طرارة غير شكل بصراحة في احد صادفة مثل هالمواقف و الا بس انا

[Spoildish]

صارت معااي واااااااااايد خصوصا بجمعيه القرين ياكثرهم و من العام ليلحيين مستمرين نفس القصه و اذكر وحده عطيتها 5 دنانير جان تقولي لا ما يكفي ليش ما تسحبين من البنك؟ جان اقولها نعم نعم؟؟
وقبل فتره كنت بالمواساه ناطره تحاليل ريلي و ريلي كان قاعد يصلي جان تييلي وحده منهم جذي نقاب و تقولي انا بنتي بالمستشفى و محتاجين فلوس جان اقولها شلون دشيتوا قبل لا تدفعون ؟ جان تقول اهما دخلونا والحين لازم ندفع
بصراحه القصه كلس مااادشت مخي و خصوصا اني مقروصه منهم واايد جان اقولها الفلوس عند ريلي و قمت و خليتها واخذنا التحاليل و طلعنا
واتوقع النقاب عشان لحد يعرفهم عشان يقدرون يككرون الفلم اكثر من مرة

 

[*_*cute bug*_*]

امبي فيي طرارات يخرعوون يدشوون البيت مايستأذنون ولاشي مره يوم الزوااره قااعدين بسردااب ما نحس الا وحده داشه علينا جان يدتي تقولها نعم في شي اسمه جرس ما تدشين جذي ترادد يدتي بعد والله وشكلها مو طراره ولاشي

 

[جوزائيه مغروره]

ذكرتيني بطرار قبل جم يوم

ياي حق ريلي بديوانيه بيتنا ويقول انا جاركم بيتنا هناااااااااااااااااااااك

ريلي قاله اوكي امر؟ قاله محتاج جان يقوله الله يعطيك وطرده

وطبعا لا اهو جارنا ولا شي

 

[ام عزيزان3]

سالفة الطراره عند المستشفيات من 8سنوات هابين فيها,,,والله اذكر كنت رايحه لخالتي الله يرحمها بمستشفي مكي جمعه وتييني وحده تقول ماعندي فلوس السونار والتحليل عطيتها المقسوم وبعدين ولابنات خالي وخالتي كلهم نفس القصه قايلتلهم والكل معطيها هذا بس احنا شلون من غيرنا يعني بنفس اليوم توصل الف بالطراره
وبعد الحين يدشون الدواوين يطرون طبعا رياييل,,,ولاعند المستشفي وسالفة ان ماعندنا فلوس البنزين نرجع هذي حيل انتشرت
وبعضهم تطق الجرس وتقول لليهال وين امكم بصراحه مايستحووون

 

[بيتي بوب بس كويتيه]

اي صارت لي وايد بس أنا ما اعطي ويه تكلميني وتطر أقولها الله يعطيج وامشي ولا اسمع وأوقف
الصراحه أخاف على عمري تسحرني او تسحبني. يامه مرت علينا سوالف

 

[ماريمار الكويت]

ابيه هالموقف مر على اخوي بعد نفس الشي قالت له واخوي عطاها 10 دنانير ولاتقوله ماتكفي عصب عليها قال لها تاخذينها واذا مو عاجبج رجعيها انا اولى فيها وطست

ومره بعد عمري ابوي هم مر عليه واحد وهو طالع من المسجد وقاله احنا من عمان وضيعنا جنطتنا فيها فلوسنا واوراقنا وماعندنا شي داخل على الله ثم عليك عطاه ابوي 20 دينار ولا الاخ يعصب ويقول 20 ياحجي ماتكفي انا قلت الحين تعطيني 100 دينار وهم عصب عليه ابوي قاله طرار وتتشرط ماتبيهم ردهم ماعندي غيرهم وشوفلك غيري يعطيك 100

 

[عيون النداويه]

رد : طرارة غير شكل بصراحة في احد صادفة مثل هالمواقف و الا بس انا

يا بنات ديرو بالكم منهم اذا عطيتيهم بتششجعينهم اذا بتسوين خير روحي اللجان الخيريه فيه عندهم ناس متعففه وشفتي هذي اللي تقول بنتي مربوطه بالسياره بكل مكان تطلع لج ووبغضهم اذا ما عطيتيهم يقطون كلام ويدعون عليج وراح يكثرون برمضان واذا بتطلعين التراويح قفلي بيتج ولا وصي الخدم لا يفتحون لاحد غريب لانها ابتقعد بنص الصاله تنطرج لين تجين هههههههه اكلمكم عن خبره يستغلون مشاعر الناس مره امي جتها وحده ودخلوها الخدم وتقول انا توني طالعه من جارتكم ام فلان مشالله عليها ما قصرت عطتني(تبي تحرج الوالده) وبناتها كل وحده عطتني عشرين دينار اصلا بناتها جهال صغار

 

[^حبيبة الكل^]

