طبخ اللحم

[[]نهاوند[]]

السلام عليكم ورحمة الله وبركاته

شلونكم خواتي ؟؟

اتمنى الجميع بخير وبأحسن حال

انا الحمدلله شاطره بالطبخ بجميع انواعه من اطباق رئيسيه وحلويات ومقبلات بس عندي مشكله بطبخ اللحم

مادري ليش دايما يطلع ناااااااااااشف مع اني استخدم لحم عربي خصوصا اذا سويت مجبوس يصير ناشف حيييييييييل :0bee2e8d89:

وحتى لما اسويه برياني او اي طبخه ثانيه يطلع ناشف بصراحه تعقدت من طبخه اشوف لحم المطاعم طري ولين وهو استرالي وانا عربي ويصير ناشف

سمعت عن شغله اسمها مطري اللحم بس ماجربتها مادري تنصحوني اجربها ؟؟

واللي تعرف طريقه تخلي اللحم طري بالطبخ لا تبخل علي

واكون لكم من الشاكرين ​

 

[UAE_GIRL]

و عليكم السلام ورحمة الله وبركاته ,,

هلا أختي أنا يوم أطبخ اللحم يطلع طري ومثل الزبدة وشحلاته
خلي اللحم يطبخ فترة طويلة أقل شي ساعة ونص تقريباً لين يستوي زين وبعد ساعة ونص شوفي إذا كان ناشف خليه يطبخ أكثر, بخصوص مطري اللحم أنا عمري ما إستخدمته , لكن أمي أحيانا تحط قطع من الكيوي لما تسوي اللحم تقول إنها سمعت في الراديو إنه الكيوي يطري اللحم.

يعطيج العافية

 

[[]نهاوند[]]

انا اصلا اخليه يطول بالطبخ وتوقعت ان هذا اللي يخليه ينشف

بس سالفة الكيوي اول مره اسمعها ... طيب ما تطلع طعم باللحم

مشكووووووووووره يالغاليه على الرد

بنات وينكم شدعوه المشاهدات 21 ومافيه وحده اللي ردت :0bee2e8d89:​

 

[جارة القمر]

هلا حبيبتي




بالنسبة لمطري اللحم يستخدم للستيك

أنا بالنسبة للحم


اغسله عدل



وبعدين أنقعه بشوية ملح العادي أو الخشن علشان الزفرة


وبعدين أفوحه مع ماي بس


وبعدين أحمسه مع البصل والثوم والطماط


إذا حق المرق



لم تسوينه للمجبوس تحطينه بالفرن


تدهنينه بماء ورد وزعفران وشوية هيل ودارسين ناعم ولا دخليه خالي بدون ما تدهنينه ولا تقلينه حبيبتي


ولا تخلينه يطول بالفرن

شوفي هالمواضيع


http://q8yat.net/showthread.php?t=281336&highlight=%E3%CC%C8%E6%D3

http://q8yat.net/showthread.php?t=6454&highlight=%E3%CC%C8%E6%D3

 

[منارة الإيمان]

هلا حبيبتى
حبوبة مطري اللحم للستيك فقط .. ولا تستخدمينه للطباخ أنا ما أفضله ..
ثانيا بالنسبة للحم .. حبيبتى لحم ألحين تغيير وااايد مونفس قبل .. حتى العربي اخترب ..
أختاري اللحم للمجبوس من منطقة اليد أو الضلوع تراها لذيذة وترفه ..
الفخذ نااااشف شوي أنا ما أحبه مجبوس .. ويستخدم للكبب والكباب والتكة وللمشوي لحتوائها على الهبرة ..
ودائما راعي بطبخج وخاااصة اللحم الزنجبيل .. لأنه المطري الطبيعي للحوم ..
وتبين اللحم الحلو .. عندج سيتي سنتر السالمية .. أو جمعية الدعية داخل الجمعية .. لحمهم وايد زين ..
موفقه ..

 

[still]

انا بصراحة ما عرف اطبخ عدل
وذا طلب منى ريلى اطبخ الله يخلى اختي ادق عليها و خطوة بخطوة تعلمني لمن اخلص اصور لها الطبق واطرس لها

طبعا بس الصورة مو الطبق اطرش لها
هههههههههههههههه


وانا دخلت القسم الطبخ عشان اتعلم منكم


تحياتتوووووووووووووووووووو

 

[قطرية كوول]

هلاا حبيبتي

انا مو وايد مع طبخ اللحم يعني بس ستيكات و لحم مفرووم غير جذي تخصصي دياي مادري احس اللحم سالفه معقده وانا ماكل لحم وايد

بس عشانج دقيت على امي سألتهااا عطتني محاضره سريعه لعيونج

اول شي تقولج اللحم السوري هو اللي يصير يابس والهندي والاسترالي يصير لين اكثر لأن السوري ياخذ وقت اطول بالطبخ يعني لي طبختيه واييييد يصير اوكي ولذيذ

شي ثاني تقول لج عمر الذبيحه مادري شقالت خروف تيس والله مادري المهم لما يكون عمره صغير( حجمه بيكون اصغر والا شلون نعرف عمره هههههه) المهم ان الصغير يصير طري اكثر من الكبير

آخر شي تقول لج خففي على النار كثر ماتقدرين لأن لما تكون النار خفيفه صج بيطول لين يستوي بس بيصير لج طري وحلو

وبث

 

[[]نهاوند[]]

جارة القمر... مشكووووووووووووره ياقلبي ان شاءالله بجرب طريقتج وان شاءالله تضبط وعسى ربي يرزقج بالذريه الصالحه وكل محروم

بسومه .. اي والله صاجه حتى العربي تغير مو مثل قبل مادري من العلف والا من شنو بالضبط مشكوووووووره ياقلبي على النصايح ان شاءالله بطبقها وتضبط معاي


still .. الطبخ متعه بالنسبه لي بس اهم شي يكون مزاجي رايق عشان ابدع والبنات هنيه ماشاءالله عليهم مبدعات وانا استفدت منهم الله يعطيهم الصحه والعافيه

قطريه كول .. تسلم عيونج ياقلبي مادري الاسترالي لحمه دايما يكون عرد ويطول اكثر بالطبخ وفعلا الخروف اذا كان هرش لحمه يكون صعب بالطبخ مشكوره ياقلبي على الرد

الله يجزاكم خير خواتي على المساعده بيض الله وجهيكم ​

 

[جارة القمر]

العفو



واللهم


آآآآآآآآآآآآآآآآآآآآمين


حبيبتي

http://www.q8yat.net/showthread.php?t=313836&highlight=%E3%CC%C8%E6%D3+%C7%E1%E1%CD%E3

والله يعطيج العافيييييييييييييييية