طافتني هذي الصلاة انقذووووونـــــــــــــــــــي؟؟؟؟؟

[الفنانه79]

السلام عليكم
انا ابي اسأل بنات تكفون ردوا علي ضروري وابي فتوى صحيحه جزاكم الله خير

انا ذاك اليوم رديت من الدوام وصليت الظهر ونمت العاده اقعد اصلي صلاة العصر وبعدها انام بس ذاك اليوم دخت ونمت :eh_s(2):
المهم نمت ويا نومه كوني نومه وقعدت ولا اذان المغرب يأذن :eh_s(11):

شسوي بعمري وقتها طبعا صكت فيني الدنيا وصليت المغرب وماادري اشلون؟؟؟؟
الحين السؤال<< اشلون اذا طافتني الصلاة وادركني وقت الصلاة اللي بعدها نفس هالحاله وانتوا تدرون ان صلاة المغرب والعصر ماتنجمع؟؟؟
وجزاكم الله خير وابي ردودكم بنات:eh_s(16):

 

[نور النت]

اللي اعرفه انج تصلين العصر وعقبها المغرب ، يعني تصلين الصلاة اللي طافتج وتتبعينها بالصلاة اللي دخل وقتها ، وانتي مو متعمده تطوفينها وهذا ما يعتبر جمع هذا يعتبر قضاء ... والله أعلم

 

[سمو]

السلام عليكم

انتي صلتي العصر ولا للحين ما صليتيها؟؟ اذا ما صليتيها ..الاحسن انج تصلينها قضاء

وبعدين مثل ماقالت اختي نور النت بطريقه صلاة القضاء .



تحياتي.

 

[أم بدير]

ماتعتبر جمع اذا كانت طايفتج الصلاة
اخوي مرة سأل مطوع بالمسيد عن نفس السالفه
وقاله تصليها الحين بعد اذا ماصليتها أول ماتذكرتها مع انه كان رايح المسيد وخالص صلاة العشا بعد
وكان طبعا مصلي الغرب
فقام وصلى العصر بالليل عقب صلاة المغرب والعشا
وقاله كل صلاة تطوفك تصليها متى ماتذكرتها على طول​

 

[الفنانه79]

جزاكم الله خير الحين عرفت وكنت ميته من الخوف وان شاء الله ماطوفني مره ثانيه

 

[عرووووس الكون]

ان شاء الله

 

[جروحي تنزف الاحزاني]

السلام عليكم ورحمة الله وبركاته

أختي انا نفسج ارجع تعبانه ومرات تطوفني صلاه العصر فالصحيح ومن قول المشايخ انج تصلين صلاه المغرب وبعدها العصر وحتي لو ما اذن وغايبه الشمس تنطرين صلاه المغرب وبعدين تصلين العصر لان سبحان الله الشمس ان غابت او طلعت تطلع من بين قرنيين الشيطان مايجوز لين تبان الشمس او تغيب وياذن المغرب وهذا الي سالت عليه وجاوبوني والله اعلم

 

[طماشه]

الصلاة الفائتة‏:‏ يعني إذا فات الإنسان فريضة فإنه يصليها ولو في أوقات النهي االمغلطة القصيرة لعموم قول النبي صلى الله عليه وسلم‏:‏ ‏(‏من نام عن صلاة أو نسيها فليصلها إذا ذكرها، لا كفارة لها إلا ذلك‏)‏‏[‏ تقدم تخريجه ص283‏.‏‏]‏‏.‏ فقوله‏:‏ ‏(‏فليصلها إذا ذكرها‏)‏ عام لا يستثنى منه شيء، ولأنها فريضة مؤكدة فلا ينبغي تأخيرها عن وقت ذكرها أو استيقاظ النائم‏.‏
والخلاصة أن هذا الحديث ‏(‏لا صلاة بعد الصبح، ولا صلاة بعد العصر‏)‏ مخصوص بما إذا صلى صلاة لها سبب فإنه لا نهي عنها‏.​

 

[ورق عنب]

بصراحة انا مدري .. سمعت رايين

الاول انه مثلا طافتج الظهر ودش وقت العصر انج تصلين بالترتيب يعني تصلين الظهر اللي طافتج وبعدها العصر ... والثاني انه تصلين اللي داخل وقتها وبعدين تصلين اللي طافج ...

كنت امشي على الراي الثاني وحاليا على الراي الاول .. مادري ايهو الصح

 

[الفنانه79]

امبييييييه ياجماعه مافي راي ثابت ؟؟؟؟؟؟؟

مشكورين على ردودكم بس نبي شي اكييييييييييييييييد

 

[زيـنـه]

صلي اللي طافتج .. تالي اللي دخل وقتها .

 

[أسيرة موني]

http://www.islamway.com/?iw_s=Fatawa&iw_a=view&fatwa_id=3162

 

[.]

انا اذا كنت نايمه وطافتني صلاه ..

اصليها اول عقب الصلاه الثانيه..