طريقة عمل الستيك

[قمر ضاوي33]

نات عفيك شلون تسون الستيك وصلصة المشروم الي فوقه
انا بقول لكم طريقتي وال يعندها طريقة ثانية يا ريت تقول لي

اتبل الستيك بالملح والفلفل واحط شوية زيت في المقلة شي بسيط جداً واشوي الستيك ولمن يستوي احطه في الصحن وباقي الزيت الي في المقلة احط فيه شوية زبدة و3 ملاعق طحين واقلب شوية بعدين اضيف بصل مفروم + ثوم مهروس + مشروم مقطع وشوية ملح وفلفل اسود واصبه فوق الستيك

اقدم الستيك مع الماش بوتايتوس ( البطاط المهروس وفوقه جبن ) وخضار مسلوق ( جزر + كوسا + بروكلي ) وانتة اشلون تسون الستيك ؟؟

 

[brettey]

واو طريقه وحلوه وسهله شكلي بجربها بس من وين تشترين الستيك ؟ ومافيه يكون جاهز ومتبل؟

 

[جورية كويتية]

انا اشوي الستيك بنفس طريقتج
بس الصوص عندي طريقه ثانيه
اذوب مكعب ماجي بنص كوب ماي
واحمس بجدر ثاني بصل ومشروم فلفل اسود
او البهار اللي تستخدمينه
بعدين احط قفشتين طحين واحمسه عدل
بعدين اصب الماي اللي مذوبه فيه الماجي
واخليه لما يثقل
ساعات يصير خفيف شويه
اذا صار خفيف
ذوبي نشا بشوة ماي وحطي عليه يثقل


بس هم طريقتج حلوه ترى
​

 

[virgo_kw]

لا انا احب انقع الستيك بشويه مايونيز و صلصة الصويا و بصل مفروح واخليهم على الاقل نص ساعه وعقب اشويه و بالنسبه للماش بوتايتوس افوح البطاط و عقب اهرسه مه شويه ملح و قفشتين جبن كرافت قلاص و نص كريمة كي دي دي اللي كانت حمره قبل والحين سووها زرقه وارش فوقهم قفشه صغيره من اجينا موتو اتلاقيينه بالجمعيات ويعطي طعم حلو المهم اخلطهم كلهم على نار هاديه واذا حبيتي ذوبي مكعب ماجي واحد بس بشويه ماي وصبيه فوقهم وخليه على النار لما يثخن البطاط

 

[جارة القمر]

قمر ضاوي

تسلم ايدج

وتم نقل الموضوع بواسطتي

وشوفي هالروابط

http://q8yat.net/showthread.php?t=27895&highlight=%C7%E1%D3%CA%ED%DF


http://q8yat.net/showthread.php?t=50475&highlight=%C7%E1%D3%CA%ED%DF


http://q8yat.net/showthread.php?t=20362&highlight=%C7%E1%D3%CA%ED%DF

http://q8yat.net/showthread.php?t=35975&highlight=%C7%E1%D3%CA%ED%DF

http://q8yat.net/showthread.php?t=32376&highlight=%C7%E1%D3%CA%ED%DF

 

[قمر ضاوي33]

breety

انا آخذ الستيك عادة من مركز سلطان وساعات من المواشي الي بالجمعية ...
في ستيك جاهز بس انتي جربي انتي تبلينه وتسوينه واي وااايد انطع جربيه وبالعافيه عليك ...

جورية كويتية

واي همن طريقتك حلوة ... بجربها ان شاء الله بس انا الله يسلمك لزوم الريجيم ما احط لا طحين ولا زبدة احط ماي وملعقة زيت وحدة اولايت او البخاخ الزيت ...

مشكورة يا عمري


virgo-kw واي حرام عليك ساحت سعابيلي ... طريقتك بالماش بوتايتوس روعة ... بجربها ان شاء الله يوم الخميس اليوم الوجبة الفري ( :


جارة القمرة

الله يسلمك

مشكورة يا عمري على الروابط ... انا من عشاق الستيك


شاكرة مروركم يا الغاليات

 

[nafnofa]

يسلمووو

 

[ضحكة الدنيا]

ماشاء الله جارونه ماقصرت

 

[ضحـاوي]

قمر ضاوي

طريقتج حلوه وسهله ,,,,,,,,,

والبنات ما قصروا

 

[C.A.N.D.Y]

تسلم الأيادى

 

[شمعة أمل]

يسلمووووووووووووو

 

[قمر ضاوي33]

بنات شاكرة للجميع المرور

والي كلوا الستيك مثلي امس هههههههه عليهم بالعافية

 

[atooma]

تسلم ايدج