طالبتكم طلبه ساعدوني يابنات

[ورده عنابيه]

قوة كويتيات انا احترت وابيكم تساعدوني دورة شهر خمسه تاخرت 7 ايام مع العلم ان اخر جماع كان باليوم 18 من الدورة وانا طول دورتي 28يوم وشرفت الدورة بتاريخ 3\6 وهذا الشهر الدورة المفروض تنزل الدورة بتاريخ 30\6 لكن هم تاخرت وقمت سويت تحليل دم العادي بتاريخ 7\6 والنتيجه ماكو حمل ولحد الحين الدورة مانزلت الدورة طبعا الشهر اللي طاف رحت سويت سونار داخلي وكل شي تمام الحمدلله مافي اي شي يخوف مجرد تاخير في الدورة وعقبها نزلت لكن هالشهر الدكتورة قالت انتي تبويضج متاخر ابدي الجماع منعقب اليوم 16 من الدورة :eh_s(10):قرقت وايد ادري بس مالي غيركم الحين هذي قصتي واتمنى اكون حامل في امل والا خلاص منو مثلي سوت تحليل ومابين الحمل الا بعدين والف شكر لكم

 

[كويتيه مذهله 87]

حبيبتي اذا كل شي تمام لا تحاتين يمكن تتأخر من كثر التفكير تري النفسيه تلعب دور

ونطري بعد جم يوم وحللي اذا تبويج متأخر ماراح يبين الحمل بسرعه

 

[ورده عنابيه]

مشكورة كويتيه مذهله ماقصرتي

 

[*Crafty-girl*]

حبيبتي انا المفروض الدوره تنزل 4_7 ومانزلت !! 6_7 سويت تحليل حمل قالو ماكو حمل !! وانا دورتي كل 28 يوم حدي استغربت !! وعدت التحليل 11_7 وبين معاي الحمل ... الظاهر الحمل متأخر وياي فا بين معاي متأخر !!
انتي متا اخر مره سويتي تحليل حمل؟

 

[*Crafty-girl*]

انا بين معاي عقب 9 ايام من تأخيرهااا

ونصيحه لاتاكلين حبوب تنزل الدوره وهالسوالف دربالج يمكن حملج مايبين في وايد حريم يبين حملهم متأخر حييل نفس وحده بين معاها الحمل لمن صارلها شهرين مويايتلها الدوره !! فا خليها تنزل من الله ولاتسوين سونارات داخليه موزين حق الحامل ... والله يرزقج بالحمل ياااااااااااارب

 

[ورده عنابيه]

حبيبتي انا سويت تحليل دم في 6يوليو فرحتيني يعني ممكن حمل

 

[حنان1983]

ان شاء الله تكونين حامل انا اختي مرتين سوت تحليل حمل منزلي ما بين معاها الا عقب 15 يوم من موعد الدورة

 

[ام الشوامس]

نطري ان شاء الله حامل ؛)

 

[المسكـ]

الصبر مفتاح الفرج
ان شالله باذن الواحد الاحد حامل
بس كثري من الاستغفار الى الله والله ربج مايضيع عمل احد

 

[ورده عنابيه]

ماقصرتوا حبيباتي بس انا سويت تحليل دم مو تحليل منزلي في امل اكون حامل

 

[كلاسيكال]

عسى ربي يرزقج بالذريه الصالحه يارب

 

[ورده عنابيه]

الله كريم ماقصرتوا بنات

 

[ورده عنابيه]

ربي لاتذرني فردا وانت خير الوارثين

 

[ورده عنابيه]

اب اب

 

[تبطي عظم!]

انا سويت تحليل دم ومنزلي ومابين الحمل الا بعد ١٠ ايام من موعد الدوره

انتي نطري وبعدين عيدي التحليل مره ثانيه

 

[ELFAD3Ah]

انشالله حامل

 

[ورده عنابيه]

ماقصرتوا بنات انا قاعدة انطر والله كريم

 

[االفرس]

انا بعد تقريباا كل حمالاتي مايبين اني حامل الا عقب ما تاخر الدوره اسبوع او اسبووعين نطري وانشالله خير

 

[خيشة شكر@]

ان شاءالله حاامل والله يرزقنا بعد لاتنسين تبشريناااا

 

[ورده عنابيه]

الله يسمع منكم ماقصرتوا بنات انا الحين قاعدة اخذ دوفاستون 2حبه باليوم لمدة 5ايام وعقبها اذا مانزلت الدورة براجع الطبيب