انثى عاشقة
New member
- إنضم
- 2 ديسمبر 2009
- المشاركات
- 6,747
- مستوى التفاعل
- 0
- النقاط
- 0
هلا بنات المنتدى
اليوم يايبة لكم طرق باستعمال الطمي المغربي او الغاسول او الطين الاحمر له عدة مسميات
انا استخدمه من زمان بس لقيت اكثر من طريقة لاستخدامه ويبتها لكم لانها عجبتني حيل
اول شي للتحضير قبل الحمام خدي ماي حار
نصبه على طمي زي ما موضح هني طمي حطي القدر الي يكفي وترا القليل منه كافي
نخليه يرتاح لين يدوب
شوفو كيف بيصير
هني خلاص جاهز للاستعمال لذوات الشعر الدهني
شعرك جاف بس حابة تستفيدي من مزايا الطمي المغربي
بعد مايصير جاهز ضيفي عليه ملعتين كبار من زيت الزيتون وخلطيه جيدا بملعقة خشبية
حطيه على شعرك وهو مبلل افرديه على كل الشعر
لما تقسمين شعرك لنصين وبعدها اجمعي شعرك لفوق وخليه بين 10دقايق و15دقيقة
وبعدها اغسليه بشكل جيد واغسليه بالشامبو بتحسين بنعومه وبيصير جد مميز
وترا هو حتى لو انتي صابغة شعرك حطيه مافي مشكلة اهم شي مايكون فيه اعشاب
****************************** *******
نيجي للوجه الي فيه حبوب ومسامه واسعة بعد مايكون الطمي صار لين بالماي الحار
ضيفي عليه ملعقة ماي ورد وقطرات من الليمون الحامض
اما لو بشرك جافة بعد مايكون الطمي لين بالماي حطي عليه ملقعة من زيت اللوز الحلو
من مزاياه للبشرة الوجه والجسم ينعمها يشد البشرة يحارب التجاعيد
عن استعماله كقناع للوجه المدة هي 20دقيقة بدون ماتتحركين
=============================
=============================
للجسم :
طمي مغربي جل دوش زيت جونسون
جهزي الطمي المغربي صبي عليه ماي حار وخليه وبعدها صبي عليه ملعقة جل دوش الي انتي تبينه
وزيت مرطب للجسم الي انتي تشوفينه يناسبك
هني صار جاهز تحطينه قناع على جسمك وهو مبلل تخلينه شوي وتغسلينه بتحسن بنعومه
ممكن استبدال جل دوش بملعقتين من العسل
فهو جد فعال ومميز واعتبره كقناع مميز على الاطلاق مع قطرات الليمون الحامض
اتمنى تستفيدون
ترى الطمي المغربي روووعة حق البشرة عن تجربة
جربوه وان شا الله تعطيكم نتايج مرضية :sfg:
..
