طالعتلي ورمه برقبتي

[MyLittleBerry]

صارلي 3 ايام

اول يوم ماكنت اقدر اتثاوب او اكح

واليوم الثاني عواره زاد وصل لي اذني وقمت احس ان في ورمه لما اجيسه

مكانه جهة اليسار برقبتي تحت اذني

رحت المستوصف قالتلي الدكتوره الكويتيه هذي بكتيرا حتى ماجاسته وفحصته بس فحصت بلاعيمي

انا الحين خايفه ان تكون ورمه ولا مرض مو زين

شسوي ووين اروح ؟؟؟

 

[ii DareeN ii]

ماتشوفين شر روحي حق طبيب انف واذن وحنجره وان شاء الله ماكو شي لان بالغالب يصير مثل الالتهاب وجذي ينتفخ هالمكان لاتقولين ورم وتفاولين على عمرج ان شاء الله ماكو الا الخير

 

[girl_in_abottle]

مثل كلام الأخت دارين

خصوصا انة الغدة الدرقية مكانها موجود مني
فديري بالك
ولا تأجلين
وماتشوفين شر

 

[rayaan]

يمكن تكون الغدة الدرقية

روحي جيكي بالمستشفى

 

[*دبدوووبه*]

علشان تتأكدين غده ولا مو غده
سوي تحليل دم للغده الدرقيه
وراح يبين
وان شاءا للله ماكو الا كل الخير
وان شاءالله يكون التهاب
وماتشوفين شر ياقلبي

 

[رهوف]

حبيبتي ما تشوفين شر بس اعتقد هذا التهاب حايش الغدد الليمفاوية لأن الورم مايصير جذي بيوم وليلة ومؤلم وقريب عالأذن
او اللي يسمونه نكاف ( ابو كعب ) وهذا مرض فيروسي مو بكتيري

بس لا تحاتين ان شاء الله ماكو الا العافية

 

[قايد الريم]

حياتى ماتشوفين شر انشالله بس لازم تروحين تحلليلن يمكن كسي دهن انا فجا طلعتلى تفخه ورمه بيوم وليله عند بلعومى لاحظى عند بلعومىو مو مثلج تحت الاذن ورحت مستوصف قالت روحى حللى احسن ورحت حللت اطلعت ورو حمممممميد ولله الحمد فوق الغده من سنه وتو يبرز والحمدلله شلتها وراح وانتى انشالله مو مثلى بس لاتحملين نفسج روحى حللى يمكن التهاب او كيس دهن وانشالله ماتشوفين شر

 

[كتكوته فسفوريه]

اختي روحي حللي وافحصي وسوي كل شي .... لا تسكتين وانشالله يطلع شي عادي


انا قبل كنت احس بعوار بصدري اليمين يوم فحصت والا ماكو شي وكان انتفاخ وعفسه بس الحمد لله قالي هاذا عضل ونومتج غلط وسويت اشعه وكل شي وطلع الحمد لله الف الحمد والشكر له ماكو شي

لا تخافين ياقلبي روحي وانشالله مافيج الا العافيه

 

[قايد الريم]

طمنينا عليج بعد الفحص وبشرينا انشالله مافى الا العوافي

 

[سمو]

ما تشوفين شر ان شاء الله

اعتقد والله اعلم انه التهاب باذنج ... نفس ماصار فيني قبل جم يوم واخترعت علبالي شي ثاني.

 

[MyLittleBerry]

انا رحت المستوصف مافحصتني ولا شي قالتلي التهاب وعطتني مضمه مع ان مادري شكو المضمضه الالتهاب برقبتي مادري بلعوم يعني مكان بعيد المضمضه ما بتوصله ولا شي

بس الحين الحمدلله راح مافيني شي

بس هم الوحده تخاف من هالسوالف

 

[LooOooLooOoo]

من خبرة شخصية ...ما اعتقد انها غده درقية لأن مكانها الرقبه عند الاحبال الصوتية والبلعوم...بما انها تحت الاذن وجهة وحده انصحج تروحين لأخصائي انف واذن وحنجرة وراح يبين اذا كان مجرد التهاب عادي وعلاجه مضاد كم يوم وخلاااص..وبالسونار يبين وطبعا لازم يسحبون عينه لتحديد نوعه هذا بأسوء الاحتمالات ... ونصيحة لا تهملين نفسج لأن كل ما كنتي سريعه في علاجه كل ما كان احسن لج. وأطمنج اكثر ان معظم الأورام اللي تخوف لها اعراض واضحه مثل التعرق الكثير وألم بالراس وغيرها..وبما اان الألم مكان الورمه وعند الاذن بس أبشرج انه مجرد التهاب.....بس ان شاء الله خير ..وما تشوفين شر

 

[*دبدوووبه*]

الحمدالله يارب
ان طلع شي بسيط
وراح
وماتشوفين شر ياقلبي