طـاف مـوعـد ولادتـي وأحـاتـي .. سـاعدونـي بـجـريـة

[أملي بعد الله]

بسم الله الرحمن الرحيم

السلام عليـكم ورحمة الله وبركـاته

بنات الله يسلمـكم أنا حامل بالتاسـع وطاف موعـد ولادتي

المقرر والله أعلم 3 أكتوبر

واليوم التاريخ 7 اكتوبر:bbbiu: معناتها دخلت العاشر مو ؟

سؤاااااااالي .. هل لاززززم أروح المستشفى الحين وله عادي أنطر ؟

الناس مخرعيني أمشي وشربي وسوي وفعلي وأنا خايفة أسبب على بنيتي وأنزل مايها ومايكون عندي طلق ولا ينفتح الرحم

:eh_s(16)::eh_s(11): بجرية يا بنات مااااااااادري شسوي

أنا أقول بنيتي بتطلع باليوم اللي ربي كاتبه لها

بس هم خايفة أكون قاعدة أسبب عليها وأضرها لأني مارحت المستشفى بالموعد المحدد


فهموني وساعدوني يزاكم الله خير:eh_s(17):

 

[(TigerWoman)]

لازم تروحين تراجعين دكتورتج حوووبي لا تسكتين يمكن لا سمح الله تحتاجين طلق صناعي ولا فتح بطن الله لا يقوله لازم تراجعين لا تسكتين على عمرج ما ابي اخرعج بس لازم تروحين اليوم شوفي دكتورتج شنو تقرر وتشوف البيبي

الله يسهل عليج يااااااااارب ويقومج بالسلامة وتشوفين البيبي بصحة وعافية يااااارب ​

 

[بيبي غيرل]

حبيبتي حماتي خلصت شهرها ومايها طلق وكان عندها موعد باخر يوم بالتاسع راحت وجيكو عالبيبي لقو الماي عنده قل وايد ومونظيف لان قعد وايد فرحمها ودخلوها المستشفى عطوها طلق صناعي لمن ولدت بسلامه

توكلي على الله اليوم امشي 3 ساعات ادري بتقولين وااايد بس بقولج مو مشكله لو ترتاحين بينهم خمس دقايق وردي كملي واكلي تمر وايد وروحي لدكتورتج وخل تجيك منتي خسررانه شي

 

[أملي بعد الله]

يوه يعني أروح طوارئ

أنا رحت موعدي قبل أسبوع وكلشي كان الحمدلله أوكي وماقررت لي شي الدكتورة

بس هم محتارة ...
ماقصرتي يزاج الله خير

رايكم بنات أبي أكبر عدد من الردود

 

[أملي بعد الله]

بيبي غيرل

أممممم أنا بروح أسوي سونار بالطوارئ إن شا الله وبتطمن

والله يستر

ان شا الله بمشي وبمشي ليييييما ينهد حيلي والله يسهل

 

[عنووووفه]

شوفي يالغلا انا في بجري نفس حالتج طاف موعدي صار لي 40 اسبوع بيعطونج اسبوعيم اضافي فيه يسوون لج كل يومين تخطيط للاطمشنان على البي بي
بس لازم عليج تمشين وتكثرين جماع وتشربين اذا قدرتي خروع انا شربته يوم خرعتني خالتي قالت لي طلق ربج احسن من الطلق الصناعي اللي يذبح
شربت غرشه ونص بالليل والفجر جااني طلق
بس روحي للاطمئنان على البيبي
الله يسهل عليج يارب ويقومكم بالسلامه انتي والبي بي

 

[مناوووي]

الله يسهل عليج
بجريه ماقدر افيدج

 

[أملي بعد الله]

مااااااااااقصرتي عنوووفة فدتيني واااااايد

مناوووي الله يتمم عليج ويسهل لج يارب

 

[ام الحلوااات]

عـــااادي حـــبـيـتـــي لا تــخــافـــيــن وتــحــااتـــيــــن
انـــا ولادااتـــي كــلــهــا اطـوووف مـوعــد ولادتــي اســبــوع
وكــلــه يــقــررون لــي طــلـق صــنــاعــي
لاتــاخــرت 10 ايــااام عــن مــوعـــدي بــــس رحــمـــة ربـــج اســـرع مــنــهـــم
انــتــي مـــاراااح تــولـــديـــن قــبــل مــوعـــدج
تــطــمــنـــي مــاجــت حــزتـــج للــحــيــن

بـــس انــتــي عــلــيــج شــيــكــي عــلــى نــفــســج بــاالــمــسـتــشـفــى
كــل يــومــيــن
وامــشــي وااايـــــد ونـــااامـــي مــع ريــلــج
ولاتــشــربــيــن شـــي والــرحــم مــو فــاااتــح
عــســى اللـــه يــســهــل ولادتـــج ويـقــومــج بــاالــســلامــه انـتــي والــبـيـبــي​

 

[*ضيفة*]

اهم شي تروحي للطبيب حتى لو كل يومين هو ادرى بحالتك واسمعي كلامه عدل
الله يقومك بالسلامة يارب انت والبيبي وتذكري كل شئ بأجله

 

[unique-lady]

حبيبتي الله يهون عليج بس دكتورتج لازم تروحين لها

 

[@ الجوري @]

املي ،،، الله يسهل عليج وتولدين بسلامه
انا من تجمع اكتوبر معاج يعني
اذا طاف على مراجعتج اسبوع لااااازم اتروحين حق دكتورتج اتشوفين شتقولج
لانه بتاسع المراجعه كل اسبوع وذا طولتي بالكثير يعطونج فرصه اسبوع او اسبوعين

لانه انا في بچري عديت شهري وعطوني بسس اسبوع والبيبي كان ابحاله زينه
بسس قالولي كل ماطولتي موزين على البيبي يقل نبضه

ولاتحاتين سهالات ان شاء الله وكلها جم يوم او جم ساعه ويكون البيبي ابحضنج حبيبتي

 

[نور دنياه]

اااااااب لعيونج

 

[~Rou7~]

روحي للطبيب دام طوفتي وشوفي وضع الطفل اذا يسمح اولا
وحطي فبالج سالفة الطلق الصناعي ،،،،،،،
الله يهون ع الجميع يارب

 

[المكسيكيه]

الله يهون عليج

 

[ABEER FLOWER]

أنا بجرية بعددد

ربي يرزقج الولادة السهله

: )​

 

[أخاف اجرح]

الله يسهل عليج لاتستعجلين ولاتحاتين خلاص ماباقيلج شي ماشاء الله ويكون بحضنج
ادعي ربج والله يسهلها عليج

 

[أخاف اجرح]

وتكفين ادعيلي مع ولادتج ان ربي يسهل حملي ولادتي ويكون ولدي بصحه وعافيه

 

[موكا لاتيه]

الله يهون عليج وتولدين بالسلامة

 

[مشتطـه]

مابي اخرعج بس اعرف وحده رفضت الطلق الصناعي وقالت بنطر الطبيعي لين مات البيبي ببطنها

انتي اللي عليج ان كل يوم تراجعين

وعادة الدكاترة يعطونج 10 ايام بعد ماتطوفين الموعد

نطريهم وشربي خروووووووووووع

اهم شي الخروع تزهبي وشربييييه