امبيه شصاير بالكويت الله يحفظ هالديرة بس و الله
الكل ماره عليه هالسوالف وين وزارة الداخلية وين المسئولين وين الرقابة عنهم و الله العظيم يخوفون بشكل مو طبيعي

 

[الجوريه الحمراء]

انا اي وحده تبي مني فلوس اقولها يالله برروووو انجلعي وتقعد تدعي لعيالي الله يخليلج عيالج وتفرحين فيهم وانا اعطيها طاف

لا وبعد كاشخين بالنقاب والجنطه

والحين ياي رمضان وبعد بزيدون موسم عندهم

 

[در الـبحـور]

السلام عليكم

حسبي الله و نعم الوكيل مبين نصابة

شوفي يا قلبي صحيح الصدقة حلوة و جزاها عظيم من رب العالمين

فالواحد يتصدق بالجمعيات الخيرية عالأقل ناس ثقة يوصلون صدقتج مثل جمعية العون المباشر و لا إحياء التراث أو غيرهم وايد جزاهم الله خير

أمن هذيله قوليلهم روحي حبيبتي الجمعيات الخيرية ما يقصرون معاج

بصراحة ما أحب أحد يستغفلني فأكون شادة معاهم بس أكلمهم بأسلوب محترم

و ساعات أشوف مساكين يهال مو خليجيين يطرون بهالليل ما يخافون على عيالهم أحد يخطفهم يعتدي عليهم يكسرون خاطري

و أعطيهم و ياربي يكفينا شر هالفئة المتسولة على نصب و احتيال

 

[♥ąϻᴑŁ♥]

لا الحين اييون لي البيت ويطقون الجرس بعد .!!

الله يقطعهم ان شاء الله .. :\

 

[[[ عيون جابر ]]]

الله يهديهم بس
عاد تدرين انا من سمعت سالفة الطرارات والخاتم قمت والله حتى ويهها ماشوفه اقوم انحاش منها من الخرعه

 

[UNICORNA]

انا لمن اشوف مثل هالاشكال اكثر من مره بمسكهم واجيب الشرطه تاخذهم

هذول نصابين رسمى ومدرى كيف عطيتيهم 30 دينار كان مفروض ثانى مره شفتيهم طلبتى لهم الشرطه

 

[نعومه حدي]

الله يعطيج على قـــــــد نيتج
بس المهم تكونين حذرة مرة ثانية

 

[So0oKaRa]

انا مريحه بالي
ماعطيهم مجال من الاساس وامشي عنهم
نصابين تلقين عندهم فلوس اكثر منا
مره وحده امسكت ابوي تقوله شوف حجي انا مو طراره بس عطني 20دينار
استغفر الله شنو هالناس

 

[ام كوشه منكووشه]

رد : طرارة غير شكل بصراحة في احد صادفة مثل هالمواقف و الا بس انا

امبيييييييييييييييه والله فس اللي مروا علي
انا جذي قبل شهرين كنت بالكويت وبعدقلبي امي كانت تعبانه واطلبوا منه انها تسوي اشعه بمستشفى قريب من المكان اللي ذكرتيه وظليت انطرها بالسياره لان معاي بنتي وحدها كانت مغربلتني ما اشوف الا هالاثنتين يوقفون عند الجامه ونفس الشي قالوا انه قاصرهم فلوس حق التاكسي ويبون يرحون الجهرا عطيتهم 5 وردت ماادري شتخربط قاصرهم 7 ماادري شنو جان اعطيها دينارين ومشت اشوي جان ترد رفيجتها تقوال انتي ما فهمتي علينا انتي عطيتنا 7 و قاصرنا 8 عشان التاكسي يعني المجموع 15 والله عاد انا مونوعي اشيل كاش معاي وساعه اصرف فيها ماكو فايده لمن حست خلاص مامني رجى مشت

 

[سنــآم إلفخــر]

رد : طرارة غير شكل بصراحة في احد صادفة مثل هالمواقف و الا بس انا

اى كثراانيــن هالأيام

قبل كنت بالبنك وكنت انطر دوري واطقطق بتلفونى الامرت من قدامى مرا عليها عبايه راس يوم شفت رجولها الا هالبدكير والصبغ الاظافر وقامت بسطت بالارض وقعدت تطـر

انا اللي يحز بخاطرى رجال بعز شبابه يقوم يطر روح اشتغل بدال هـ الإهانه

 

[اجمل نساء 2011]

احنا يدشون علينا بالدوام اخر شي لقلت لوحدة حبيبتي هذا مو مكان للطلبات وراحت والله يغثون ويبطون الجبد كلهم نصابين وحرامية عندهم عماير وفلل احسن منا

 

[اجمل نساء 2011]

اما سالفة ولدي مسحور ومربوط هبوا فيها قبل 5 سنين جذابات هذولا متسولين وارهابية بعد

 

[قطيووه^_^]

واااااااااااااااااااااااااااجد رياجيل وحريم