طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

[يحبنى الله *]

رد: رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

هلا خوتى مولزوم تعطينهم افلوس هذولا مو فقراء لانهم يكدون مايسعدون فى شيل العربانه عند المحاسبه فلاحين فى جر العربانه الى السيارة للبواق والطرارة

ودى ما أعطيهم

بسألكم يعنى لازم اعطى حق اللى يوصل أغراضى

لازم اعطى اللى تسوى لى شىء بالصالون تحط حنة اعطيها

سااااعات ما أقدر شنو أهو لازم

؟؟

لو اتصدق فيهم احسن لى

حتى وحدة قالت لى إذا علمتى أى وحدة بالصالون تعطينها لو يوم ما عطيتيها تتغيؤر عليك صج هالشىء

 

[يحبنى الله *]

رد: رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

لا احنا مره شرينا من مركز سلطان الشويخ وزوجي شاري جل ردينا البيت مالقينه بس موجود بالفاتوره وردينا وعطونه الفلوس. _shh_:

رديتى معاك أغراضكم
وإلا بس الفاتورة لأن استعملت الأغراض وصار لى يومين :gr4uu:

 

[يحبنى الله *]

رد: رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

البنية قالت باحط لكم قصص عن البوق

حبيبتى مشكورة صج هم بعد انبها وتقول ريال هههه ماكو شغل

 

[يحبنى الله *]

حبيبتي ديربالج وزين سويتي نزلتي موضوع عشان البنات ياخذون حذرهم
وانا قبل شوي راده بموضوع زياده الاسعاااار , صارتلي مواقف ماادري اعتبرها بوق والا شنو !!!


بس اهما من اسمعوا عن الالف ينوا , واحنا لازم نبطل عيونااا مو عشان شي بس عشان يدرون ان الحين الكويتين الكل مفتح ويدري


ياريت يتثبت الموضوع او ينتفح موضوع ثاني يكون شامل لزياده الاسعار والبوق



انا بقول شي من اللي صارلي من بعد مااسمعوا بالالف


الهنود اللي يبيعون مكياج اسعارهم صارت دبلات الدبلات وغصب ينزلون عشان الالف وصاروا شنو يسوون مو اذا عجبج شي يكون جدامج تيستر فاذا تبينه يطلعلج واحد يديد بعلبته , عاااد صاروا يعطون شدوات مكسره وحمر ذايبه واشياء منتهيه صلاحيتها واشياء غير عن اللي تبينها , عشان ترجعين مره ثانيه وتاخذين منهم , واحنا من باب الثقه ناخذ الجيس باللي فيه وندفع ومانجيك عالاغراض او الالوان الا لما نرجع البيت


اغلب المواقف اللي صارتلي مع المكياج وهالسوالف لان هذا اللي صايره اشتريه هالايام , ديرباااااااااااااااااااااااااالكم حتى بالاماكن الراقيه صار النصب , وخاصه بالاشياء اللي ماتقدرين ترجعينها اذا بطلتيها

أية حبيبتى جزاك الله خير

عاااد يما كلش ولا مكياج متهية صلاحيته

وصاجة يماااا منهم بس

 

[Flower20]

رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

اول مرة اعرف ان اللي يوصل الاغراض للسيارة ممكن يبوق

مشكورين على التنبيه

بالنسبة لي صارلي موقف بس مااقدروا يبوقوني
متعودة اشتري جبنة للوالدة سعرها 770 من الجمعية
وسعرها مكتووب بالقلم الازرق العريض مال اللوح مادري شسمه <جمعيتناا ام طقة لووول

وانا من طبعي اوقف صووب كمبيوتر الكاشير اشووف شنو يكتب لاني اعرفهم غشاشين
لماا وصل للجبنة دور السعر فيهاا وما قدر يشووفه
و كتب سعرها 1.000
عصببببببببت وقلتله هذي سعرها 770 فلس
تراا مو لا قية فلوسي بالشاارع عشان تزيد ربع دينار من كيفك
وخااف وتعذر

 

[costa chic]

واايد تصير من المواقف الي اتذكرها
كنا رايحين السينما ب 360 شرينا بوب كورن و ناتشوز و هالسوالف
لما دفعنا بالغلط عطيته ربع دينار زياده ما استوعبت الا بنص الفلم
صج كلها ربع دينار بس الي يبوق ربع ممكن يبوق اكثر

 

[كويتية وافتخر3]

رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

وانتى الصاجة دايم يصير جذي بالوالدة متاكدة انها مشترية بس الاغراض ناقصيين
يسلمووو ع الموضوع :s141:

 

[خذاني الشوق]

جمعية العارضيه اختى راحت لها المهم راحت صوب الكريمات وتاخذ كريم اثنين نفس الشئ ولا واحد سعره 800 والثاني 1.50 المهم حطتهم بالسله وراحت للكاشر ولايقول حسابج المبلغ الفلانى قالت ليش انت حاسبت ايهو ابو 800 ولا 1.50 قال حاسبتهم 1.50 قالت انت شفتهم عدل وتمسك الكريم وتوريه في فرق بينهم جان يقول لاء ورد خصم من المبلغ فالشاطره الللي تدقق بالسعر قبل لاتاخذه

 

[ام خالد 78]

عبالهم فلوسنا لاقينهم بالشارع

 

[حجيه هيونه]

رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

اممممم مركز سلطان اذكر المركز نفسه رحت له مره ولا اكو سيل على عصير تانغ وعيالي ادمان عليه فقلت خل اخذ مع انه عندي كمية بالبيت قلت اخذ واحد مو خساره


