طرق التخزين والترتيب بليز ربات البيوووووت مساااااااعده واللي عندها فكره تفيدنا

[آهــــات]

السلام عليكم ورحمه الله وبركااااته


حبيباتي الموضووووع ومافيه شقتي صغيره ... غرفتين وصاله .... غرفتي .... والثانيه مسويتها مخزن:eh_s(1):


فيها كبتين وشوفنيره وتسريحه ... والعاااااب بنتي... والأوتي ... واشر الملابس المغسوله فيها... وكفراتي ... وكل حاااااااجه


حاولت انظم فيها..... احس كلش مو هاضمتها .... زحمه


ابيكم تفيدوني حبيباتي بأفكار تعطيني حيز بالكبتات ... لأن حدها مفوله... وطرق تخزينكم للملابس الشتويه ... الكفرات ... الأحذيه (عزكم الله) ...

واذا عندكم فكره بشغلات ثانيه للتخزين وترتيب اتمنى تفيدونا

واذا ذكرتوا شي نشتريه قولوا من وين نشتري<<<طمعت ... عشان مانتعب واحنا ندور ونووولد بدري

واسفه على الاطاله


وجزاكم ربي الجنه

 

[مطلع الشمس@]

السلام عليكم


جزانا وإياك الجنه يارب


اول شي رتبي أفكارج .. وشوفي شنو اللي محتاجته ضروري ويومي وخليه قريب

بس اختي ماقلتي غرفتج هذي شكبرها .. ؟؟ كبيرة ولا صغيره ؟؟؟؟

والصاله .. ماتقدرين تقسمينها ..؟ اذا كبيرة قسميها بالجبسم بورد يكون مثل الطوفه شكله بس اهو خشب ووحلو شكله

مو بالنص لا حاولي بس يكون غرفه صغيره بس للمنشر والاوتي


عموماً اللي مو محتاجته مثل الكفرات خليهم فوق الكبت ..

والأحذية وانتي بكرامه اللي تلبسونه يوميا خليهم برا عند الباب بكبت الاحذيه ..

وأشتري صندوق ألعاب وخلي فيه العاب بنتج وخلي ركن لها بروحها العابها واغراضها ..

وزاويه ثانيه خلي فيها طاوله الأوتي مع سلة الملابس ..

وطاولة الاوتي خلي خدامتج تعود من تخلص منها تصفطها وتحطها داخل الكبت مع الأوتي لاتخلينهم برى ..

وتبقى السلة مع المنشر بزاويه بروحهم ..

والشفنيرة حطيها بالصاله .. عادي .. او بالممر اذا الممر واسع .. يبقى الكبتات والتسريحه بالغرفه وجذي زين ..

شقتج مافيها كنقيه فوق الحمامات ؟؟؟؟ اذا فيها تقدرين تحطين فيها ملابسكم الشتويه والكفرات اللي ماتحتاجونها

أي شي شتوي لفيه عدل بأكياس نايلون ولزقيه عشان لادشه غبار وخلي واحد من الكبتات بس لاغراض الشتا

والملابس اللي بالعلاق الشتويه مثل الجاكيتات والدشاديش الشتويه لاتصفطينها اشتري من ايكيا اكياس البلاستيك اللي

تنحط بالعلاق ( مثل المشاغل شلون يحطون البدله بجيس بلاستيك ) وعلقيهم تنانير او الدراريع الغالية و دشاديش او جاكيتات وبلايز حرام تسفطينهم يخربون بس الاندر وير والدلاقات والأشياء الباقية ..


وأي سؤال لايردج إلا الكيبورد

 

[hatoona]

حبيبتي اذا الميزانيه تسمح اخذيلج الكبت الي يوصل للسقف وسوي تصفيه على الملابس والي ما تحتاجينه حاليا في اكياس ضغط للتخزين انا وايد لستفدت منهم حطيت كل 4 كفرات كبار مع بعض وسحبت الهوا منهم وايد وفروا علي مكان بالكبت ونفس شي الالعاب الي ما تبينه صفي واي شي ماتبينه وتحسين انه يفيد غيرج تبرعي فيه للجان تكسبين اجر والله وتقدرين بعد تستعيعن بالارفف ترى تفيدج وايد تشيلج مثلا الاوتي عن تعبث اليهال والاغراض الصغيره بدال ماهي حايسه بالارض ومثل ماقالت الاخت الي قبلي استغلي الممر اذا في مجال حق كبت الجواتي عزج الله وطاولة الاوتي تقدرين تحطينها تحت الكبت او جانب الكبت اذا في مجال وجذي تفضى عندج ساحة الغرفه وتوفرين مكان بالكبت بعد الجرد

 

[ام فجور 2008]

اخ نفس ماساتي
وقايله من بدايه الاسبوع الجاي بعدل لان ناطره عقب العيد قلت بسوي حمله ترتيب

 

[ذهب]

واي هذي الماساة عشت فيها سنين الله يعينج

في صناديق للملابس تنحط داخل الكبت تلاقينهم عند ايكيا - سنتربوينت- تروفاليو- تقدرين تحطين الصناديق فوق بعض في الكبت
و الصناديق الملونة البلاستيك التي معاها غطا في ايكيا توضع مع اغراض الاطفال يمكن رص اربعة او خمسة فوق بعض.

هذا ما يحضرني الان

 

[بنوته جامعية]

http://q8yat.net/showthread.php?t=80869
هذا الموضوع اتمنى يفيدج

 

[*الجادل*]

للرفع

 

[مو عايشة بالدنيا]

شوفي حبوبة احسن اماكن للتخزين ايكيا
عندهم علالليق للشيل
عندهم ارفف للجواتي
عندهم اطقم لتخزيت الاشياء الصغيرة والدثرة
عندج دايسو
في اشياء وايد للتخزين خصوصا حق الكفرات والشراشف وهالسوالف
راح تلقين اللي يسرج ان شالله
وفي كبتات بايكيا مو صج
اللي عندها دثرة تروح تشوق كبتات ايكيا
الكبت فيه اماكن للجواتي
للشيل للكنابل للكفرات لكل شي

 

[آهــــات]

يعطيكم العاااافيه

المشكله الغرفه مو كبيره 4 في 4 وصالتي اكبر منها بس مو بكثير ولا اقدر اقسم الصاله لأن فيها مطبخ تحضيري ومصغرها زياده

اليوووووم سويت تصفيه للكراتين والعلب اللي مابيه وقطيتهم

نشوف باجر شيطلع معااااي

ان شاء الله برووووح ايكيا ودايسووو وعلى الله يضبط الشغل معاي

ويعطيكم ربي العافيه