طبقْ .. ذقته بالمعرضْ ومتْ أبيهْ الحينْ :(

[!! الواصليّـــــة !!]

شلونكم كويتياتْ ؟

بدخل بالموضوع ع طول .

قبل امس كنت بمعرضْ وشريت من البوفيه طبق مادري اهو باستا اهو قبوط بس كاشخ اهو شنو بالضبط مادري
بس من جدْ بناااتْ للحين افكر فيه ..
طعمه عاجبني ولو بتعلمه بيصير طبقي المفضّل وانا وحدة وين ووين ع ماالقى شي يعجبني :0bee2e8d89:
،،
بوصفه لكم يمكن ياااااااااااب تعرفونهْ <<< ترى حده داش خاطرها:dddds:

اهو مثل القبوط او المكرونه طيب والصلصه وهي سر دمار الطبق :eh_s(1):صلصله بيضه مثل الروب او الكريمه وكلها نعناع امممممممم ياخرابي هذا اللي ذبحني ! وطعمها حاااار فيها فلفل او زنجبيل مادري جنزبيل :tomato2:

تكفون بنات والله والله حبيت هالطبق وخاطري فيه
لو المعرض ماخلص جان طيران له:ada:

انطركم

 

[رشة هيل]

يمكن المكرونه القواقع <<تخمين بس

لأن حجمها كبير

ومدري طرت علي مع إنك ماوصفتيها صح وإن كانت هي بجد أنا أمووت فيها من عرفتها وكل أسبوع أسويها
والبيت عندي ينتظرون يومها

 

[حناينq8]

خاف قصدج ( شيش برك ) ؟؟؟

 

[!! الواصليّـــــة !!]

رشة هيل وصفي اللي قلتيها شنو ؟
بس ترا مو اهي اللي اقصدهاا
،،

حناين والله جنها اهي .. مادري بس قوليلي ياقلبي شنو مقادير هالأكله ؟
شكلهااا مغررررررري

 

[q8sweet]

اعتقد قصدج الشيش برك

 

[!! الواصليّـــــة !!]

طيّب عطوني طريقتهْ مآعليكمْ امر

 

[<<لمار>>]

ماعندى فكرة انشاالله البنات يفيدونج

 

[جارة القمر]

أعتقد قصدج الشيش


برك

 

[جارة القمر]

لإعداد هذا الطبق نحتاج:

العجين ويتكون من:

1- ثلاث كاسات طحين

2- كأس ونصف ماء دافئ

3- نصف ملعقة صغيرة ملح

نذوب الملح في الماء ونصبه فوق الطحين وندعكه حتى يتماسك وتصبح عجينة مرنة بين يديك

الحشو:

1- نصف كيلو لحمة مفرومة

2- بصلة مفرومة فرما ناعما

3- نصف ملعقة صغيرة بهار (فلفل أسود)

4- نصف ملعقة صغيرة ملح

5- ملعقة سمنة

نقلي البصل بالسمن حتى يذبل ثم نضيف اللحمة المفرومة حتى تتحمر نضيف الملح والبهار

ونحتاج أيضا:

1- 3كغ لبن زبادي غنم- ويشترط أن يكون غنم لأن لبن البقر لا يطبخ وليس له طعم في الطبخ-

2- ملعقتين كبار كزبرة يابسة مطحونة

3- ملعقتين كبار ثوم مهروس

4- ملعقتين كبار سمنة أو دهنة

نفرد قليلا من العجين بالشوبك بسمك 2مم تقريبا ثم نقطعها بفنجان قهوة دوائر دوائر

ثم نضع في كل قطعة قليلا من الحشو

ونطبقها على بعضها فتصبح نصف دائرة

ثم نأخذ بأطرافها ونلصقها مع بعضها فيصبح شكلها كالأذن

ثم نحضر اللبن ونضعه على النار ونحركه بشكل مستمر حتى يغلي جيدا ثم نضيف له ليتر ونصف ماء ونتركه يغلي قليلا ثم نضيف قطع العجين للبن المغلي واحدة واحدة حتى لا تتمزق ونتركها تغلي على نار هادئة حتى ينضج العجين وإن وجدت اللبن سميك جدا فأضيفي بعض الماء حسب الرغبة

ثم ضعي الثوم فوق السمن وقلبيه على نار هادئة حتى يصبح لونه زهري ثم أضيفي الكزبرة وقلبيها قليلا حتى تتحمر قليلا ثم أضيفي هذا الخليط فوق اللبن بعد أن يكون العجين قد نضج تماما وحركيه قليلا ثم أضيفي له بعض الملح على ذوقك وأتمنى أن ينال إعجابكم وبالهناء والشفاء



منقوووووووووووووووول

 

[ظٍل الياسمين]

الظاهر قصدج .. الشيش برك ..

يالله جربيها وعلمينا ..

 

[allahoo]

صح اكيد شيش برك لان تقريبا نفس الوصف

 

[Snow angel]

يمي يمي احب الشيش برك

 

[!! الواصليّـــــة !!]

مشكورين بنات

جارة القمر الله لايحرمنا منك يالغلاا وفي هالمطر عسى ربي يعطيك كل ماتبينه من الدنيااا والآخره

بس اللي ذقته مافيه لحم ابد .. كان محشى بجبن؟؟؟
جزاج الله خير

 

[مرت راشد]

جارة القمر الفرق بين الي قلتيه ووالي انا اسويه اني ادخله الفرن العجين بعد طبعا ما احشيه واسويه على شكل قبوط بعدين اسقطه بلبن

 

[القبله]

الواصليه تصدقين هذا الطبق الأسبوع اللي طاف جنه اللي آكلته بمطعم نينو أختي طالبته و طعمه غريب و لما سألتها شنو هذا ؟؟ أول مره أذوقه
جان تقولي هذا قبوط بس أيطالي تضحك طبعا ههههههه بس طعمه عجييييييب عجين داخله جبن غريب و عليها صوص أبيض و نعناع مجفف و حبات العجين عنونه مو كبيره صح ؟؟ أذا هذا اللي تقصدينه أسألج أختي عن أسم الطبق لأنه أول مره بحياتي آكله

 

[شندوخه]

اذا محشي جبن هذا نوع من انواع الباستا الايطاليه
اسمه تورتليني
تلقينه بمركز سلطان ينباع اخذ النوع اللي فيه جبن ريكوتا احلى شي بس ترى الصلصه ماينحط معاها نعناع
الاخت ضيفه سعوديه حاطه وصفتها اخذيلج قزه بمواضيعها
وبعد تنباع عند كل المطاعم واحلى شي مالت لورنزينو له فرع بالافنيوز

 

[!! الواصليّـــــة !!]

يآحلوكم يابنااات .. اشهد انكم راعيات فزعه << كل هذا عشان بطنها ههههه

القبله
ءي والله تكفين قولي لأختج الواصليه طاحت عينهااا تبيه ياعيشتن قشره ههههههه

شندوخه
ياهلا ومرحبااا ..بلى فيه نعناع وفي طعم فلفل واضح << هذا اللي عجبها الهنديه :/ لازم فلفل
بقز الحين ولايهمج . كلّش ولا القز عااد .. هذا شي يسري بعروقنا هههههه

 

[القبله]

ابشري يالواصليه ماطلبتي شي بس خل تقعد أختي بعد شوي حق دوامها و أسألها هي اللي تعرف أسمه و أنا على طول أكتبلج أسم الطبق و ذكرتيني صح ترى فيه فلفل بس ياختج مايشبع ماهو قبوط عرب نتيفه العجينه هههههههه

 

[ام عفاف الكويت]

اخخخخخخخخ ياقلبي انتي من الوصف شهيتنا على اكلها
ان عرفتي اعزميني انا خويتج مو تطنشين

عاد نعناع وفلفل يمي يمي

 

[!! الواصليّـــــة !!]

القبله
بشّركْ الله بالجنه ..
الحين الساعه 6 وربع خلاص بعدي قومي اختج وراها دوام ههههههههههه <<< ماصيدها الدوام
فديت قلبكْ
..
ام عفافْ
ياااغااااليه والطلب رخيصْ .. أبشري بعزّكْ لو تبينْ النجم من فوقْ ~
بس شرطْ تجين تاكلينه في بيتنااا ويكون من يديني انااا الواصليه