طريقه حشوه الورق عنب

[جوزائيه مغروره]

السلااام عليكم


بنات بليز موبي اطول عليكم بس قولوا لي شلون اسوي حشوه للورق عنب

عيش + ماجي بس جم وحده؟ + لحم مفروم بعد ما احمسه شوي + شويه بصل + شويه طماط + شنو البهارات اللي احطها؟

لا تقولون كل شي من البهارات

بليز قولوا اساميهم بالضبط

 

[جارة القمر]

رد : طريقه حشوه الورق عنب

تفضلي طلبج

http://q8yat.net/showthread.php?t=642738

 

[dnyay_mll]

رد : طريقه حشوه الورق عنب

طريقتي

رز مصري

2 مكعب ماجي فتتيه وضيفيه للرز

ربع كوب عصير ليمون

ربع كوب زيت زيتون

لحم مفروم خشن

شوية فلفل اسود

شوية كمون

شوية بهارات لحم

وتقدرين تضيفين ملعقة دبس رمان

 

[dnyay_mll]

رد : طريقه حشوه الورق عنب

وانا عن نفسي مااطبخ العيش

احشي الورق عنب على طول

 

[زمردة الكويت]

راج خلي الحشوه تبرد بعدين احشيها

بالنسة حق طريقتي

طبعا نكون مطلعين كوبين عيش و منقعينهم

و كوب لحم مفروم

و طمااطه و بصله مقصصه قطع صغيره جدا
و شوية كزبر هم مقصص
و فص ثوم مهروس

طبعا نخلط العيش مع اللحم مع الطماط و الكزبر و البصل في الجدر

و نضيف عليه معجون طماط و ملح و فلفل اسود و شوية بهارات مخلوطه و شوية ليمون و دبس الرمان و زيت الزيتون


الطريقه بالتفصيل بتلقينها بموضوعي

http://q8yat.net/showthread.php?t=452537&highlight=%C7%E1%E6%D1%DE

وان شاء الله اكون افدتج

 

[جوزائيه مغروره]

يعطيكم الف الف عافيه

 

[قمر الكويتية]

رد : طريقه حشوه الورق عنب

إن شاء الله الأخوات يفيدونك

و الله يوفقك

************************************************** ***

سبحان الله وبحمده ،،، سبحان الله العظيم

 

[خضيرة]

ا لحشوة عيش مصرى منقوع ولحم مفروم وكزبرة ونعناع طرى وبصل وثوم وبهار الكارى الاخضر وطماط مقطع وملح وتخلطينهم مع بعض بدون حمس