طريقةعملأفخاذ الدجاج الكاذبه الوهميه اللي يبيعونها الحريم

[نورالدنيا]

السلام عليكم حبيباتي بما أن رمضان قرب كل عام وإنتم بخيير أنا عندي طريقة عمل أفخاذ الدجاج الوهيميه اللي يبيعونها الحريم وطريقتي ألذ منهم بس حبيت أعرف قبل لا أنزلها أشوف طلبكم عليها ورغبتكم فيها قبل لا أكتبها وأتعب فيها لأني بطييييه بالكتابه :0bee2e8d89:وسلامتكم:eh_s(8):

 

[عيمية^والقلب^كندري]

قولي حبيبتي بالعكس راح تفيدينا والكل اكله لذيذ وحلو واحنا دايما في انتظار الألذ

 

[*دنــيـQ8 ــا الوله*]

اي والله ياريت تقولين الطريقه ... وبالصور بعد

 

[شباصه ريش]

هلا حبيبتي
طبعا اكتبيها احنا في الانتظار

 

[القرآن ربيع قلبي]

ادولر الطريقة من زمان الله يجزاج خير لان ناس قالو انتي شكليها عادي وناس قالو فوق حطي معكرونة اعواد فمادري ياليت تفيدينا الله يوفقج

 

[نورالدنيا]

المقادير : 1كيس عجينة البف باستري السنبله- 1طبق صدور ساديا بدون عظم مسلوق ومقطع - 3حبات بصل مقطع مكعبات صغيره -جزره مبشوره-ربع حبة فلفل بارد مقطعه مكعبات صغيره-شدة صغيره شبنت مفرومه- ملح- فلفل -مكعب ماجي- ملعقة حلو بهارات الكاري ماركة غزاله-بطاط أعواد شبس مثلج-4بيضات مضاف لهم قليل من الملح والفلفل الأسود والكركم -بقسماط أمريكانا.
الطريقه: 1-يحمر البصل نص تحميره حتي يشقريضاف له الدجاج والجزر والفلفل والشبنت ومكعب ماجي والفلفل الأسودوالبهارات ويترك علي النار دقيقتين ثم يرفع من علي النار.
2- تأخذ كل حبه بف باستري وتقطع 4 أجزاء مربعه وتفرد قليلا ولكن لا ترق أوتفرد كثيرا وتوضع حمسة الدجاج بداخلها ثم توضع حبة بطاط واحده نصها بداخل الحشوه علي البف باستري ونصها خارج العجينه وتغلق العجينه علي النص اللي داخل كأنها صره صغيره ويصير نص حبة البطاط خارجها .
3-تغمس الأفخاذ بالبيض ثم تغطي بالبقسماط جيدا.
4- تثلج الأفخاذ مالا يقل عن ساعه ثم تقلي في زيت غزير حار حتي تشقر قليلا.
ملحوظه : لاتحطين بطاط مقطع أصابع إلا مثلج لأن البطاط الفرش بيصير لونه أسود مع التثليج وعند القلي ماراح يسوي الجزء اللي داخل ولاتخلينها تقلي لمده طويله لأنها مستويه من الداخل و عشان لاتحترق وإذا ثلجتيها طلعيها قبل القلي بساعه عشان تصير حاره من الداخل لما تقلينها وعليكم بألف عافيه.

 

[نورالدنيا]

كل اللي ردوا مشكورين واللي مروا وخذوا الطريقه عليهم بالعافيه وبالنسبه للصور ما أعرف أنزلها

 

[عالي مستواها]

مشكورة نور الدنيا

مسويتها من قبل بس الحمسة اللي حشيت فيها البف باستري شوي غير

 

[نورالدنيا]

جربوا هالطريق و بنفس الحمسه وبتشوفون ماراح يقعد أحد ما يسألك عنها ومن كثر شكلها المرتب وطعمها اللذيذ وماراح يصدقون إنك مسويتها بالبيت بيحسبونهاجاهزه

 

[نورالدنيا]

وعندي لكم طرق كبب لذيذه وبسيطه وسهله بس الوقت بس مثل ماقلتلكم قبل أبي أعرف إذا تبونها ولا لأ لأني جدا بطيئه بالكتابه وأخاف أتغب عالفاضي

 

[عالي مستواها]

ايه نور واللي يعافيج أبي طرق للكبب

تاخذين فينا أجر

 

[حرم الحوت]

