ريمه الكويت
New member
- إنضم
- 30 سبتمبر 2005
- المشاركات
- 36,095
- مستوى التفاعل
- 13
- النقاط
- 0
راح اعلمكم طريقتي بعمل اللزانيا والبشمل بطريقه سهله وغير تقليديه
انا اللزانيا مااسلقها والااتعب عمري
السر بطريقتي بعمل حمسه اللحم لازم تسوينه خفيف وفيه مروق وايد وتكثرين البشمل
++++++++++++++++++++++++++++++++++++++++++++++++
البشمل ببساطه
تحطين 3 كوب حليب + 2 قفشه متروسه طحين + ملح وفلفل اسود واوريجانو+ نص قالب زبده كلهم بخلطينهم بقفشه عشان يذوب الطحين
عقبها طبخيه بالنار عشان تثقل البشمل سكري النار وحطي معاهم علبه قيمر
+++++++++++++++++++++++++++++++++++++++++++++++
اللحين سوي حمستج باللحم المفروم// انا احمس بصل مع طماط طري وخضار واللحم المفروم واحط معاهم ملح وبهار و3 طماط طري مقصص+ 2 قفشه كبيره طماط معجون واحمسهم زين واخر شي احط فوقهم مابين كوبين الى 3 كوب ماي مغلي واخليهم يطبخون 5 دقايق لاتكثرين لاني مابي الصلصه الي تنشف ابي صلصته عشان تستوي فيه اللزانيا
اللحين طلعي صينيه بايركس وحطي فيها شويه من البشامل
بعدها صفي طبقه من اللزانيا ( مو مطبوخه)
بعد حمسه اللحم المفروم مع الصللصه
وكرري نفس العمليه وانهيها بالبشامل
عاد اللحين اهم شي تغطينها زين بالقصدير عشان اللزانيا راح تستوي من بخار اللحم والبشمل
وبالفرن خليها مده ساعه تقريبا
