حلوة ومملوحة الكويت
New member
مشرفة القسم
ضحكة الدنيا
السلام عليكم ورحمة الله
اشلونكم خواتي الكريمات انشالله بخير
اليوم مسويتلكم حبيباتي طبقين سهلين ولذذذذيذذذذين..نبتديالطبق الأول الاسباجيتي بالخضار
المقادير:
كيس اسباجيتي
طماط مكعبات
2بصل شرائح
2فص ثوم مدقوق ناعم
فطر علب او طازج والكميه حسب الرغبه
2 جزر مقطع شرائح بالطول
معجون طماط وآنا حطيت نص علبة كي دي دي
بهارات مشكله وشوية كركم وفلفل اسود
ورق غار طازج وآنا احبه في الأكل يعطي نكهه محببه
مكعب ماجي
فلفل اخضر بارد
الطريقه:نسلق الاسباجيتي وذلك باننا نفوح ماي حار بالجدروبعدين نسقط المعكرونه فيه ونضيف له قطرات من زيت الزيتون علشان ما يتلزق ببعض
ولما نحس انها استوت الاستواء الكافي ومو الاستواء اللي تكون منهرسه نطلعها ونحطها بمشخال ونفتح الماي عليها
علشان تفتر.
وبعدين في مقلاه نحمس البصل ليما يصير اشقر وبعدين نضيف عليه الثوم ونحمس يعني ايدج حبيبتي لا توقف عن الحماس يلا رياضه ليدينج وبعدين نضيف الجزر والفطر والفلفل البارد والطماط والماجي والبهارات والملح وآخر شي المعجون واذا حسيتي ان الخضار ذبلت سكري النار.
وفي جدر على نار خفيفه حبيبتي اخلطي الاسباجيتي اللي سلقتيه مع الخضار اللي حمستيها بس جم دقيقه
وعقب حطيه بصحن تقديم وعليج بالف عافيه.
صدور دجاج تقطعينها شرايح كبيره شوي وتتبلينها بالآتي:
4ملاعق أكل صويا صوص
عصير ليمونه او اكثر على حسب رغبتج
ثوم بودره ملعقتين
ملح
فلفل اسود
و3ملاعق خل
وكزبره ناشفه ملعقتين
تنقعين صدور الدجاج بالهالخلطه لمدة يوم بالثلاجه واذا اقل براحتج بس انا احب يوم علشان تتشرب الصدور التتبيله
ومن باجر تكونين مجهزه الخلطه اللي راح تنقعين الدجاج فيها علشان تقلينهم وهي عباره عن:
قلاص طحين
و3ملاعق نشا
وثوم بودره
وملعقة كزبره ناشفه
وفلفل اسود
وصفار بيضتين
وشوية فلفل دقوس ابو ديج للنكهه
واذا شفتي الخلطه جامده وثقيله خففيها بالماي
وننقع الدجاج بهالخلطه لمدة ساعه بالثلاجه وبعدين على طول في مقلاة غزيره ودهنها حار نقليهم .
وهني قدمتها مع اصابع البطاط المقليه..وفعلااا يمي يمي ..وعوافي على قلوبكم يا حلواااات
التعديل الأخير:
