طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

[يحبنى الله *]

هالموضوع مهم جدا لكل مواطن ومواطنة كويتية
صج الأستغلال على أصولة شالسالفة



أبى ينتبهون اللى قاعدين يبوقنا بطرق استغفال
عرفنا هالطرق


أمس كنت بمركز سلطان السالمية - ورحت صوب اللى فيه المعجون الأسنان وقعدت أطالعه فترة ليما طلعت بمعجونين الواحد بدنيار ونص ومختلفين والثانى بدينار و350 فلس


المهم قعدت أحاسب وانا عيونى على الكاشير اشوف كم وصل المبلغ
شوية شغلات طلعت ب30 وشىء
ما علينا
شال أغراضى فلبينى الله المستعان
وحط أغراضى بالدبة كل مرة اقعد أشوف اللى يحط اغراضى ويكون معاى خردة ويسكر البة جدامى
هذا خليته يحط الغراض ورحت لسيارتى أدور خردة
ما أشوفه اللى سكرها وراح ويحط ايده فى مخباته
المهم ناديته وعطيته الخردة لا وبعد اعتذر له أنهم شوى
حسبنا الله ونعم الوكيل

رديت البيت لقيته بايق معجون اسنان واحد


آآآآآآآآآآآآآآآآآآآآه على هالبوق

وبحط لكم كم وحدة شفت كاتبة سالفتها مع البوق خلينا نفتح نعرف هالطرق الله المستعان على أعمالهم واخذ اموالنا بغير وجه حق على أبو كويتى عنده -
خردة يالله لقيتها لك تقوم تبوق ؟؟؟

 

[ســتارز]

المفروض تعلمين عليه ادارة مركز سلطان حتى مايتمادى مع غيرج

 

[كراميلا مرة]

رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

استغفر الله
عاد انا لو منج مره ثانيه ماعطيه شيء
كل شيء ولا البوق

 

[بنت شرق]

يا ربى الله يقطعهم هالوافدين ذبحونا حاطبن عينهم على اكلنا وفلوسنا ما خلصنا من المصريين والسوريين الحين الدور على الفلبينين

متى تنظف ديرتنا من هالاشكال ونرتاح

مشكوره اختى هالنصب بكل مكان صاير

 

[بدويه بالفراوله]

رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

هذي الطريقه قديمه وكذا مره صارتلي


مره ثانيه لازم توقفين عنده لين يصكر دبه السياره

بعدين دوريله فلوس وخلي ينطر عااادي

 

[يحبنى الله *]

هذا رد الأخت توما يا رب ما غلطت بأسمها لأن بالإنجليزى

وكل موضوع بدخله وبشوف رد يوضح لنا طرق البوق بأضيفة
وترى لو أدرى إنه باقنى كل خليته يشيل الأغراض من الدبة وأدخل مركز سلطان مرة ثانى واخيله يطلع الغراض واشيك بالفاتورة - بس للأسف



انا مجربة الاول الي بالزيتون
كان يايبينه من امريكا ..هذولة كلهم من منتجات امريكا
هذا مثل تمليس تسوينه بروحج بالبيت
اممم بصراحة مع شعري ما نفع لانه قوي يعني بس اول 3 اشهر كان اينن حلو بس هوا استشوار ويصير جنه مسويته بالسيراميك وما يحتاي اسوية سيراميك بروحة يصير استريت وحتى لما اتسبح
بس بعد 3 اشهر شعري كله طااح وتقصف تقصف وخلاص توووبة ما اسوية مرة ثانية
ما يسوى علي استانس فيه اول جم شهر وبعدين اقعد اعالج
وفيه انواع وايد في مال يهال ومال شباب وفيه كذا نوع مال بنات
وترا ينباع في تجهيز الصالونات الي بالسالمية ..محل مادري شسمة الامريكي اكبر محل الي سكرو محلة البلدية لانه حرامية وهمن يردون يبطلون ويبوقون لوووووووول ما منهم فايدة p:
وتقريبا سعره 6 او 7 دك وترا هل محل اسعارهم مو ثابته يكتبون شي وفي وحدة لبنانية مادري سورية عودة سعات تسوي خصم من كيفها بس اذا قاعد السوري صاحب المحل ويييييييع يحط كرسي ويقعد يم الكاشير ما يخليها تقلل بالسعر ..والفلبينية والهندي لا يحوووووووشك مرة شارية شغلات حق بدكير ومنكير مال تركيب فرنش يقولون اسعار اكثر من الي مكتوب عليه يقولون هذا السعر الي مكتوب غلط ويشيلون السعر اشكرا بوق

و سوري على القرقة لوووووووووووول بس مصييبة في شغلات ما تلقينا بالمحلات الي يمه لانه كل شغلة صناعه امريكية


وعطونا مواقفكم إذا كانت مرة فيها وحدة حتى لو كانت مسافرة لأن جد أنا أول استحى ادقق الحين أقول حق الكاشير لف الكمبيوتر على بشوف بس يبيلى اشيك أكثر

 

[يحبنى الله *]

امس الصباح رحت اشتريت موبايلي برودباند بسرعة 2 ميقا ولمدة 3 اشهر وكان السعر 1050

وسألت الموظف قبل ما ادفع الدراهم هل الحي اللي انا فيه مغطى او لأ فأجاب بكل ثقه اكيد مغطى واذا ماعجبتك الإشاره بإمكانك ترجعه ومعك يوم تجربه براحتك

وصلت البيت لقيت الابراج عدم والسرعه جدا سيئه والداونلود في احسن احواله مايوصل 9 كيلوبايت

وجلست طوال اليوم احاول يمين ويسار في المودم واغير مكانه لدرجة اني طلعته للسطح وبلا فائده

واليوم العصر اتجهت لموبايلي علشان يشوفونلي حل او يرجعونلي دراهمي على حد زعمهم
ويوم شرحت القصه للموظف قالي طيب نرجعه وبعد شوي قالي مايصلح الآن لازم انك ترجعه قبل 9 قلتله من جدك انت تبغاني انام عند باب موبايلي علشان اجيكم قبل 9 الصباح وجلست احاول فيه يمين ويسار وافهم فيه اني ما اقدر اترك شغلي واجيكم 9 الصبح علشان ارجع المودم قالي ماعندي حل روح للسوبر فايزر ورحت للسوبر فايزر قالي التغطيه في الرياض 99% ومافي ترجيع دراهم رح كلم الدعم الفني وهم يلاقونلك حل

كلمت الدعم الفني قالولي الحي اللي انت فيه مو مغطى بالكامل وحنا مالنا دخل راجع الفرع هم اللي يتحملون المسؤليه لانهم المفروض يتأكدون من مكانك بالضبط قبل لايعطونك المودم

والخلاصه راحت علي ال 1050 ريال

فرجاءا ياخوان تنتبهو مستقبلا من هاللصوص لانهم كذابين ومايرجعون دراهم احد وكل واحد يحمل الثاني المسؤليه

وما اقول غير الله لايحللهم ولايبيحهم

 

[SILVER ROSE]

امبيه يمكن صارتلي وما انتبهت
اول مرة ادري انهم يبوقون اشياء من الجياس
واحنا ياغافلين لكم الله
مشكورة عالتنبيه

 

[تربويه وافتخر]

رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

مو بس هذول يسرقون ع فكره ,,,,, حتى الكويتين نفسهم

أنا اعرف شكثر ناس تاخذ دعم عماله وأهي اصلا مو موظفه هذا مو بوق؟؟ برايكم مو حرام يبوقون ديرتهم ؟؟

ليش احنا نشوف البواق الصغير ونخلي الكبير.... لازم نحاسب الكل؟؟ عدل ياحلوين

 

[بدويه بالفراوله]

رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

بلبنان فتره الصيف

اسعار فاتورات المطاعم كلها غير واسعارهم مو ثابته


وتخيلي يعطونج منيو ويعطون الطاوله الي جنبج منيو غير اشكره

يعني منيو اسعاره مرتفعه للخليجين و الي اسعاره عاديه لللبنانيين


وذا شافوا بنات قاعدين بالطعم يقللون سعر فاتورتهم عشان يقعدون و يجلبون الشباب للمطعم والشباب يرفعون سعر فواتيرهم


وبعد بعد ياكثر ما انسرقنا بلبنان

وفي تاكسي رفيج ابوي من زمان يعرفه هو كلا يودينا ويجيبنا

المهم مره دخلنا مطعم وطلبنا و دفعنا سعر فاتورتنا

ويوم جينا نبي نطلع جانا موظف وقال لبوي ادفع سعر اكل التاكسي مالكم

ابوي استغرب و يوم شاف الفاتوره لقا مكتوب خمر واكل واجد المهم دفع

وحنا تاكسي مالنا مسلم يعني شلون يشرب خمر ؟؟

ابوي ساله قاله انت طلبت من هالمطعم قال اي قاله شربت خمر قال لا ليش

قال ابوي لا بس انا دفعت فاتورتك و شفت بالفاتوره خمر واستغربت

قال التاكسي انا دفعت فاتورتي ليش انت دفعتها مره ثانيه وهذا المطعم نصاب

ودش مع ابوي المطعم هو والتاكسي وتهاوشوا مع راعي المطعم وردلهم فلوس ابوي

 

