طريقة تسوينها لزوجك بس تغيبين عنه يفقدك

[توكلت على الله 22]

اب

اب

 

[sverige]

كلششش حلو الموضوغ وحلوين سوالفكم
بعدني مو عايشه وياه لهذا مااعرف شنو الشي الي يشتاقلي بيه وميستغني عنه
بي راي لا يزيد الدلع عن حده لانو لا سامح الله ممكن ينقلب ضده والله الحافظ

 

[صمتها ونه]

لاتزووووجت بقوولس. ادعولي اتزووج ولقوولكم اشيااء خياليه >تشووقهم ماعندي ماعند جدتي صيته ����������

 

[dubai girl]

قبل يوم كنت اشتغل صيفي اخوي كان يوديني
لاحظت ان كل يوم الصبح بعد مانركب السياره بشوي
مرته اتطرش له مسج اعتقد دعاء ..

 

[Pinky -cat]

حلوة سوالفكم وحلو نتشارك ويا بعض الاشياء الحلوة وكل وحدة تاخذ من هالسوالف اللى يناسب حياتها واللى تحس

بيسوي نتيجة حلوة ويا ابو الشباب .


الله يوفقكم يار ب

 

[Ms Zara]

اهم شي انتي الللللللللللللللللي تنومينه وبحضنك
واذا مافيك نوم نوميه واطلعي
وسلامتك

 

[غـــــلاM]

حلوووووو الموضوع
مستحيل اعوده اني اقوم قبله واضبط لبسه ومادري شنو
انا وحده وراي دوام استغل كل دقيقه عشان انام
اهو تعود مني شغله انه اذا خلص من الحمام يلقى ملابسه جاهزه جدامه ع السرير
يوووووه اذا كنت قاعده ع التلفزيون ونسيت احطهم له يزعل

 

[! يكفيني انت !]

عجبني الموووضووع

انا لي فتره لي طلع من السبوح تكون ملابسه مزهبه ومعطره هاشي صرت اسويه حسيت شي حلووو اول ماسويتها عجبته

ومنكم نستفيد :/


اب

 

[سارة ة]

ااااب

 

[**ميووووش**]

اااااااااااااااااب ومنكم نستفيد

 

[بنوته ستايل]

الموضوووع قممممه بس في ردود مثاليه زياده عن اللزوم ..

انا ضد الدلع الزاييييد ادلعه بحدود ..
يعني كبته كل يوم ابخره واعطره باي حزه موو شرط الصبح قبل لايقوم..
واذا قعد اسأله تبي ريوق ولالا<<لان رجلي مودايم يتريق مرات يقوم ماله نفس ..
اذا قال اي سويت ريوق واحطه له واروح انام..
يعني سالفه اقعد قبله واعطر ملابسه وابخرهم واضبط الحمام وغصصب اريقه لااااااا
وكل بصوووب وسالفه كل ساعتين مسج بصوووب..

بنات فاهمين الاهتمام غلطط هذا ازعاج مو اهتمام ترا كل شي يزيد عن حده يصير ماصخخخخ..
مسج باليوم كافي ..

والثقل زييين خلوهم هم يهتمون فيكم بعد موووو اخليه السي سيد وانا جني نحله افتر بالبيت ادور رضاه..

انا موضد ان الوحده تهتم بزوجها بس لاتزودها عشان مايمل وينحاش منها ..

انا حتئ لما يتأخر بليل ما ادق واقول وينك ولا ادز مسج متئ تجي كلشششششش..اذا جااا يلقاني قاعده يقول ليش مانمتي اقول ما اعرف انام وانت برا بنفسيه حلوه وبابتسامه <<هووو يفهمها وماقام يطول بالسهر برا..

لاتصيرون حننننه ونشششبه ترا الرجال ماتزوج عشان تقعدون ع قلبهم كثره الاهتمام تغث الرجال..


وسلامتكم ..

 

[نبض آلخفوق]

اهلييييييين بنووووته ياهلا ياهلا اهليييين بالعروس ها شلون السچين معاچ لووووووول ههههه والله صايره مرا وتقطين درر هههه فديتچ لچ وحشه.....



انا مع بنووته بگل گلمه ترى گثرة الدلال موشي حلو الشي لازاد عن حده ينقلب ضده وماينعطون فيس ترى

 

[لمى الهاجري]

اهى اهى انا مو متزوجة هو خل يجي ويبشر خير

 

[pusy cat]

حكي ظهره تلقينه كل يوم يتسدح عندج ههههه

والمساج بعد عوديه عليه وحاولي تتعلمينه صح

 

[مس ورديه]

انا يفقدني من اطلع من الباب مع اني ما اسويله كل الامور اللي ذكرتوها
يعني ما اقومله الصبح لان دوامه لازم 5ونص الفجر يطلع من البيت وانا وراي جامعه فأكون راقده
بس يعني مب مهمله في نفسي الحمدلله
واكثر شي يحبه اني أكون موجوده قبل لا ينام عشان احك ظهره واذا انشغلت أو تعيزت يسوي منااااحه
عنده حكة الظهر أهم من اي شي

شسالفه حكه الظهر هههههههه انا مثلج لااااااااازم حكه ظهر والا يمد البوز ويطنقر وااااي انزين لي متي احيانا اكون تعبانه ومالي خلق


انا بعد متعود بيلي ع البوسه قبل لايطلع حتي لوزعلانين

 

[نآعمہ]

في أفكآر حلوة و في أفكآر مُبآلغ فيھآ

ووو عن نفسي مآ أحس في شي معين والله :£

يعطيكم العآفية

 

[كويتيه شماليه]

ما انام برة بيتي وحتى لو انا زعلانه ازعل في بيتي من تزوجت الا بفترة اكون تعبانه او نفاس
يفقدني اذا نمت عند اهلي

 

[ٱستۆطنت خٱفقهْ]

^^


الحمدلله زوجي يفقدني مع اني وحده طلعاتي واجد زوارات وجمعات

لان ماحب 24 ساعه نتجابل جذي نتهاوش

مممم طريقة النومه صح انا مطبقتها ههههههههه

واذا تهاوشنا بالليل يقعد يحوس ويتحقرص والف صوبه عشان يقدر ينام

=)


الله لايفرق كل قلبين اجتمعوا بالحلال~
وعسا الله يرزق كل بنت بزوج يحبها ويقدرها ياااا رب


​

 

[أم حورية]

انا ماانام برا بيتي الا اذا كنت حيييل تعبانة وماصارت الا مرتين او ثلاث من تزوجت

فيفقدني بالسفر او وقت النفاس مع اني ما اسويله شي ولا احك ظهره ولا راسه ولا شي بس تعود ع وجودي يمه

حتى مرة كنت حيل متضايقة فنمت عند اليهال الصبح زفني وقال لا تعيدين سوالف اليهال وتنامين برا الدار

مع ان كان متضايق مني حزتها

ويفقد حنتي بعد ?

 

[طموحه بزياده]

للزوج حق عليج بس شدعوه هالمبالغات وانتي شبقى لج ..؟


اليل يطلبه مني حاضر بس سالفه تثعد قبله بساعتين عشان تزهبله الحمام وملابسه تعطرهم وريوق مبالغ فيه

الا في حاله كانت مو موظفه