ممممممممممممممممممممممممممممممممممممممممممم
تسلم ايدج

 

[ريماا]

يعطيج العافية

 

[جارة القمر]

مشكوووووووووووووووره

 

[حصوص الكويتية]

يسلموووووووووووووووووووووووووووو

 

[مرق تفاح]

جزاج الله خيير على الطريقه الحلوه
اختي بس في شغله ما فهمتها عدل يا ريت ما عليج امر تشرحينها لي عدل

- تأخذ كل حبه بف باستري وتقطع 4 أجزاء مربعه وتفرد قليلا ولكن لا ترق أوتفرد كثيرا وتوضع حمسة الدجاج بداخلها ثم توضع حبة بطاط واحده نصها بداخل الحشوه علي البف باستري ونصها خارج العجينه وتغلق العجينه علي النص اللي داخل كأنها صره صغيره ويصير نص حبة البطاط خارجها .

بالنسبه للباف باستري تقصدين اللي تجي مربعات صغيره والا كبيره ؟؟؟

واذا قصدج الصغيره ليش عيل اقطعها 4 مربعات صغاار بعد ؟؟؟؟؟؟ راح يصيير المربع حيييييييييييييل صغييير

ويعطيج الف عااافيه
بانتظار ردج عزيزتي
:tek:

 

[سكوتي اذلك فيه]

يعطيج العافيه حبيبتي انا اموت فيها بس ماعمري سويتها ان شاء الله هالسنه بسويها برمضان وافزنها

 

[اطباق ماي ورد]

تسلمين حبيبتى على الطريقه وما قصرتى .

بس انا بشارككم بطريقتى اللى دايما اسويها بالحشوه اللى من اختراعى
وان شاء الله بتعجبكم

1- يفورين 4 قطع صدر دجاج عادى وبعدين يفرم ناعم ( موكلش علشان ما ينهرى )
2- نذوب ربع قالب زبده على النار وبعدين نحط علبة مشروم مفروم ونحركه لين ياخذ لون خفيف
3- نرجع عليه الدجاج ويخلط ونرش عليه رشة ورق زعتر مجفف مال البيتزا + رشه خفيفه ملح وفلفل ابيض + عصرة ليمون ويخلط دقيقه ونطفى النار عليه

عاد الحين نيى للمهم _03BA:

1- ناخذ 4/3 كوب جبن كلاص نوع كرافت الحجم الطويل ويخلط بالخلاط مع 4 كيرى و2م ك قيمر
2- ناخذ الخلطه ونخلطها مع الدجاج

وهنيه تكون الحشوه جاهزه
نييى لللف :cxxxp: يتعب صج بس ماكو شى بالساهل ..

1- تاخذين عجين البف باسترى اللى شكله مربع صغير ويقطه نصين اى مثلثين
2- يرق كل مثلث شويه بس لا تكثرين الرق
3- نحط ملعقه صغيره متروسه من الحشوه بالنص من اعلى احد الاطراف
4- وتحت الحشو نحط اصبع بطاط مثلج غير مقلى ويكون حجمه مناسب انه لما تلفين العجين يكون البطاط بالداخل مو بره
5- تلفين المثلث الطرف اللى عند الحشو الى تحت عند البطاطه وبعدين الطرفين الباقيين تلفينهم على بعض بحيث تكون البطاطه داخلهم والشكل ياخذ شكل فخذ الدجاج( الساق )
6- بعدين تخلطين 4بيض مع رشة ملح وفلفل اسود و4م ك حليب سائل
7- تغمس السيقان بالبيض وبعدين بالبقصماط وتثلج لحين الحاجه تقلى على نار وسط .

وخلاص
انشاءالله تكون الطريقه سهله ومفهومه .:tek:

 

[نورالدنيا]

اهلين بنات شكرا لكل من رد ، حبيبتي كابتشينو طريقتك حلوه ومبين عليها لذيذه بجربها إن شاء الله ، حبيبتي مرق تفاح البف باستري اللي يكون مربعات صغار تاخذين وحده وحده وتقصينها أربع أجزاء وتمطين كل جزء وتحطين الحشوه بداخلها ويصير حجم الحبه الوحده كبر الأصبع تقريبا بيطلع شكلها بعد القلي كأنها فخذ الديايه بدون الورك أتمني أكون أفتدك

 

[hmama]

مشكوره نور الدنيا وتسلم ايدج حبيبتي