طباخ جديد ساعدوني الي عندهم طبابيخ لا يقصرون

[cali]

السلام عليكم
يا بنات جنا طباخ جديد هندي بس لما عطيناه الكتب علشان يسوي قال ما يعرف يقرا
و الحين ودي نعلمه و نظبطه قبل رمضان ساعدوني وش الخطواط الي نسويها معاه و شنو نعلمه بالبدايه و شلون يتعلم السنع و النظافه يعني بختصار اذا جاكم طباخ شتسون فيه

 

[@ام يوسف@]

للرفع

 

[cali]

upp

 

[ام الدرر]

حبوبة
اول شي تعلمينه الاساسيات
متى يقعد ومتى ينام
نظام الاكل عندكم حريم رياييل-ديوانية
جم وجبه ومتى الوجبة تكون جاهزة
وعقب النظافة يغسل ايده قبل لا يبلش ويلبس دسوس لما يقطع اي شي
ويلبس صدرية نايلون وقبعه للشعر (هذول تحصلينهم بلاستيك استعمال مرة وحده عند اللي يبيعون ورق وبلاستيك بالشيوخ)
نظافة المطبخ وغسيل المواعين والترتيب هذي اشياء بديهية بس لازم تودينه على طبعكم
الطبخ
اكيد بما انه هندي اكيد يعرف الاساسيات
طبخ العيش -سلق الايدام - الحمسات
قولي اول شي اطبخ اللي تعرفه وشوفي شلوتن طباخه
وعقب عدلي عليه وعلميه الباقي اللي مايعرفه
يعني سوي الاكلة جدامه وخليه يشتغل معاج فيها
وعقب شوي شوي خليه يسويها بروحه
ومع الايام بيتعلم ويحفظ كل شي

 

[بنت النوخذا]

السلام عليكم
يا بنات جنا طباخ جديد هندي بس لما عطيناه الكتب علشان يسوي قال ما يعرف يقرا
و الحين ودي نعلمه و نظبطه قبل رمضان ساعدوني وش الخطواط الي نسويها معاه و شنو نعلمه بالبدايه و شلون يتعلم السنع و النظافه يعني بختصار اذا جاكم طباخ شتسون فيه

وعليكم السلام والرحمه
عفوا ما يعرف يقرا شنو ( هندي ولا انجليزي )
يبو له كتب في نفس لهجته ... تلاقينهم بمكتبات بحولي و الجمعيات العاصمه

واذاااا كلش ميح
الحل
1- تودونه يتدرب عند احد تعرفونه عندهم طباخ
2- ادخلونه عند وحده تعلم الطبخ ( اعلانهم بالجرايد )

طبعا المده اهو وشطارته ممكن ثلاث ايام ممكن شهر

و الاخت ام الدرر ... كلامها عين العدل خوش نصايح

(( يعني مااااا ينلاااام اول مره بشوف عالميديد عليه ... عطوه وقت ))

 

[&موناليزا&]

عزيزتي رفع لعيووووووووووووونج

 

[أم حمودي**MALL**]

علميه علي ايدج احسن
ما انصح تودينه حق الحريم اللي يعلمون
مرة وديت خدامتي تعلمت مسكينه بس الاكل مااا عجبني كلللش
لانه اللي علمتها تترس الاكل فلفل
واحنا مانحب جذيه
فاغلب اللي تعلمته مانسويه اللهم الا اكلتين