[om deaj]

امبيه يمكن صارتلي وما انتبهت
اول مرة ادري انهم يبوقون اشياء من الجياس
واحنا ياغافلين لكم الله
مشكورة عالتنبيه

وييييييييييييييييييي
انا بعد اين وانا افكر وين راح وشريته ولا لا>> قامت تشك بعمرها

 

[بنت الأصايل]

انا مره كنت رايحة اعبي سيارتي بنزين وقلت له 3 دنانير

وخلص وعطيته 3 ويوم مشيت اطالع ولا مارتفع الخط حق البنزين مثل اول بس نصة ولا اثاري معبيلي ب بدينارين وماخذ الدينار له

وكذا مره صارت فيني وبعدين الحين قمت كل مااترس اشوف جم ترس لي السيارة

 

[الأميرة جوري]

رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

ماعمرها صارت معاي بس متاكده انه بالجيس انا مرات يكون مو حاطينه وارد احصله عند الكاشير ...الله العالم

 

[وردة-الكويت]

شكثر تصير وياي ويا خواتي

حسبي الله عليهم وعلى بوقهم احنا على نيتنا نعطيهم اكرااميه

 

[DALA3.RA8EY]

رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

حـسسـبي الله ونعــم الوكــيل .. ~

وذا محححـد شـآفهـم فـآكيد ربي الله رآآح يششـوفهـم ..

تقبلي مــروري .. ~ :blueSmCLR:

 

[اريج الجوري]

رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

اي عادي شكثر افقد اشياء من الجمعيه لما ارد البيت ما القاهم ,,,
واهلي يقولون انه بسوريا المنيو بالمطاعم ماعليه سعر عشان يسعرون على كيفهم ,,,
ومره ابوي يقول بسوريا لما دشوا منتزه كان سعر التذكره شامل العشا ,,,
وعقبها لما جاب لهم الفاتوره والا حاسب سعر المشروبات الشاي والعصير والماي وحتى الكلينكس :gr4uu:
جان يقوله ابوي شلون تقولون السعر شامل الاكل والشرب ؟؟
جان يقول اي لكن الشاي والماي سعره بروح ؟؟؟
قاله ابوي ماراح ادفع لأنه هذه اللي مكتوب بالتذكره ,,,
ولما طلع اخذ الكلينكس معاه يقول دافعين سعره بعد لازم اخذه ,,, هع
وشكثر تصير مواقف خصوصا بره ,,,
مثلا مره في مصر كنا صغار ونروح مع تكسي رفيج ابوي من عمر ,,,
ولما شرينا بيبسي جان يسالنا رفيج ابوي بجم شريتوه وانصدم من السعر وراح يهاوش صاحب المطعم ,,,
تخيلوا شنو قاله ؟؟؟
قال له خلينا نسترزق !!!
ونفس الشي مرات بالكويت يكون مكتوب سعر ويحاسبونج على سعر ثاني ,,,
مره في مكتبه كنت بشتري اوراق ملونه للمدرسه ,,,
والا في اسعار مختلفه لنفس النوعيه ؟؟؟
ويوم كلمت الكاشير ارتبكوا وعدلوا الاسعار ,,, :rgewrg:
واذا تذكرت ارد ,,,
الله يعينها بس ...:cxxxp:

 

[lovely jojo]

اي والله متى تنظف الديرة من هالاشكال ..:jumpon:

 

[Dr.Nouf]

رد: رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

هذي الطريقه قديمه وكذا مره صارتلي


مره ثانيه لازم توقفين عنده لين يصكر دبه السياره

بعدين دوريله فلوس وخلي ينطر عااادي

اي صح امي كله تسوي جي :080402ask_prv:

 

[::كيك وعسل::]

رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

مايستحون

 

[♥ SWeeRa ♥]

رد : طرق بوق الكويتين فى دولة الكويت - بقولكم موقفى بمركز سلطان وقولوا مواقفكم ..

ماشاء الله
واحنا ياغلفين لكم الله
:denya: