رد : *طبخات ووصفات لمتبعي رجيم الدكتور حسين دشتي او يوسف بو عباس*
هاذي اشويت اطباق خفيفه
1-جبنه بيظا فيتا او بلغاري امقطعه اصغر تخلطونها مع زعتر فرش حلوم مش ونعناع مفرومين مع طماط وخيار امقطعين اصغار تخلطونهم مع زيت زيتون وتاكلونها مع خس او ملفوف
2-جبنه حلوم اتقطعونها مكعبات اشوي اكبيره + طماطه اتقصونها ويه فلفل اخضر اتقصونه مكعبات وبصل اتقطعونه اتشكونهم ابسيخ وتشونهم اتحطونهم فوق خس وترشون عليهم زيت زيتون + ليمون + اوريقانو + اشويت ثوم مهروس
3-بيديان اشوي حجمه اكبير اتقصونه بالنص وتطلعون اللب ماله تحمسونه ابزيت زيتون مع ثوم وكزبره وبقدونس وطماطه اتبلونها ابملح وفلفل و كمون نتفه مووايد تردونهم داخل البيديانه بعدين اترشون علا الويه جبده جيدر وتدخلونه الفرن اشوي عشان الجبنه اتسيح (( ممكن اتحطون بروكلي ))
4-كوسا......زهره.......بروكلي.........مشروم فرش....اتقطعونهم وتحمسونهم بشويت زبده ثوم وتبلونهم ابملح وفلفل بعدين اتحطونهم اببايركس وتحلطونهم مع كريمه وجبنه بارميزان وتدخلونهم الفرن اشوي
5-طماطه عوده او 2 اصغار اتقصوصنها امدور واتحطون فوقها جبنه موزاريلا وترشون((نعناع وريحان زيت زيتون ونتفه اصغيره خل بالبلندر ))
6-مشروم فرش تحمسونه ابزيت زيتون مع كزبره خظرا لمه يستوي اترشون عليه ليمون
7-وهاذا سوس الفريدو تحمسون ثوم ابزبده بعدين اتحطون كريمه حمرا لمه تحتر اتحطون حوالي نص كوب جبنه بارميزان تخلونها تطبخ لين تغلي (( ممكن اتقللون الجبنه عني انا احب طعمها ايبين )) ممكن اتظيفون مشروم (( انا احطه ))
هاذا مافي جعبتي حالين
