طبقي اليوم مظروبه البحرينيه على طريقتي الخاصه تفضلو

[ريمه الكويت]

بسم الله الرحمن الرحيم

تفضلو بسم الله


خفيفه على المعده ولذيذه وتصلح للكبار والصغار

المقادير
عيش مغسول ومنقع بماي وشويه ملح

دجاجه كامله مغسلتها ومنظفتها عدل ومقصصتها اربع اجزاء طبخيها مع ربع كوب ماي 5 دقايق وصفيها من الماي عن ريحه الزفره

5 حبات طماط مفروم

شده وحده من( كزبره خضره+ اشبنت+ سلق)

بصل مفروم+ 4 حبات ثوم مفرومين
بهارات + ليمون اسود ناعم + ملح
علبه معجون طماط

الطريقه

تحمسين البصل اول شي وبعدها تحطين الثوم وبعدها الدياي مع الخضره المفرومه وحمسيهم زين وحطي عليهم البهارات المشكله مع ملعقه كبيره ليمون بودر+ بعدها حطي العيش



بعدها حطي ملح+ علبه معجون طماط+ ماي مغلي اللي يغطي الدياي والعيش



انا حطيتهم بجدر ضغط عشان اختصر الوقت وخليته نص ساعه اما الجدر العادي خليه ساعه تقريبا مع اضافه الماي المغلي بين فتره وفتره

بعدها شيلي الديايه واخليها من العضم ورديها مع العيش وحطي شويه ليمون اسود وفلفل اخضر اذا حبيتي وانا رديت حطيت نص علبه معجون طماط زياده احبه يكون لونه احمر وضبطي الملح



بعدها حطيت حديده تحت الجدر وقصرت على النار عشان يتسبك عدل وانا بين فتره والثانيه ازيد الماي والملح اذا احتاج مع التحريك بالملاس عشان تتكسر حبات العيش وتلين

وبالاخير بعد مرور ساعه ونص بالجدر العادي وتقريبا ساعه بالظغط اسكر النار

اخذي عصير نص ليمونه واحطها على العيش تعطي طعم حلو واقلب العيش زين

سويت حشوه عباره عن بصل محموس مع الزرشك واقدمه على طبق المظروبه



وومكن تحطين دهن نباتي اوزبده تعطي لمعه للطبق وريحه حلوه



وتفضلووووووووووو بالعافيه

 

[سنفوره]

ابدعتى حبيبتى

وااايد ينن

بس ما قلتى اش كثر العيش ؟؟جم جيله ؟؟و شنو جيلتج

 

[أحلى همبه كويتية]

:eh_s(8)::33_1185028183::eh_s(8):

تسلم الأيــــــــــــــــــــــــــــــــــــــــــــــــــــــــــــــادي

 

[عاشقة لندن]

واااااااااااو شكلها خطير

انا حيييل احبها تسلم ايدج ياقلبي

 

[ريمه الكويت]

ابدعتى حبيبتى

وااايد ينن

بس ما قلتى اش كثر العيش ؟؟جم جيله ؟؟و شنو جيلتج

عيونج الحلوه :33_1185028183: انا حطيت جيله ونص عيش وجيلتي علبه الانناس القديمه بس طلع وايد مره ثانيه يكفي جيله وحده يعني الجيله ونص تكفي 6 انفار يمكن او اكثر حسب :eh_s(8):

 

[ريمه الكويت]

الهمبه

 

[ريمه الكويت]

حبتج العافيه عاشقه لندن

 

[*مــــســــك*]

شكلها لذيذه

تسلم الايادي

 

[جارة القمر]

مشكووووووره


وتسلم ايدج

 

[ريمه الكويت]

عيونج الحلوه مسك

 

[ريمه الكويت]

الله يسلمج جارونه

 

[غاية مرامي]

الله يعطيج العافية ياقلبي لذيييييييييييييييييذة يوعتيني

شكلها جنها يريشة؟؟؟؟

تسلمين

 

[ريمه الكويت]

غايه مرامي اخي نفس مظروبه اليريش بس على عيش

 

[زوجة الغالي]

الاااااااااااي يمي يمي وأكيد ريحتها تهبل

يعطيج العافيه حبيبتي

 

[قطوة@@]

الريحه واااااصله عندي


يسلموووو الايادي

 

[ريم الصبايا]

يااااااااااااااااااااااااااااااااااااااااااااي ريميه شنووووووووووو هاالابداع
مشكووووووووووووووووووره وتسلم يمينج

 

[ريمه الكويت]

اووو زوجه الغالي ريحتها تبط

 

[ريمه الكويت]

لوووول قطوه عاد انتي قطوه تحوسين بالفريج من جذي شميتيها

 

[ريمه الكويت]

يسلمج ربي ريوم

 

[حلوى و رهش]

اشكرج عالطريقة شكلها لذيذة حيييل

بجربها ان شاء الله و اعطيييج خبر

تسلمييين حبيبتي