رديت البيت اطالع الفاتوره ولا مو حاسبين الخصم حاسبينه بسعره العادي مت قهر بصراحه


المسألة مسألة مبدأ مو نص دينار ليش كاتبين عنده خصم ولما احاسب وامشي الاقي ماكو خصم طفروني وارد لهم 2 يوم يمكن او 3 يوم ومعاي الفاتوره المهم اكتشفوا انهم غلطانين وردولي الخرده مالتي وجدامهم عطيتها حق العامل الى يشيل الاغراض وطلعت

يعني السالفه مو انه انا بخيله سالفة ليش تقصون على الناس والى يقهرني اكثر انه انا اكتشفت

ياترى كم واحد غيري اشترى على ابو عرض واكو خصم واهم يقصون عليه :rgewrg:

 

[يحبنى الله *]

عطار جمعية القرين واحد بوااااق
شريت عشبة المدينة صغيرة ب2.50 قلت أولللللللللللله قال خلاص اعطيك ب2.25 وقال حق الريال اللى يبيعنى امسح على المبلغ هذى ثانى مرة يسووون فينى جذية معناته خايف

 

[يـاسمينا]

رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

والله انا وااايد تسير معاي هالسوالف بس قمت انتبه الحمدالله
وكلا بجمعية القرين كل ما ارجع البيت لازم احصل شي ناقص باغراضي ..

المهم السالفه الللي صج اقهرتني وحطمتني كان عندي عزيمه فبيتي
وماخذا مكسرات وحب من الرفاعي طلع حسابي 15 ونص

وماخذا عيالي معاي الجمعيه فمانتبهت على اللي حط الاغراض لان عيالي الله يخليهم دودهوني
والادها والامر اني عطيتا دينار والله متحسفه على هالدينار اللي خذاا

والله يابنات يوم رديت البيت كل الجياس والاغراض موجودين ماعدا جياس الرفاعي
حدي مت قهر والمشكله الناس على وصول

رحت ثاني يوم ولا ما احصل البنغالي الحقير
ربي لايوفقا انشالله صج حرق دمي

 

[مجنونة نت]

اولا .. السعودين مايستقبلون الا ريايييل حق النت وبعدين غريبه مره تروح حق هالاماكن :eh_s(13):

ثانيا غريبه الاسلوب والكلام مبين مليون بالاميه انك ريال ..

لاحظوو يابنات

:cxxxp::cxxxp:

يالغالية أنآ سعودية ورآيحة موبآيلي وشآرية لنفسي كونكت يوم كنت عند أهلي... الحين عادي.. الحرمة كل شي

تسويه بالسعودية.. واذكر صارت لي مشكلة بالاتصال ودقيت عليهم وتفاهمت.. البنت حبت تشارككم يالغالية

 

[مجنونة نت]

بالنسبة لي صآر لنآ موقف بالنصر الرياضي ومو أول مرة يصير لنآ .. طبعآ آللي بالفحيحيل

آلمهم.. شريت أغرآض.. وزوجي قعد يحآسب.. ورحنآ آلسيآرة ويرجع لي زوجي بدون الاغراض

قلت له وينهم.. قآل تخيلي زآيد علي 4 دنآنير بسعر آلفآتورة آلنهآئي.. يقول أنآ شفته محآسب غرض قبل أحآسب

ويوم حآسب مرة ثآنية قآل ايه اسف بآلغلط زيآدة 4 دنآنير قآم زوجي خلى الاغراض عنده وطلع

فانتبهوا النصر يحطون لهم شغلة لهم على حسآبكم..

 

[أم الشيخ 2010]

رد : رد: طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

انا مره كنت رايحة اعبي سيارتي بنزين وقلت له 3 دنانير

وخلص وعطيته 3 ويوم مشيت اطالع ولا مارتفع الخط حق البنزين مثل اول بس نصة ولا اثاري معبيلي ب بدينارين وماخذ الدينار له

وكذا مره صارت فيني وبعدين الحين قمت كل مااترس اشوف جم ترس لي السيارة

نفس موقفي تقريبا..

عشان جذي لما يقولون لنا الهنود جدموا بالسيارة جدام بحيث انج ماتشوفين السعر لاتتحركون وخليكم بمستوى تشوفون فيه السعر...

وأزيدكم من الشعر بيت تقدرين اذا عبى وخلص تطلبينه فاتورة تبين لج جم عبى..
هالفاتورة يعطونها للسواقين عشان يورونها لمعزبينهم السعر اللي عبوا فيه..

 

[اسرار الغلا]

حسبي الله عليهم:eh_s(13):

 

[ام الوردة]

الله المستعان

الله يجازيهم

 

[يحبنى الله *]

عفية بنات كملوا لأنى بديت انتبه على ملاحظاتكم

وبعدين عادى لو آخذ آله حاسبة واحسب اغراضى لووووووول ما أبى ينقص على أعرف واحد دكتور بالجامعة وخير وعز بس بالجمعية الآلة معاه ويحاسب ويا ويله ويا سواد ليله إذا استغفله وباقه واحد يفضحه وصوته عااااااالى

 

[om MaRyooM]

رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

!!!!!!!!!!!


انا لو منج اروح اعلم عليه وأتله من اذونه . . لووول


استغفرالله ربي العظيم .. وماخفي كان اعظم

 

[اميره1980]

صارت وياي شخصيا سالفة الجمعية يبوقون اغراضج من دبة السيارة و من الكاشير بعد يخشون الاغراض تحت الاكياس غير المستخدمة
و صارت وياي سالفة البانزين كان بمنطقة الفروانية باق مني نص دينار
صارت معاي بره الكويت و تحديدا بمصر بمنطقة الاهرامات خذو منها على سعر الحنطور اضعاف السعر المحدد و لمن اكتشفنا بوقهم هددناهم بشرطة السياحة ماتو خرعه و رجعو فلوسنا