بس انا ابي اشارك واعتذر
اول شئ اعلق على الموضوع كرجل قانون
ماكو اي قانون يعاقب الطفل على افكارة واقواله ولا افعاله إلا في سوالف معينه تأخذ شكل معين
وهذا الطفل سأل عن الثورة اوغيرها بالأخير اهو طفل واصلا القضيه مو واضحه كلش للرأي العام شنو يعني قال كلام اكثر من هذاشنو هو الكلام وين الدليل.....ماكو
ثاني شي انا شفت ردودكم اخواتي اشوف ناس موافقه على الفصل والأكثر لا
وكل وجهات نظركم على العين والراس لكن اكو ردود الصراحه اي شي
ياليت لو يكون كلامنا واجهه لديرتنا احنا مانعرف بعض ولا نشوف بعض كلامنا اهو الي يعرف الناس علينا
ثالث شي حاب اشارك خواتي ساندي ودلوعة حسون مثل ما قالت الأخت وصال "هم دول الكويتيات ولا بلاش" عجبني الشعار هههههه
واعتذر لأختنا وصال
اختي وصال لاتحاتين ادري الكلام الي قالتلج اياه لعبه مايعجبج ويجرحج لكن اهو بالأخير كلام
وبس منو يقدر يقول ماكو ديرة دخلتوها إلا وخربتوها ولا ينقال عليكم اكسل شعب
والله اختي انا ما استحي واكابر اقول والله ماتعلمت القانون إلا من المصريين انا درست عندكم
وهذا شئ اعتز فيه والله صج فيكم ناس اي شي بس هذا الطبيعي بأي مكان لكن ابدا ما تنعرفون بالكسل اذكر والد رفيقي بمصر عنده 63 سنه يوم تقاعد عن العمل تعب نفسيا وكان يقول ما اقدر اقعد بالبيت اتعب عايز انزل شغل ثاني ويقول انه اشتغل واهو عنده 12 سنه
اكيد انتي بتعرفين بدون شهاهده احد لكن يعنى اتمنى انج ما تزعلين وترا الكويتيين يحبونكم بالعام
​

 

[بو حمد]

خواتي هذي مو اول مشاركة وين باقي المشاركاتي؟؟؟؟؟
ممكن تكون انحذفت؟؟؟؟؟
ليش والله انا مشاركاتي مافيها شي
الله يسامح المشرفات
يعني عشان ريال

 

[دلوعة حسّون]

حياك اخوي
بس هذا منتدى نسائي واكيد انحذفت المشاركات
كلامك صج
واكيد وصال مو زعلانه
صح وصول!!!
وينج؟​

 

[دلوعة حسّون]

بعد قلبي دلوعة حسون

الله يخليج لحسون ويخلي حسون لج ههههههه

وتحيا الامة العربية

هههههههههه
حبيبتي الله يعطيج كل ماتتمنين ويخلي لج كل الي تحبينهم
وتحيا الأمة العربية​