طـاف مـوعـد ولادتـي وأحـاتـي .. سـاعدونـي بـجـريـة

[ملاك ^ الحب]

لازم تروحين لاسمح الله يقل الماي او البيبي يخرج في بطنج يصير تسمم

لازم تجيكين

وانشاء الله تولدين بالسلامه

 

[قَلبڪْ صًخرْ]

الله يهون عليج
انا بجر بعد

 

[مسك اسود]

الله يهون عليج ويسهل عليج الطلق ويرزقج ساعه مباركه
لا تحاتين ياقلبي ولا شي دام نبض البيبي اوكي والماي بعد اوكي ابدا لا تحاتين شي
مو شرط تولدين على موعد الدكتور عادي تطوفين
انا عيالي بسم الله عليهم ثلاث ولدتهم بعد موعدي بايام
استعيني بالله واكثري من الاستغفار والاذكار والدعاء يقولون دعاء الحامل مستجاب عاد هالله هالله فينا لاتنسينا من دعائج
وبشرينا لي ولدتي حبيبتي

 

[اسبــانيــة]

املي روحي جيكي وحتى لو طلق صناعي عادي اخذي

بس لا يخوضر ماي البيبي موزين

ولا تخافين السهالات من ربج سواء طلق صناعي او طبيعي

اهم شي. صحة البيبي وسلامتج

 

[اسبــانيــة]

وسالتلج امي

تقول مو طلق صناعي

يحطونلج تحاميل تلين الرحم وهني يبدا طلوقج

واذا مانفعت معاج يحطونلج طلق صناعي

وتحاميل اللي تلين الرحم تكون تحميله كل ٦ ساعات

يحطونلج ٣

حطوها لي وبس وصلت ٥سم حطولي طلق صناعي

وطبعا توني ادري من امي

لاني كنت اشم الكمام ف مادري عن شي حواليني

والله يفتحلج رحمج ويكتبلج الطلق الطبيعي يارب ويحفظلج بيبيتج يارب

 

[Vip qatar]

حبيبتي املي الله يقومج بالسلامة يارب انتي والكتكوتة

بس روحي المستشفى احسن وجيكي ولاتلعبين بنفسج خروع وهاي السوالف لانه ممكن تجيبلج الطلق والرحم مايفتح عندج وان شاء الله نسمع خبر ولادتج قريبا يارب

 

[مرجانة الزمان]

الله يهونها عليكي حبيبتي ، بس ما يصير لازم تروحي للمستشفى تراجعي اكيد معطينك موعد اذا طاف موعدك وما رحتي لازم تروحي مو زين عشان البيبي واذا حركة البيبي عندك أقل من 10 حركات لازم تروحي لان بيكون نبض البيبي خف ، انا صار جي معاي الحركة أقل من 10 حركات وكنت مخلصة شهري 4 ايام ورحت للموعد ما فيني طلق ولا نزل ماي ولا شي بس قلت للدكتورة عن حركة البيبي قالت نسوي تخطيط واذا النبض نازل على طول ولادة وفعلا دخلوني على طول نبض البيبي خف لانه واكيد انتي بكريةوما تعرفي انا كنت مثلك بس لازم تروحي لا تعاندي ، اذا لزم الامر تاخذي صناعي اهون من البيبي يصير في شي انا خذت صناعي علشان البيبي وولدت ولله الحمد ، طمنينا عليكي.

 

[You FOR Me Only]

املييي

حياااتي طلع فيج بنوته ماكان ولد سبحان الله

اتوقع هم حسبو لج غلط وصار التبويض باخره عشان جي تاخرتي

ربي ييسر لج وتولدين وتبشرينا يارب

 

[أملي بعد الله]

حبايبي الله يعطيكم العافية وحدة وحدة ويجزاك خير على كل حرف واكثر يارببببي
أبشركم عقب ماكتبت الموضوع يوم ٧ اكتوبر نزل علي الماي ههههه استعيلت على روحي
والحمدلله ولدت بالسلامة تاريخ ٩ اكتوبر وهذاهي عروستي بين ايديني اللهم لك الحممممد
عسى ربي يبلغكم بعيالكم ويرزق كل محرومة ويسهل على كل حامل ياحي ياقيوم

 

[عروس فبراير]

عادي انا طفت اسبوع من موعد ولادتي

 

[Meeesh]

حبيبتي الف مبروك والحمدالله على سلامتكم

 

[Bloom]

روحي
وكثري من المشي هاليومين

 

[أنفاسي دخون]

الحمد لله على السلامة ومبروك ما جبتي تتربى بعزكم ان شاء الله

 

[ورده]

حبيبتي (أملي بعد الله ) ألف الحمدلله على سلامتج و مبروك ما ياج :eh_s(17):,,,

قولي لنا قصة ولادتج ...

 

[نور دنياه]

مبرووووك املي وان شالله تزفينها عروس، ماقلتي شنو سميتيها ؟!؟!

وناطرين قصة ولادتج لاتنسينا

 

[شوارفسكيه حمره]

امشي عالتراب وأخري خروع والله يسهل عليج