طريقة فحص الحيوان المنوي

[miss_lymoona]

قوه ياحلوين

انا زوجي اخيرا وافق يفحص :ggdw:

بس لما قلت له الطريقه حده استغرب وقال لا مستحيل شلون جذي

لان مو فاهمه الطريقه عدل شلون يعني يفحصون الحيوان المنوي مو فاهمه :0bee2e8d89:

ولا زم جم يوم ماانام معاه قبل الفحص

 

[أغصان]

حبيبتي يمتنع زوجج عن الجماع مدة 3 ايام
ولما يروح المختبر علشان يفحص يعطونه علبه ويدش الحمام الله يكرم القاريء وينزل المني في العلبه
وان شاءالله اكون افدتج

 

[miss_lymoona]

مشكوره اغصان بس زوجي مو مقنع بفكرة انه يروح الحمام ويسوي جذي يقول صعب يقول لو يسوي جذي بالبيت احسن انزين يصير يسوي جذي بالبيت ويودي القلاص حق العياده؟؟

 

[أغصان]

اي عادي حبيبتي اتوقع يقدر يسويها بالبيت ويوديها بسرعه
خليه يسأل المختبر او الدكتور وان شاءالله يفيدونه اكثر

 

[مهندسة_87]

حبيبتي ماينفع يسوي التحليل بالبيت ... لان فيه عوامل بتخرب العينة ... مثل الحراره
واهم اذا خذو العينة سيده يحفظونها بمكان عشان يقدرون يطلعون النتايج.. فأضمن شي ان يسويها بالمختبر

 

[مهرا احلى مهرا]

لا عادي توكلو وسوها بالبيت انا زوجي سواها بالبيت بس مايضل عنده اكثر من نص ساعه ولازم يوديه المختبر بسرعه يعني مو بليل بوكت متاخر والدكتور قال حق زوجي لاتجامع يومين عرفتي والحمدالله زوجي سليم

 

[برميت]

انا قالت لي الدكتورة عادي بالبيت
بس اذا خلص انتي وديه بسرعه علشان يمديه ..لازم اقل من نص ساعه العيينه عندهم

 

[كويتيه مذهله 87]

ما يصير جماع من 3 تيام حبيبتي
واذا مو مقتنع يسويه بالعياده
يروح البيت بس تكون ايده نظيفه واكثر من نص ساعه تخترب العينه

 

[كيكه^_^]

لا يروح عياده اللي يعطونه يطلع العينه بالحمام! آنا مستغربه من هالعيادات اللي يقولون حق الشخص عطنا العينه بالحمام ( تكرمون ) فيه مستشفيات و عيادات يعطونه غرفه وياخذ راحته فيها مووووووو الحمام اكيد بالحمام النفسيه راح اتكون غير وماراح يقدر يعطيهم العينه.

مستشفى المواساة عند دكتور ناهض يعطونه غرفه و بعد مستشفى لندن نفس الشي.

وان شاء الله يطلع التحليل سليم مافيه شي والله يرزقكم بالذرية الصالحه.

 

[miss_lymoona]

مشكورين بنات مادري انا بقول انشالله يقنع

 

[bint_al8omar]

لا انصحج خل يسويها بعياده لان اذكر الدكتور قال لزوجي لازم علطول تعطينا العينه بعد مايخلص عشان تكون النتيجه صحيحه وقبل لايموتون
الله يهديلج زوجج ويسخره لج ويرزقكم يارب

 

[قهوووه]

يصير بالبيت بس بشرط ما يزيد على نص ساعه
بس هو الافضل يسويه ابالعياده احسن لان العينه على طول تفحص ما يأثر عليها شي

 

[miss_lymoona]

لا انصحج خل يسويها بعياده لان اذكر الدكتور قال لزوجي لازم علطول تعطينا العينه بعد مايخلص عشان تكون النتيجه صحيحه وقبل لايموتون
الله يهديلج زوجج ويسخره لج ويرزقكم يارب

مشكوره حبيبتي على الدعوه ويرزقج كل خير يارب