طحتي على واحد متزوج على مرته

[tmtmt]

علي قولت رق رق ..


حبيبتي مالج شغل هالسوالف فيها خراب بيوووت


وبعدين الريال ما غلط متزوج علي سنه الله ورسوووله


لكن مو حاب يبلغ زوجته الاولي عشان يحافظ علي بيته لا اكثر


ليش اتييين انتي وتفتنين ؟؟؟؟؟؟؟؟ ترا مو حلوه بحقج واللى تتكلم صراحه سواء الشخص قريب او بعيد احسها خرابه بيووت ومالها اماان .

ومو من حقها انها تعرف وتقرر مصيرها بروحها هذا قرارها تبقى معاه ولا لا
مو اهوا يحدد يخش عنها عشان تظل معاه

بالنسبه لي اشوفه استغفال الصراحه
وبنفس الوقت احس ان ينافقها

 

[هدوووشه]

المفرووض يقولها ووهي تقرر تكمل معاه ولا تطلق
لأن بالنهاية هاذي يسمى استغفال >> ماذكرت الاخت
اذا هو عارف متزوج بشرع الله ليش مايوواجه زوحته والناس
مسكينة زوجته الله يكون بعوونها

 

[أإلع ـشق دلع ـهـأإ]

مآرآح آتكلم

 

[شوبارد قطر]

مستحيل اتكلم يطلع من غيري ولا يطلع مني
صج قلبي بيعورني ان انا خاشه عنها واعرف انه متزوج بس ماحب هالمواقف
وانا مريت بموضوع مشابهه
وماتكلمت

 

[ماني من الناس]

دام مو مسوي شي غلط ومتزوج ليش خاش

مالها الا تفسير واحد لانه جبان ويحب يستغفل الناس وع باله الناس اغبيا مثله

وانا ماحب الاستغفال بكون حابه انها تدري لان الجهل اهو اللي مصيبه

دام زوجها ماخاف عليها تسمع من الناس الغريبه انه متزوج عليها وماتسمع منه فيتوقع كلشي

 

[قطوووة]

اعرف وحدة

شافت ريل اختها مع وحدة بمطعم ..

لما ردت البيت قالت لزوجها ان شافت فلان مع وحدة وتبي تقول لاختها


زوجها حلف عليها ماتبلغ اختها لان فيها خراب بيوت

 

[الزورق222]

مالى دلخ ليش احاول اخرب بينهم .. مافيها شى الزواج المتعدد يمكن تكون راضية وتدخلى بينهم هو تطفل ..

 

[الـفـجـر الـبـعـيـد]

والله مالي شغل فيهم كيفهم بسكت ومردها بتعرف

 

[مناير ...!]

مااالي دخل

 

[الجادل الترف]

مالي شغل ماشفت ولاسمعت....علينا بالستر..

تجي منه والا من غيه...ولاتجي مني عشان ماصير سبب لاحد

 

[SihamBoresli]

مشكورين حبيباتي على مروركم وتعليقاتكم .........

عموما نسمع بسوالف غدر الزوج وايد
والمره تكسر الخاطر اذا اهي طيبه والريل ذيب ومستغفلها؟
وتكون ذابحه عمرها حق اليهال ومدارسهم وطلباتهم واخرتها ريل نذل
انا من رايي اذا هي على نياتها تنبهينها احسن
بس اذا نسره...ممكن تقلب عليج وتقولج انتي تبين تشوهين سمعه زوجي؟؟
في ناس مو كفو تكونين على قلبهم
اللهم اجعلنا عبيد احسان
ولا تجعلنا عبيد امتحان...

 

[شافوك بحساسي]

اذا وحده من خواتي يوووووووووووووووو لازم اقولها بس اذا غيرها لاوالله كاني ماشفت شي

 

[عسل مرت قيمر]

امممم

ماراح اتكلم ماحب اتدخل بأحد


الا لو كانت اختي مثلا راح اقولها

 

[كريستال]

لا مب متكلمه حتى لو اختي

في ريايل يتمنون احد يعلم زوجاتهم عشان يرتاحون هم لان اللي يبلغ هو اللي يشيل الانفعالات الاولى والصدمه

خله مثل ماسوا هالعمله يتحملها

 

[دانه $$]

مايخصني لو اقول بتكذبني وبعفس حياتها مصيرها تعرف